Kamis, 16 Mei 2013

BIK: BULAN JUNI 2013



Kamis, 06 Juni 2013
Sijahaon:
Manogot  Nehemia 13:14-31                                               Bodari 1 Korint 11:27-34
1. Marende BE. No. 15:4  Aut Na Saribu Hali Ganda 
Ø  Mauliate ma rohangku di Ho o Debata tongtong
dibaen sude denggan basamu naung nilehonmu di au on
ai dipatongon ho tongtong sude na ringkot di au on                                  

Efesus 6:14-15 Antong, jongjong ma hamu, marhohoshon hasintongan di gontingmuna, angka naung manolukkon bajubaju partahanan, i ma hatigoran i.Marsipatu ma patmuna, laho mangkaringgashon barita na uli, pardamean i
BAJUBAJU PARTAHANAN
HATORANGAN
Molo naeng borhat soldadu (militer) tu parporangan ingkon diparade do bohalna, perlengkapanna, sinjatana. Najolo di halak Romawi salah satu perlengkapan ni soldadu laho marporang I ma bajubaju partahanan. Songon ni do gombaran di pardalanan ni ngolunta songon huria ni Tuhan i. Na marporang do ngolunta di portibion, na marporang do hita mangalo hagiot ni portibion, diela do rohanta jala mansai borat do musuhta I ma si Bolis I, alai atik pe mansai gogo si Bolis ndang pola be ganggu rohanta ala nungga dilehon Debata tu hita pasupasu partondion (1:3). Aha do sinjata ni halak kristen ? didok di turpuk on adong Parjolo : Marhohoshon hasintongan, lapatanna mangaolu dibagasan habuluson, jujur, tulus, unang marpangansi, paduahon : manolukkon bajubaju partahanan, ima mangolu dibagasan haporseaon dohot hata ni Debata (Hidup di dalam Iman dan firman), patoluhon marsipatu, sipatu hagunaan asa unang tarsuga pat molo mardalan. Laos songon ni do tong gombaran ni ngolunta, na mardalan do hita di portibion na gok ‘suga’ angka parmaraan, alai ingkon pangkeonta do sipatu na sian Tuhan ni i ma barita nauli. Molo taberang dipartingkian on nuaeng,jala ta sungkun ma dirinta hagogoon dia ma na sae jotjot tapangasahon ? Adong do jolma mangasahon hagoon na laho pabiarbiarhon halak (Premanisme), adong do jolma mangasahon hamoraonna, adong do jolma mamangke jabatanna laho gabe ginjang rohana, dohot lan angka na asing. Aha do na gabe bajubaju partahanan ni ngoluta dipartingkian nuaeng ? Hamoraonta do, jabatan do ? hamaloonta do ? hagoon portibion do ? molo ido martingki doi, lao salpu doi, jala lao suda, ndang mian jala manontong i. Antong tapangasahon ma Tuhan ni di ngolunta, hataNa sambing ma tabahen tungkotta dohot sulu di ngolunta, Amen.
 3. Tangiang Pangondianon
4. Marende  BE No. 781:1,2 Sai halashon na tinompa
Ø  Sai halashon na tinompa ni Tuhanta Debata
                        Sunge, laut, dohot tombak ro di parlangitan I
                        Ro diparlangitan i.

Ø  Marsinondang bulan bintang,
        Nang mata ni ari pe,
        Ombun nambur dohot udan,
        Dipatupa Ho sude, dipatupa ho sude.

5. TANGIANG ALE AMANAMI

                                                                       


                                                                        Rabu, 12  Juni 2013
Sijahaon:
Psalmen 74:18-23                                                                 Bodari Lukas 1:67-80
1. Marende  No. B.E . 467:1    Asi ni rohaM hupuji.

1.        Asi ni rohaM hupu ji ala Ho manobus au. Di paIas Ho rohangku, ga-be soranganMu
Au. IngananMu rohanami. TondiMi manggohi i. Pangke dohot ngolunami gabe ulaulaMi.
2 Musa 22:22 Ndang jadi rupaon boruboru na mabalu manang anak lumanglumang             
URUPI halak Na Pogos
HATORANGAN
                Sude do hita ndang dihalomohon rohanta ngolu na marpogos(secara materi), ai secara hajolmaon boi do humasusa jolma molo marpogos. Atik pe sasintongna ndang apala hamaoraon gabe ukuran ngolu naporsea di adopan ni Debata. Alai marhite turpuk on, naeng di ondolhon I ma boha asa adong panarihonon tu angka na pogos, ima tu namamabalu dohot anak na so marama dohot marina (yatim). Keberpihakan ni Debata tu angka na pogos I ma laho patuduhon “keadilan ni Debata”. Haluan bangsoNa sian Misir patuduhon, ndang dihalomohon Debata penindasan di ngolu ni jolma, ala ni songon bangso naung ni asi I Debata Israel, naeng songon ni nasida pauduhon asi ni roha tu angka na pogos. Sasintongna hapogoson pe ndang gabe alasan gabe dao jolmai sian Debata. Molo taida ngolu ni si Job, boi do ibana patuduhon ngolu na sintong baik di tingki mamora ibana jala uju marpogos ibana. Dipartingkian nuaeng on lam moru roha marsiurupan, boi ringgas jolma marpungu, baik punguan arisan, parmargaon, alai molo nihataan masalah sosial, mngurupi dongan na pogos bangkol do hita mangalehon roha tusi. Di zaman on nungga lam timbo be sikap individualis ni jolma, na holan mamingkirhon dirina sandiri. Molo taiada nuaeng na masa di negaranta, lam mamora do angka na mora, jala lam marpogos ma angka na pogos, ala hurang nuaeng roha na marpanarihonon tu angka na patut siurupan. Boha do hita, sian keluarga naeng tangkas ta suanhon holong ni rohaa la mangurupi halak na pogos, na gale, ingkon adong simpati dohot empaty. Marhite turpuk on dipaingot do hita taringot tu holong ni roha ni Tuhan ni na mangaramoti ngolunta. Laos songon ni ma ngolunta naeng patar gabe parasiroha hita di ngolunta. Amen
               
3. Tangiang Pangondianon
4. Marende B.E No.441: 1                                    Di au Tuhan Jesus
Ø  Di  au  Tuhan Jesus,  na salpu do sudena, na dok dok, nang uhum tu au.
Ringkot do rohangku mar ha to pothon, Jesus ku,  Tuhanku, di tobus Ho au,
Disesa Tuhanku, do ang ka do sang-ku. Nang ho, ale dongan, di tobus nang ho.

5. TANGIANG ALE AMANAMI




                                                                   
                                                                    Selasa, 18 Juni 2013
Ester 6:1-14                                           Bodari  1 Korint 14:10-17
1. Marende  B.E. No. No. 9  HUPUJI HOLONG NI                               
1.   Hupuji holong ni rohaMu, o Tuhan Jesus, Rajangki.
      tu Ho hulehon ma tondingku, ai i do  pinangidoMi.
     Huhalupahon ma diringku, mamingkir holong ni rohaMu.

Galatia 3:29 Alai anggo Kristus nampuna hamu, pinompar ni Abraham do hamu, antong, jala panean mangihuthon bagabaga i.


PANEAN NI ASIASI ni HANGOLUAN
HATORANGAN

Dibahen pamarenta do program KTP elektronik dohot tujuan asa boi jelas sude identitas ni rakyatna, unang adong na mambahen identitasna na maragamragam, jala boi marlomolomo mamangke identitasna, sipata goarna si Golap, sipata dipangke si Tiur, dohot goar na asing. Molo jelas statusna tontu jelas ma nang hak dohot kewajiban. Molo manghatai hita sai didok do unang adong parasingan ni hak ni sasahalak jolma sian donganna na asing (Semua manusia adalah sama), alai atik pe kenyataan na sai jumpang dope perbedaan dibangsonta, na mora dohot na pogos, mayoritas dohot minoritas, batak dohot jawa, marga A tu marga B, sai godang dope sikap mamereng bohi di hita, termasuk ma nang di tongatonga ni parhuriaonta, sai jumpang dope sikap primordialisme, sai gumodang dope rahutrahut ni parhuriaonta diihoti ruhutruhut ni pardagingon dohot parmudaron. Marhite turpuk on, diondolhon tu hita, asa molo halak naung porsea tu Debata, nungga gabe sakambona be hita dibagasan Kristus, nungga dipasada hita gabe nampuna ni Kristus gabe panean dibagabaga ni Tuhan ni. Ala ni huria na mangolu i ma huria na marsada dibagasan holong ni Kristus, ndanda hasadon ala ni bangso, houm, marga, alai hasadaon ala ni mudar ni Kristus naung mangain hita gabe anak ni Debata, gabe panean di asiasi ni hangoluan. Ndanda marnida bohi anggo Debata, sarupa do baoa dohot boruboru di adopan ni Debata. Ala ni boha do hita manghangoluhon ni diparngoluonta, apalagi molo taulahon ulaon paradaton hombar tu ruhutruhut dalihan natolu; somba marhulahula, manat mardongan tubu, elek marboru. Sasintongna mansai uli hian do ruhutruhut i molo ojahanna holong ni roha. Ai molo holong ni roha ojahanna, tontu ndang gumodang be hita manuntut “hak“, ndang sai “posisi (struktur)” be na sai tagogohon alai “fungsi” nama, lapatanna boha do hita patuduhon tanggungjawab diganup hajongjonganta asa jumpang nian angka na denggan dohot angka nauli diganup ulaonta.Amen
3. Tangiang Pangondianon
4. Marende BE No 194:1,2 AUT SO ASI ROHAM   BL. 62
1.   Aut so asi rohaM Aut so godang basaM Tu dia au?
    Alai dibaen basaM Dohot asi rohaM Tu surgo au
2. Mauliate ma Di Ho o Debata Ala basaM
    Sibahen dalan i Marhite AnakMi Tu banuaM

5. TANGIANG ALE AMANAMI





Senin, 24 Juni 2013
Sijahaon:
Manogot: Ester 9:5-17                                         Bodari, 1 Korint 15:12-19
1. Marende No: B.E. No.17:1     RAJA NA TUMIMBUL 
1.   Raja na tumimbul Sigomgomi hami Jalo ma pujiannami
      Denggan ni basaM do Pangoluhon hami Atik pe mardosa hami
      Sai apoi pargogoi hami mangendehon SangapMi o Tuhan


Psalmen 7:18 Pujionku do Jahowa hombar tu hatigoranna i, jala endehononku do Jahowa Natumimbul i.

PUJI MA JAHOWA
HATORANGAN
 Sai jotjot do hita manghilalahon sai marnahurang di ngolunta, jojtjot do hita marungutungut, ujungna gabe lupa do hita mandok mauliate tu Debata hombar tu pasupasu na tajalo. Aha do mambahen ni ? alusna ala hurang hita mamilangmilang pasupasu ni Debata dipardalanan ni ngolunta, sai gumodang dope rohanta tartait tu arta dohot hariburon na di tano on na tabahen gabe ukuran ni pasupasu. Hape sasintonna ndang hamoraon, arta gabe ukuran asa sonang rohanta. Apala di partingkian nuaeng on, segala cara nama dibahen jolma laho manggulut hamoraon, dipangasahon gogona, ndang mabiar pe ibana mangulahon dosa, ndang mabiar be ibana margabus, ndang mabiar be ibana na adong do Debata na umboto saluhuna. Taida ma angka namasa nuaeng on, godang angka naung marjabatan, naung gok artana hape tong dope diulahon Ibana, manangko (korupsi), sehera ndang mabiar be jolma tu UHUM, dirajumi ibana do boi hamaloonna dohot hagoonna manabunihon hasalaanna/dosana. Hape sasintongna tong mangula do Debata laho pajongjonghon hatigoraanNa di portibion, sai di patuduhon Debata do angka dalan laho papatarhon hatigorannni. Adong dua alasan laho mamuji Debata marhite turpuk on, parjolo : Mamuji Debata ala HATIGORANNA, na paduahon : Mamuji Debata ala NATUMIMBUL Ibana. Molo didok taringot tu hatigoran, namarlapatan doi na sintong do Debata di nasa pambahenanNa, sintong do UhumNa, dohot patikNa. Jala natumimbul do Ibana, lapatanna ndang adong huaso na mangatasi Ibana  di hasiangan on. Ala ni adong dua  sikap naeng taida sian turpuk on hombar tu panindangion par Psalmen, ima : mandok mauliate tu Debata ala ni uhumNa na sintong i, dohot manghaporseai Debata na tontong manarihon na porsea di Ibana.Amen
4. Marende No B.E. No. 256:3    JESUS KRISTUS I DO RAJA          
Ø  Debata do sasadasa Holan Jesus do tudosna
                Anak tu Amana i, Anak tu Amana i
                 Na so meret habangsana So marujung do ngoluna
                Tongtong gomgomanNa i Tongtong gomgomanNa i.

5. TANGIANG ALE AMANAMI




Minggu; 30Juni 2013
Sijahaon:
Ev: Mateus 8:18-22                                               Ep: 1 Rajaraja 19:19-21
1. Marende No:  BE. No. 14:2-3    PUJI HAMU JAHOWA TUTU         
2.   Ingot tongtong, ale tondingkon,
      Sude na denggan na dipasonggop Debata tu ho.
      Denggan basaNa do na pangoluhon ho.
3.   Nda tung adong, pargogo tongon,
      Na martudosan, tu Tuhan Debata di surgo i.
      Sun hinagogo, sun hinagogo i.
UPA NI SITAONON  TU HASANGAPON SOGOT
HATORANGAN
1.        Apulapul do turpuk on tu angka na porsea, angka naung tinogihon ni Tondi I ma gabe anak ni Debata, na olo marhaunduhon dohot mangaradoti patik ni Tuhan i. I do hataridaan holong ni roha tu Tuhan, na sai tontong satia mangulahon lomo niroha jala margogo dipargogoi Tondi porbadia mangalo dohot padaohon hagiothagiot ni pardangingon, alai tongtong margguru tu pangulaon ni Tondi.
2.        Molo mangolu angka naporsea hombar tu pangulaon ni tondi, secara pardangingon, manang hajolmaon tontu “marsitaonon” do hita, mungkin rugi do hita secara ekonomis, ala so olo hita mangulahon na maralo tu lomo niroha ni Tuhanni, isara ni ndang olo hita margabus, ndang olo hita korupsi, ndang olo hita tarela tu mammon ni portibion, ndang olo hita mangoloi hisap ni  pardangingonta.
3.        Sitaonon na ni dokna di turpuk ndanda na mandok asa talului dalan sitaonon gabe dalan laho tu hasangapon sogot I, alai sitaonon I na nidok na I ma sitaonon ala manghajongjonghon hasintongan I, manghangoluhon hata ni Tuhan i. Debata sandiri do naung manontuhon dalan sitaonon I, jala Ibana sandiri do naung manuhuk jala mamolus sitaonon I marhitehite Jesus Kristus. Ala ni marhite haporseaonta tu Tuhan I, naung rap jala sangkabona do hita dohot Ibana, donganna hita disitaonon jala panean hita nang di hasangapon sogot. Ala ni ndanda mangasahon hadirionta hita margogo mangadopi sitaonon I, unang tapangasahon gogonta na mangoluon, alai tondi pangondian I do na margogoihon hita, Tondi I do na sai tongtong mangurupi, mandongani hita. Antong manang aha pe namasa dingolunta, angka haporsuhon, sitaonon, gabe dalan mai laho patubuhon haporseaon dohot pangkirimonta tu Tuhan I, saluhutna ma ngolunta tapasahat tu IBANA, Amen.
3. Tangiang Pangondianon
4. Marende B.E No. 117  JAHOWA DEBATANTA DO   BL. 205 
1.     Jahowa Debatanta do Partanobatoanta
    Musunta ingkon talu do  Dibaen pangondinganta
    Ianggo musu i, I ma  sibolis i,
    Jorbut do tahi ni Mangago jolma i; Ndang dapot na mangatup
2.     Gogonta ndang haposan i, Tibu do mago hita;
    Pinillit ni Jahowa i, Na tuk pamonang hita
    Ai ise goar ni ? I ma AnakNa i Tuhanta Jesus i 
    Sigomgom sasude Na so tarbahen so monang

5. TANGIANG ALE AMANAMI

denggan ma hita, ramos parbuena, I ma parbue angka nauli, parbue na gabe pujipujian hasangapon di Tuhan i. Amen
3. Tangiang Pangondianon
4. Marende B.E. No.361:7   NA DENGGAN SITUTU DO   
7.  Martumbur do partigor Tudoshon bagot i
     Martunas do nasida Songon hau ares i
     Nasida na sinuan Di bagasjoro i
     Do na marbungabunga Di alamanna i

5. TANGIANG ALE AMANAMI