Selasa, 12 Februari 2013

JAMITA PARTANGIANGAN


BAHAN SERMON EPISTEL: JAMITA TU PARTANGIANGAN
5 Musa 6:10-19

MANONTONG MANGHAPOSI DEBATA

1. Patujolo
Turpuk on i ma tona dohot sipaingot tu bangso Israel asa marhaunduhon tu  Debata, Unang lupa tu Ibana, alai tongtong marhabiaran tu Ibana. Ai nungga tangkas dipatupa Debata haluahon dohot paluahon bangsoNa ruar sian parhatobanon Misir, Ibana do mangaramoti, marmudumuduhon, manarihon dohot manogihon nasida bongot tu tano na niuarihonNa.

2. Hatorangan ni turpuk:
Ayat 6:10-11: Debata do na manogihon bangsoNa mamongoti tano (Kanaan) na niuarihonna tu bangsoNa marhite ompu nasida (lih. 1 Musa 15:16). Ndang lupa Debata di padan nabinahennNa. Ibana do mangalehon huta na bolon: bagas na denggan, porlak anggur, saluhutna di parade Debata. Lapatanna Saluhutdo angka kebutuhan ni jolma ndanda marharoron sian jolmai alai Debata do na manjadihon i jala na paradehon . Ala sian Debata do saluhutna na adong dingolu ni bangsoNa (Psalmen 103:2), dipaingot ma asa unang lupa tu Debata, molo lupa tu Debata gabe tubu ma angka hamaolon, ro ma rimas ni Debata ( 5 Musa 28:27-48). Didok Debata do “Sai marjaga ma ho di dirim- berhati-hatilah," adong pangidoan ni Debata jala asa adong haradeon ni jolma mangulahon pangidoan i, i ma  … unang dihalupahon roham Jahowa- jangan engkau melupakan" jangan engkau melupakan" kata kerja on (Imperfect) tona na marulakulak didok (pat.5 Musa 4:9,23,31; 6:12; 8:11,14,19), lapatanna asa unang lupa bangso i tu Debata saleleng di ngoluna (Masa kini dan masa depan), ALA: Debata do manogihon nasida ruas sian Misir sian tano parhatobanon, on do patuduhon jumolo do Asi ni roha ni Debata dipatupa sian joujou asa marhaunduhon/marhabiaran tu Ibana (5 Musa 4:10; 5:29; 6:2).
Ayat 6:13-16 Ayat mangondol aturan manang haunduhon nai ingkon sihangoluhononhon ni bangsoNa saleleng ni lelengna:
1.      Asa marhabiaran tu Debata
2.      Holan Debata do sioloan jala sisombaon
3.      Jala maruari dibagasan GoarNa (demi nama-Nya haruslah engkau bersumpah)
Marhabiaran tu Debata hira saihot doi marsomba tu Ibana (Mat 4:10), Goar ni Debata i ma patuduhon hadirionNa dohot huasoNa.
4.      Ndang jadi marsomba tu debata sileban(dewa kesuburan Kanaan), ala ditongatonga nasida do Debata/Immnuel, molo manimbil nasida ro ma rimas ni Debata, jala siaphononNa bangsoNa, dison ma tarida boha do holong ni roha tu angka na mangoloi Ibana jala manguhum angka na manimbil sian Ibana (5 Musa 5 :9 ; 7 :9-10 Yes 28 :21), songon na hea di Masa, ala hurang ni haporseaon ni banagso i gabe marungurungut nasida dompak Debata gabe ro uhum ni Debata (2 Musa 17 :1-7, pat Mat 4:7; Luk 4:12).
5.      Ingkon burju mangaradoti tona ni Debata (ay 17), manangihon dohot mangulahon (5 Musa 4 :1-4) intina i ma mangulaho (Yak 1:22-25). Adong tolu pandohaan na arga : BURJU mangadoti berarti "benar" atau "menyenangkan – TIGOR MANGULAHON "apa yang menyenangkan,"-ASA MARHASONANGAN HO (5 Musa 12 :25,28), janji Berkat.
Ayat 6:19 : Debata do na tuk mangeak saluhut musum. Debata do na mangalehon tano tu bangsoNa jala Ibana sandiri do na mangalehon hamonangan, alai ingkon paradeon ni bangsoi do dirina laho manghamonanghon parporangan mangalaho halak Kanaan.  Songon ni gombaran di ngolunta nuaeng holan mangasahon Debata do hita boi manaluhon hagogoon ni musunta i ma elalea ni si bolis i. Ndang boi fasip halak kisten alai ingkon aktif do asa boi sahat tu tujuan, asa boi jumping angka pasupasu, asa jumping ngolu na marhadumaon, ngolu na marhasonangan.

3. Sipahusohusoron:
a)      Tapangke ma pasupasu/berkat (hamoraon, hagabeaon, hasangapon, dna) na ta jalo sia Debata dalan laho pasolhothon dirinta tu Ibana unang gabe lam mandao sian Debata. Molo dapotan pasupasu hita asa sala hita mampargunhon, dohot mamangke pasupasu i.
b)      Molo masa pe di pardalanan ni ngoluta angka hamaolon, arsak dohot lasniroha, unang lupa hita tu asi ni roha ni Debata, unang manimbil hita sian Ibana, sai tong ma ta ulahon na denggan ala nungga ta jalo na denggan sian Tuhan i jala hirimonta do sai ro angka na denggan di ngolunta, sai manongtong ma hita di Ibana asa sahat hita tu ngolu na manongtong i.
c)      Taingot ma mandok mauliate tu DEBATA-BERSYUKUR, disaluhut pangurupionna di ngolunta, di ulaonta, dikeluarganta, di huriaNa. HALAK NA SAI Tongtong MANDOK MAULIATE di horhon i do NGOLU NA MARHASONANGAN. Para ahli psikologi mengatakan "Sikap bersyukur adalah emosi yang tersehat". Seorang pakar stress bernama Hans Seyle juga berkata, "Sikap bersyukur menghasilkan energi emosional lebih daripada sikap yang lain dalam hidup ini".  Holan tu Ibana ma hita marhabiaran-holan Ibana ma sisombaon jala sipujionta di ngolunta, unang tapangsahon hagoonta, hamoraonta, dohot saluhut angka hagoon na adong di hasiangan on.