Kamis, 14 Juni 2012

Jamita Minggu, 17 Juni 2012, Hesekiel 17:22-24

Turpuk Jamita: Hesekiel 17:22-24
Paulion ni Debata do bangoNa sian na rodop on
SYALOM…………..
1.Dipaandar do marhite turpuk on, ndang hea dipasombu Debata bangsoNa I gabe mago,atik pe sai ditundalhon nasida Debata, ndang satia tu Ibana, ala marpangoloion tu hagogoon na asing. Alai atik pe songon I, sai marpamuati do roha ni Jahowa, Debata sandiri do paulihon, padirihon,patupahon  haluaon tu bangsoNa dohot tu saluhut jolma. Pambahenan dohot haluaon sian Debata boi do maol antusan ni pingkiran ni jolma, I do na boi idaonta di sejarah ni pardalanan bangso Israel, Juda, marhite bangso i dibagabagahon jala di pasaut Debata dalan haluaon tu saluhut na tinompa.
2. Luar biasa do holong ni roha ni Debata ala rade Debata “marpadan” (taida pandohan hata “Ahu mambuat….dst), laho paulihon hatangkangon ni jolma i, na so satia tu Ibana (Raja Sedekia) di mula marpangoloion tu Raja Babel, songon hataridaan pangoloion tu Debata alai ujungna mangose padan marhite mangido pangurupion sian Misir ala krisis na niadopan bangso i. Sasintongna, molo masa angka krisis, sosial, ekonomi, politik, dohot lan na asing, sasintongna ndang terlepas I sian krisis moral, social, dohot spiritual ni jolma. Molo jumpang hamaolon di rumah tangga (ketidakharmonisan) porlu do renunghononta atik boha do ndang mian be hita di padan naung taundukhon di tingki manjalo pasupasu pardongansaripeon, taingot ma angka padan naung he  taundukhon. Jotjot nai ta ose padanta I, jotjotnai ndang taulahon be “janji” naung taoloi. Aha do mambahen i..?Ala ndang tahaporseai huaso ni Debata, umpos rohanta tu hagogoon ni portibion, sai jojjot tapangasahon pingkiranta,hamaloonta, huasonta, jabatanta, sai jonjot hita patimbotimbohon dirinta (Luk 14:11), gumodang hatanta sian pambahenanta, gumodang hita mangarsahi donganta sian mambahen lasrohana, gumodang hita mengkritik sian na paturehon, gumodang hita berpikir negative sian positif, gumodang hita curiga tu donganta, ujung sude angka na denggan na binahen ni dongan pe nungga asing be dirohanta.
3. Ndang adong na boi tapangasahon di jolo ni Debata, saguru, jala margantung tu Debata do ngolunta, Ibana do naung patimbohon hita manjalo tohap haluaon I marhite Tuhan Jesus Kristus. Holan tu Debata ma hita marlinggom, Ibana do “mambuat”, “manuan”, Ibana  mambahen “marparbue” mambahen “ marmulia” Ibana “parodophon”, Ibana boi “patimbohon”, Ibana boi mambahen “malos hau na rata, jala mambahen martumbur hau na malos”. Sian saluhut angka pandohan I, diondolhon do tu hita, hagogoon, dohot huaso ni Debata dohot asinirohana, jala marhite I ma unang lupa hita pashathon paujionta tu Debata ala na sun timbul Ibana (Epistel 92:1-5,11-16). Antong songon tindakan/pambahenan ni Debata di turpuk laho paulihon bangsoN sian na rodop, ala ni tapatuduhon ma marhite sikap:Pos ma roham, PUJI MA DEBATA naung paluahon ho, PASEREP MA ROHAM, jala ulahon  ma na denggan, anggiat marhite ngolu ni haporseaonmu saluhut jolma mananda dalan haluaon I holan Asi ni roha ni Debata Ama, Anak, dohot Tondi Parbadia, AMEN.

Nilai manusia, bukan bagaimana ia mati, melainkan bagaimana ia hidup; bukan apa yang diperoleh, melainkan apa yang telah diberikan; bukan apa pangkatnya, melainkan apa yang telah diperbuat dengan tugas yang diberikan Tuhan kepadanya.