Minggu, 13 Januari 2013

Renungan Harian (BIK) 26-28 Pebruari 2013


Sabtu; 26 Pebruari  2013
Sijahaon:
Manogot  1 Rajaraja 15 :25-34                                                             Bodari ULAON Apostel 21 :1-9
1. MarendeB.E. No.24:1-2  TUHAN DEBATA  
1.   Tatap hami on na pungu dison,   ai na naeng pujionnami,
      denggan ni basaM di hami. Tatap hami on, na pungu dison.
2.   Togu hami on na mardosa on, ale Jesus Tuhannami.
       Sai asi rohaM di hami. Togu ma tongtong na mardosa on.

2.2 Jesaya 54:10 Ai munsat pe angka dolok, jala humuntal angka robean, alai anggo asiasingku na so tupa munsat sian ho, jala * padan ni hadameonku na so tupa humordit, ninna Jahowa siasii ho

SAI DIASII DEBATA DO HITA
a.        Bagabaga ni Debata do turpuk on tu bangsona na tongon mangadopi parungkilon uju i laho mangalehon pangkirimon dohot pos ni roha asa unang mandele, mandate bangso i alai tongtong marpangkirimon na mangolu.  Dipaandar si Jesaya do manongtong do asi ni roha ni Debata, Kasih setia, sian hata hesed, diterjemahkan "kemurahan" (lovingkindness), "kasih setia" (steadfast love). Pandohan ni martududtudu tu hubungan perjanjian na dirahut dibagasan komitmen dohot solidaritas. Asi ni roha ni Debata nungga tangkas di patuduhon marhite Tuhan Jesus nanung paaluahon hita sian gomgoman ni dosa.
b.       Marhite turpuk on di togu do hita asa tongtong manghamauliatehon asi niroha ni Debata sambing do ngoluta on, ai ndang adong na boi tapangasahon sian hadirionta mambahen hita boi malua sian hamatean ala ni dosa i, alai parasiroha do Tuhan ni na hot do Ibana di padanNa. Sian i boi do dohononna asa hita pe patuduhon sikap na konsisten, komitmet di angka hata dohot pangulaonta na marojahan tu na denggan.
c.        Dipatogu do haporseaonta marhite turpuk on, Debata do na gabe jaminan di ngolunta mandalani ariari ni ngolunta. Di dunia ini kita pasti akan menghadapi segala bentuk tantangan dan ancaman, sai tubu do angka ragam ni haimbaruon na boi manghorhon na positif dohot negative di ngolunta.
d.       Sikap yang sulit kita lakukan adalah, meminta maaf ketika kita bersalah dan sulit mau memaafkan oranglain.Sasintongna mansai arga situtu do molo boi hita saling memaafhon donganta. Taingot ma asi ni roha ni Debata tu hita, antong gabe parasiroha ma hita songon Tuhan i naung mangasii hita. Ringkot do dingoluntaon hangoluhononta sikap asa solider, empaty, simpati tu angka donganta.
3. Tangiang Pangondianon
4. Marende BE No. 467 : 1     Asi ni rohaM hupuji.
1.        Asi ni rohaM hupu ji ala Ho manobus au. Di paIas Ho rohangku, ga-be soranganMu
Au. IngananMu rohanami. TondiMi manggohi i. Pangke dohot ngolunami gabe ulaulaMi.

5. TANGIANG ALE AMANAMI


Rabu, 27 Pebruari  i 2013

Manogot: 1 Rajaraja 16:1-7                                                                                 Bodari: Ulaon Apostel 21:10-14
1. Marende BE No 363:14 Hamu Saluhut Harajaon
Ø  Ho, Debatangku, pujionku Patimbulonku  sai tongtong
Mauliate ma rohangku Di Ho dibaen basaM inon
Hamu sude pe, ale dongan Dok ma mauliate i
Ai ndang he marpansohotan Do denggan ni basaNa i.

2. Psalmen 102:3 Unang tung tabunihon bohim maradophon ahu di ari hagogotanki, sai paeleng ma pinggolmu tu ahu, hapogani ma mangalusi ahu di ari panjouonku

PASAHAT TU DEBATA PARUNGKILONMI
HATORANGAN
“Selama kaki kita masih menginjak bumi, kehidupan kita tidak akan pernah luput daripada masalah atau pergumulan hidup, tidak ada lautan tanpa ombak. Ndang adong jolma na mangolu diportibion na so adong parungkilonna, bahkan dibona ni taon 2013 on nungga adong sonson angka sipingkiranta, mamingkirhon angka na ringkot diparngoluanta. Wajar do molo adong na marungkil, diholsohon, diarsakhon isarana nungga leleng ibana marsahit jala alai ndang jumping hamamalum ni sahit i. Loja ibana karejo alai ndang berhasil angka na niulananai. Sai godang do na boi patubu angka parungkilon (penderitaan ) di ngolunta. Alai ditogu do hita marhite turpuk on boha do sikap angka na maerTuhan, naporsea molo mangadopi angka sitaonon, parungkilon di ngoluna i ma MARTANGIANG tu Debata, dohot MARPANGKIRIMON tu IBANA.  Rade ma pasahthon nasa ngolunta tu Debata, jala marposniroha tu Debata i do “solusi” dohot haggoon di angka na porsea.
Tung tangkas do dihaporsea par Psalmen  hagogoon, huaso dohot holong ni Debata na so olo muba jala sumurut sian ibana(102:25-27).Ala ni di togihon do hita asa pasahathon sandok ngolunta tu Debata jala manghaposi IBANA  saluhut langkanta. Tutu molo marungkil hita, marsahit hita godang do angka na boi mangurupi hita, alai diginjang ni saluhutna nai holan Debata do pangalualuanta. IBANA do na marhuaso na mangurupi hita. Antong unang lupa hita mangalualu tu Debata dibagasan tangiangta siganup ari, dohot tingki.

3. Tangiang Pangondinon
4. Marende B.E. No. 11:5    AHA MA ENDEHONONKU
Ø  Sai patogu ma rohangku, pasangaphon goarMi,
            dohot haporseaonku, asa tu gandana i.
            Sai pamasuk ale Tuhan, tondingki tu hangoluan,
            mangendehon sangapMi salelenglelengna i.

5. TANGIANG ALE AMA NAMI


Kamis, 28 Pebruari  i 2013
Sijahaon:
Manogot  1 Raja-raja 16 :8-14                                                                             Bodari Ulaoan Apostel 21 :15-22
1. Marende B.E. No.  202 :1-2                               HUHAHOLONGI HO            
Ø  Huhaholongi ho gogongku Huhaholongi ho tongtong
                Marhitehite pambaenanku Nang sian nasa rohangkon
                Ai Ho do sumondangi au Ro di na mate au
Ø  Huhaholongi ho ngolungku Ai Ho do alealengki
                Sai naeng tongtong Ho pujionku Saleleng au sinondangMi
                Holong mamolin rohangki Di Ho o Jesuski.

2. I Johannes 1:9 Molo tatopoti angka dosanta, haposan do Ibana jala bonar, manesa dosanta jala paiashon hita sian nasa hageduhon
TUHAN I DO MANESA ANGKA DOSANTA
HATORANGAN
Molo adong jolma marsala, maol do jolma nuaeng olo berterus terang, mengakui, hahurangannna, sai gumodang dope jolma mamintori diri (mandok ibana na singtong), ujungna gabe manguhumi donggan nama dipingkiri. Sikap si songon ni boi do gabe patubu parsoalan, masalah, pangkorhonna boi do songon “Virus” na merusak i diangka parsaoran. Marhite turpuk on dipaingot do hita ada mananda dirinta di adopan ni Tuhan i.
Molo adong VIRUS di Lactop manang di Computer boi do lam leleng Virus i gabe manegai, lumobi ma angka data-file na adong di Lacktop manang di Cokputer i, alai ni ingkon hatop do dibolongkon virus i unang gabe manegai. Songon i do gombaran ni dosa na manegai parsaoran ni jolma dohor Debata. Memang ndang adong jolma na sempurna ni portibion, sae adong hahurangan dohot hagaleonta, atik pe ndang dihalomohon Tuhan i hita naeng masiuhuman dihahurangata i maradophon angka donganta. Marhite Ktistus nungga gabe jolma naimbaru hita, mian dibagasan ibana jala mangolu dibagasan Ibana. Parsaoaranta (persekutuan) dohot Ibana ndang tarsirang i dohot parsaoranta maradophon donganta, ai ndanng tarsirang HOLONGTA tu TUHAN i maradophon HOLONGta tu donganta. Halak naung mangolu dibagasan Tuhan i tontu mangolu ma ibana hombar tu lomo niroha ni Debata, ndang sai dihalomohon be ngolu na dibagasan dosa, ai haholomon dohot hajahaton do i. Dosa i do manegai parsaoranta dohot Debata suang songon ni maradophon donganta.  Orang yang senantisa berbuat kejahatan, hidup munafik berarti dos doi na so manjanghon Tuhan i dingoluna. Songon Virus do dosa i, molo taida nuaeng godang do virus-virus na manegai parsaoranta, adong VIRUS HOTEL (hosom,teal,elat, late), adong VIRUS 3M(Marungutungut,Manghatadongan, Manguhumi), dohot viru-virus lan  na asing. Tapangke ma antiVIRUS SMADAD (Sai MAsiholongan ma hita Dohot Angka Donganta) dibagasan holong ni Tuhan i, ai dihungkupi holong ni roha i do godang dosa.

4. Marende No 481:1                             GODANG DOPE
Ø  Godang dope siguruhononMi, Asa tu dos ho dohot Tuhanmi
               Sai tong na hurang hatigoranmi. So tuk do pe haporseaonmi.
               Dirim sambing dihaholongi ho. Donganmu laos dihalupahon.

5. TANGIANG ALE AMANAMI