Selasa, 09 Oktober 2012

Jesaya 35:4-7a

BAHAN SERMON JAMITA TU MINGGU XIV DUNG TRINITATIS
 09 SEPTEMBER 2012
Jesaya 35:4-7a

Thema: Ro Tuhanta Laho Paluahon
1.       Mansai borat do hamaolan diadopi bangso Israel (Israel Utara terjadi krisis politik, Moral, religi), ujungna gabe hancur do Israel utara ditaon 722 SM. Laos songon I do nang Juda na mengalami krisis social, politik, ekononomi, krisis iman hinorhon ni pangalaho ni panggomgomi, raja Ahas na korup jala manundalhon Debata, marhite na mangido pangurupion sian bangso Asyur (bangsa Kafir), ndanda sian Debata (Allah perjanjian:Yahwe), alai dung bangkit raja Hiskia gabe raja dipatupa ibana do reformasi, restorasi, transformasi di tongatonga ni bangso Juda, alai ndang sadia leleng boi bertahan haimbaruon I, ai dung bangkit anakna si Manasye gabe raja gabe mulak do bangso I manundalhon Debata. Ditangihon si Manasye do angka sipaingot na ro sian pangarajai (kaum bangsawan), na berpikir dunia, jala nungga mansai leleng sogo roha nasida ala ni kewajiban laho mandalanhon ruhutruhut ni parsombaon tu Debata ni Israel na pinatupa ni raja Hiskia. Diloas raja Manasye do parsombaon tu debata sileban (politeisme), jala berkolusi do  penguasa dohot pengusaha, ujungna terjadi ma eksploitasi tu angka na metmet (rakyat biasa), terjadi ma krisis social, moral, spiritual, politik, ekonomi, dna, jala godang do terjadi tinakan criminal, masa pertumpahan darah, perampokan, pencurian, dna.
2.      Disituasi na krisis I ma ro pangungkapon tu si Jesaya di bereng ibana na ro ma tingkina, sada bangso manurbu bangso Juda, alai mangihut tusi ma ro pangurupion sian Debata tu bangsoNa laho paluahon bangsona sian hamaolan i.
3.      Putihonta ma sian turpuk on na gabe jamita:
Parjolo: Debata do margogoihon hita ala ni posmarohanta tu Ibana, godang do tutu na mambahen hita gabe mabiar, alai manang aha pe namasa di portibion taingot ma Debata do na gabe jaminan di ngolunta, tongtong do Ibana campur tangan diangka namasa di portibion, ndang adong na lipe sian ibana, ndang adong na so diboto Debata. Tutu do, nunga godang angka halak naung daukdauk tanganna jala telluktelluk patna ala ni korban ketidak adilan ni angka penguasa ni Juda, dohot ala ni biarna mida ondamondam ni Assur. Tutu do torop angka na martihas (cacat- tuna runggu, tuna netra, tuna wicara, na pangpang) ala sahit ni daging. Tutu do ingkon gabe halongonan Jerusalem ala dirongsohon bangso sileban. Alai, gabe “masa lalu” do i bahenon ni Debata, jala ndang be siingoton i. Ala ro ma na imbaru, ima na tahirim di masa depan. Ai tung masihol do Debata laho pasuang las ni roha ni bangsoNa.
Paduahon: Debata do sipalua jala paluahon hita. Di ayat 4 c, didok: “Ro do Ibana tongon paluahon hamu” (Ia sendiri datang menyelamatkan kamu). Ndang halak na asing. Ndang utusan. Ndang didelegasikan manang diwakilkan. Debata sandiri do. Boasa? Tontu, na mansai arga ma natinopotNa i. Debata sandiri do marhite tangan na gogo turun tangan, campur tangan, intervensi laho paluahon Israel sian parhatobanon ni Babel, ala mansai arga bangsoNa i di roha ni Debata. Jala bagbagaNa di turpuk on pe tutu do dipasaut i. Ibana sandiri do, ima Debata na gabe jolma di bagasan Jesus Kristus. I ma ala holong ni rohaNa (Joh. 3,16). Andorang diportibi on Jesus, dipamalum do torop angka na marsahit, dohot na martihas. Dilehon hagogoon na imbaru tu angka na dianggap sampah masyarakat (sijalo beo, na huliton, na mabalu, dakdanak). I ma patuduhon naung ro taon parasinirohaon (tahun anugerah- Lukas 4, 18-19). Laos Ibana do patoguhon roha ni angka
naung mandate songon na di ayat 3-4a i. Ai didok Jesus do: “Ro ma hamu tu Ahu hamu angka na loja jala na sorat”, ninna Jesus do tu masyarakat na gok biar, na marboban na dokdok binahen ni penjajah Romawi dohot tokoh agama. Toropnai halak naung mandele gabe dapotan las ni roha dung pajumpang dohot Tuhan Jesus. Ala ni tahaporseai ma Tuhan I, tongtong ma hita marpangkirimon holan tu Ibana, jala rade ma hita gabe ulaulaNa mamboan dohot patupahon haimbaruon, perdamaian dohot pemberdayaan.
4.     Aha do sikap na diigil ni turpuk on sian hita molo nungga dipalua Debata hita:
-          Unang lupa hita mamuji Ibana (patudo tu Epistel), mamuji Debata i do hataridaan ngolu na marhadaulaton, i do parbue ni ni mandok mauliate tu Ibana, laos i do patuduhon  huria na mangolu ; i ma huria na sai tongtong marolopolop mamuji Tuhan i
-          Naeng tongtong hita marhaposan tu Ibana ; tarida ma i marhite sikap na optimis, sikap na positif, unang mura mandele, unang mura mandate, molo marungkil pe hita naeng ma marsiajar hita mangolu dibagasan semangat naimbaru dibagasan pangkirimon tu Debata, Ibana do sitompa langit dohot tano, Ibana do sipatingkos Uhum, Ibana do Sipalua, Ibana do mangaramoti dohot margogogihon, laos Ibana do Raja ro disaleleng ni lelengNa.

Tidak ada komentar:

Posting Komentar