BAHAN SERMON JAMITA TU MINGGU XIII DUNG TRINITATIS, 2 SEPTEMBER 2012 JAKOBUS 1:16-27

BAHAN SERMON JAMITA TU MINGGU XIII DUNG TRINITATIS, 2 SEPTEMBER 2012
JAKOBUS 1:16-27
GABE PANANGINANGI DOHOT SIULAHON HATA NI TUHAN I

1. Konsisten: Saurdot do hadirion dohot pambahenan ni Debata, ndang hea ro sian Debata angka na roa, alai holan na denggan do. Jotjot do sala hita mangalapati angka na masa di ngolunta. Isarana molo madabu jolma tubagasan pangunjunan ndang sian Debata ro pangunjunan I (ay 18), alai sian roha ni jolma I do na mangoloi hisap ni rohana gabe madabu ibana tu pangunjunan. Sian si bolis jala ibana do na patupahon pangunjunan tu jolma, atik pe diboto jala “diloas” Debata jolma I unjunan ni si bolis. Marhite turpuk on dipaandar do tu hita, ia Debata tongtong do “konsisten” na so olo muba do hadirionNa, Debata parholong niroha do Ibana, sian Ibana do saluhut angka na denggan, nasa ulibasa na mauliutus. Godang angka na denggan, nasa ulibasa na maulitus na dipasahat Debata tu hita, jala saluhutna angka na denggan I patubuhon lasnirohanta na so boi dilehon portibion, lumobi ma nasa ulibasa na mauliutus, ima silehonlehon ni Debata na so tama, jala naso talup hita manjalo alai diloas Debata hita manjalo. Di ngoluon ndang habilangan hita nadenggan natajalo sian Debata, ndang na ala ni hagogoonta umbahen di lehon Debata tu hita nasa uli basa namauliutus alai holan ala ni asi ni rohaNa sambing do. Dilehon do tu hita ngolu, gogo, roha, tingki parasian dohot ragam ni angka pasupasu pardagingon dohot partondion. Marhite pambahenan ni Debata, gabe tarsunggulma tu rohanta jotjot do hita marhahurangan di ngolunta, isarana molo tapatupa angka ulaon na denggan, hape ndang tulus, jala bulus hita mangulahon I, ai sipata gumodang do manuntut hita sian na tapasahat i, martingki do hita mangulahon na denggan, jotjot do hita ndang konsisten di hata dohot pambahenan. Boi do muba hatanta nang pambahenanta saonari dohot tu ari marsogot.
2. Dipaingot do marhite turpuk on sikap na denggan di halak naporsea I ma:
 Manangihon: Ganup jolma, girgir ma ibana mananginangi, bangkol ma ibana mangkatai, lapatanna ingkon gumodang do jolma i mangangihon sian na manghatai, ndang mandok ndang ringkot mangkatai. Molo girgir manangnangi ingotonta ma pandohan“Diam itu adalah emas” unang “masuk kiri keluar kanan, masuk kiri keluar kiri”, alai gabe manangihon secara empaty (=mendengar dengan utuh) Molo didok bangkol mangkatai, lapatanna ingkon jamot do jolma manghatahon hatana, unang “asbun”(asal bunyi) unang holan manihasi (holan mengkritik), unang holan hata bura ro sian pamanganna,Paulus mandok “Sai tong ma lambok hatamuna, songon na siniraan, asa botoonmuna alus na patut tu ganup jolma (Kol 4:6).
 Kecerdasan emosional:Unang parmuruk, Memang marasing do hadirion (sifat-sikap) ni sasahalak jolma, adong do bangko ni jolma mura muruk (darting), adong do ala na binahen, jala ganup do jolma boi muruk. Bangkol ma tarrimas, lapatanna unang muramura muruk, ai manang aha pe ulaon molo mardongan muruk do pasti ndang denggan ujungna, ndang na mandok ndang boi muruk,alai molo muruk ingkon muruk holongma, ai Debata sandiri pe tarimas do tu bangsoNa marhite holongNa. Sasintongna sian segi medis molo muruk hita gumodang do hita rugi ndanda halak na asing, ai godang do jolma ala so boi di kontrol emosi ujungna gabe sahat tu S3 (stres,stroke-Stop)
 Transformasi: Mambolongkon nasa na roa dohot hajahaton, I do hataridaan ni angka naung paubahon roha, I do “huria” namangolu dibagasan ngolu naimbaru, holan angka na denggan do siboanon tu parsaoran dibagasan Tuhan I ai marhite na rade mambolongkon na roa, marhite I do jolma boi pasahathon ngoluna hibul tu Debata. Ingkon dibagasan lambok ni roha do jolma manjalo hata ni Debata, asa suan jala mangolu hata ni Tuhan I dibagasan roha, ai margogo do hata ni Tuhan I laho paluahon tondinta.
 Unang holan hata (NATO:No action talk only), alai manangihon dohot mangulahon hata ni Debata, Hakristenan ndanda holan “agama” alai dohot do “tindakan”(aksi), ndanda holan pananginangi di hata I, alai ingkon mangihut do pangulaon dohot pambahenan (Jak 2:17). Somalna molo molo holan manangihon jolma, mura do lupa, alai molo ditangihon jala di ulahon mintor maol do lupa.
 Religius:Ngolu hadaulaton (Ibadah) ingkon saurdot tu pangulaon, pangalaho, pangkataion siganup ari, ngolu na marhadaulaton lambas do na hinanghamna, alai adong do tong secara khusus. Hadaulaton na ias jala na so marlindang I ma patupahon ulaon parasi ni rohaon, I do hataridaan huria na mangolu, huria na ber-diakonia (mangurupi angka na mabalu, na so marama, so marina), laos dohot ma manjamothon diri asa unang “terjerumus” tu ulaon hajahaton dohot haholomon. Paulus mandok “Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan” (Rom 12:2).


BAHAN SERMON JAMITA PARTANGIANGAN
5 Musa 4:1-2, 6-9
HAUNDUHON TU HATA NI DEBATA
Haunduhon tu hata ni Debata tarida ma sian sikap:
1. Medengar dengan empaty: Manangihon aturan dohot uhum, marlapatan do I asa mangolu bangsoNa dibagasan haunduhon/ketaatan(komitmen dan konsistensi) tu Ibana, I do konsekuensi ngolu na dibagasan “perjanjian” maradophon Debata. I do joujou na mansai arga situtu sian Debata tu bangsoNa Israel (Ibr:Syema Israel). Debata sitompa saluhut do Debata ni Israel (montheisme), Dibagasan prinsip theokrasi (pemerintahan Allah), Holan aturan dohot uhum na sian Debata do na berfungsi mamboan ngolu na denggan,jala saluhut angka nilai-nilai moral, etika, ingkon marsorminan tu aturan dohot uhum ni Debata. Ala ni ma ringkot sikap managihon aturan ni Debata jala mangulahonsa I do respon tu haluoan na sian Debata, I do mual ni lasniroha. Nian sian ngolunta pe tarida do gombaran ni I, ai dua do dilehon Debata sipareon laho mananguhon, jala sada do simanghudap, lapatanna asa gumodang do hita managihon sian na manghatai. Molo girgir hita mananginangi gabe botoonta ma mandok sidohonan na patut maradophon dongan, asa unang holan mangkatai hita jala ndang adong be kesempatan laho manangihon hata ni dongan. Didok Tuhan Jesus do “Angka hadengganon do dirungkari halak na denggan roha sian pangkal na denggan na di bagasan rohana, jala na jahat do dirungkari halak na jahat roha sian na jat na pineopna hian. Ai ia i na manggohi roha, matua i do dihatahon pamangan (Luk 6:45). Sian pangkataion dohot aha na ni dok ni jolma boi do botooan hadirionna. Boi sega parsaoran marhite “hata”, sega hadirionta (Yak 3:6), boi do tersinggung dongan molo sai tadok hata na mambahen sogo ni roha ni dongan, I do umbahen didok umpama Batak “Ni arit lili bahen bambaba, jolo nidilit bibir asa nidok hata” lapatanna jolo denggan do pingkiran hataniba, ipe asa nidok. Didok di Poda “Manang ise na mamompomi pamanganna, i do na mangaramoti hosana, alai manang ise na pangangang bibirna, hamagoan do ujungna (Poda 13:3), ala ni ringkot ma hatanta “hata na pangoluhon” unang “hata na pamatehon”. Hata ni Debata do hata na pangoluhon asa mangolu hita; marlapatan do aturan dohot uhum I gabe siparorot, laho manjamothon asa unang marmara bangsoNa i, asa mangolu bangsoNa I dibagasan ruhutruhut na denggan
2. Konsisten: Ndang ambaan jala ndang jadi oruon: ndang pola dipangido Debata persetujuan sian bangsoNai taringot tu aturan dohot uhumNa.
3. Komitmen: Ingkon radotando tona ni Jahowa. Ingkon adong do aturan dohot uhum asa boi jolmai mangolu dohot denggan (harmoni). Dilehon Debata do kebebasan di jolmai, alai ndanda kebebasan na so adong aturanna. Ido hataridaan ni jolma na mar-Agama, dohot mar-Tuhan ingkon bersifat mangaradoti jala mamboan hadamean tu portibion, I do parbue ni hapistaran dohot hapantason. Ramoti dirim jala parhamaol tondim: Sahit ni jolma sai jotjot do lupa,isarana lupa marningot na denggan, lupa mandok mauliate, lupa mangulahon tona dohot uhum. Sasintongna godang do angka parsiajaran naingkon siputihan ni jolma sian pengalaman di ngoluna, laos songon I do pengalaman ni bangso Israel disejarah ni haluaon nasida sian tano misir, pengalaman di parhorsihan (=Sekolah padang Gurun). Didok angka na pistar do “pengalaman adalah guru yang terbaik” hombar tusi ma ampit umpasa Batak na mandok “mata guru roha sisean”, ndang diida mata alai diida roha. Sian pengalaman I do tubu panindangion, laos patubuhon “haporseaon”.
4. Tanggungjawab edukatif: Mangajarhon tu sundut naumposo (PL,Didaskein , PB,katekisasi dna). Dimulana pangajarion taringot tu pambahenan ni Debata i ma tanggungjawab ni natoras (bnd 5 Musa 6:20-25). Ingkon tangkas do natoras tua pabotohon (mengajarkan) tu angkainakkonna taringot tu pambahenan ni Debata (Psalmen 78:3-7).
















4:8 Ai tung di bangso na bolon dia ma adong aturan dohot uhum na tigor, songon sandok patikon, na hulehon di adopanmuna sadarion?
4:9 Antong ramoti ma dirim jala parhamaol situtu tondim, asa unang lupa roham di jamita, angka naung niida ni matam, asa unang tallus sian roham saleleng ho mangolu, jala ingkon pabotohononmu do angka i tu angka anakmu dohot tu angka pahompum.
Mulut yang Kotor
Nats : Siapa menjaga mulutnya, memelihara nyawanya, siapa yang lebar bibir, akan ditimpa kebinasaan (Amsal 13:3)
Bacaan : Yakobus 3:5-12
Kata-kata saya tidak hanya akan berdampak pada orang lain, tetapi juga berdampak pada diri saya sendiri. Ketika saya mengucapkan kata-kata jahat, saya tidak hanya mengungkapkan dosa dalam hati saya (Lukas 6:45), tetapi juga memupuk dosa itu dan membuatnya bertumbuh. Yesus mengatakan bahwa bukan yang masuk ke dalam mulut, melainkan apa yang keluar dari mulutlah yang najis. Yakobus menyatakannya dengan kalimat lain, “Lidah ... dapat menodai seluruh tubuh” (Yakobus 3:6). Lidah yang tidak dikendalikan akan merusak diri saya sendiri.
Di lain pihak, apabila saya menolak untuk menanggapi pemikiran yang kotor, tidak baik, dan sia-sia, itu artinya saya mulai mencekik kejahatan dalam jiwa saya.
Itulah sebabnya orang bijak dalam Amsal 13:3 mengatakan bahwa kita harus menjaga mulut kita. Ketika kita melakukannya, kita menghentikan kejahatan yang diam-diam menggerogoti akar jiwa kita. Apakah kita ingin mengakhiri kejahatan yang dengan mudahnya timbul dalam diri kita? Dengan bantuan Allah, kita harus belajar untuk mengendalikan lidah kita.
Anda mungkin berkata, “Saya sudah berusaha, tetapi saya tidak mampu mengendalikannya.” Yakobus sependapat bahwa, “Tidak seorang pun yang berkuasa menjinakkan lidah” (Yakobus 3:8). Tetapi Yesus mampu. Mintalah kepada-Nya untuk mengawasi mulut Anda (Mazmur 141:3), dan serahkan kendali lidah Anda kepada-Nya.
Marilah kita menggemakan himne Frances Havergal: “Ambillah bibirku dan biarlah bibirku dipenuhi dengan kabar yang memuliakan-Mu”—David Roper
SIAPA MEMELIHARA MULUT DAN LIDAHNYA
MEMELIHARA DIRI DARI PADA KESUKARAN