Jamita Minggu Quasimodogeniti, 27 April 2014
Haheheon ni Kristus I do Ojahanta
( I Petrus 1:3-9 )
I . Patujolo
Turpuk Jamitata on ima surat ni si Petrus tu Huria ni Debata di Asia Kecil, na di hatiha i mangadopi godang angka parungkilon, na marharoroan sian panggomgomi ( Taon 84 – 89 AD )dohot sian masyarakat na adong di luati, ima marhitehite nanilele,disiksa, dikucilkan, bahkan adong do nadibunu, asa tung mansai boratdo angka sitaonon nasida, alai nang pe songoni tongtong do godang na marsihohot marhaporseaon tu Jesus Kristus, nangpe sai adong na muba/sumurut haporseaonna.
Domu tu angka sitaonon i ma disuraton surat on laho patoguhon dohot pangoluhon panghirimon nasida, nangpe sipata ro parungkiloni, alai naeng marsihihot manghaporseai, marparsaoran dohot masihaholongan jala masitungkoltungkolan, ai ganup naung hinonghop ni Kristus di hau pinorsilang ndang tahutan diangka sitaonon, baliksa naeng ma siatononi patubuhon gogo nang haporseaon.
II . Hatorangan ni Turpuk..
Tubu padua halihon marhitehite hadirion ni Jesus Kristus naung hehei ( Ay.3 ).
Tubu naparjolo nanidokna ima hatubuan sian daging naung dibagasan dosa/marlaok dosa, ai songon nanidokni si JohannesDaging do na tubu sian daging alai tondi do na tubu sian tondi ( Joh,3:3-6), asa hatutubu padua halihoni diida do hatubuan di ngolu na imbaru, asa jolma na dibagasan dosa i dipaias gabe jolma naimbaru, mahitehite panobusion ni Jesus Kristus, di surat ni si Titus tubu paduahalihoni diarahon do tu pangantusion di Pandidion na Badia (Titus.3:5) laos molo taida di Konfessi HKBP Bin.8.Bag..A. didok marhite Pandidion nabadia dipatau do nasida dibagasan haporseaon manjalo hasesaan ni dosa, hatutubu paduahalihon ....., asa Pandidion nabadia, ima napamasukhon jolma i tubagasan hadirion ni Jesus di hamamatena dohot di haheheonna, ido umbahen na didok tubu padua halihon ai nungga hehebe angka naporseai dibagasan haheheon ni Jesus Kristus, asa nungga gabe jolma naimbaru be angka naporseai marhite haheheoni.
Pangikrimon di seteonon na manongtong marhitehite pangaramotion ni Debata ( Ay.4-5 ).
Marhitehite natubu paduahalihoni gabe sipartohapma nasida di ngolu sisalelengnilelengna,asa on do naeng patangkason nang patubuon ni surat on asa dipahot haporseaon nasida nangpe masa angka siatononi, ai molo marsihohot nasida di ngolu parsatongkinanon dapotan ngoluma nasida di ngolu sisalelengni lelengna i, jala ramotan ni Debata do angka naung tubu padua halihoni marhite gogo ni Debata saleleng diportibion nasida, ido napinataridahon ni pandidion na badia i, asa tolhas nasida tu sihirimon ni angka naporsea i marhite pandidion nabadia/ tau nasida diharajaon na di banua ginjangi patar do i muse di ari Parusia/diharoroni Kristus paduahoni, ima ari naparpudi i.(ay.13, 4:13, ) ai nungga dipasada nasida rap dohot Jesus naung mate jala hehe sian namate, mangulahon jala manghamonanghon paruhuman na tama mangonai hita hian.
Haporseaon na manoktong nangpe dibagasan parungkilon (Ay.6-7).
Na boi marsak do angka siihuthon Jesus Kristus, ditingki pajumpang dohot ragam ni parungkilon nang angka cobaan, alai molo tung jumpang pangalaho sisongoni naengma tangkas botoonta na tongtong do hita dibagasan pangaramotion ni Debata do hita alani haporseaonta ido sihalashononta (ay.6) ai haporsuhoni manghorhon habengeton,hatauon dohot pangkirimon (Rom.5:3-5) disima tubu jala tarida haporseaon na polin songon napinangido ni Debata sian naporsea.
Haporseaon di hata gorik “Pistos”, namarlapatan kepercayaan,kesetiaan, asa haporseaoni ingkon tarida doi sian hatongtongon na mangolu/marpambahenan, alani do didok di Jak.2 : 20,22,“Iman tanpa perbuatan adalah kosong, Iman harus diikuti oleh perbuatan, asa haporseaoni ndang holandi tingki halehetaanna asa tarida/marpanindangi, alai setiap saat do, ido hataridaaan namangolu, satia do haporseaoni jala manahan sahat rodi ujungna. Godang do sian bangsoi naso manahan haporseaonna di hamamasa ni parungkiloni, gabe muba rohana, marbalik nasida alani hatahutoni, alanido di pudi nu turpukhon diihoti marhite na patangkashon taroingot tu haporseaoni, ima sosososo ni Apostel Petrus asa anggiat jumpang nian hatauon marhaporseaon, na manahan sahat rodi ujungna, na andul sian sere na so manahan uju ro na mohopi/api namanguji ibana (ay.7),laos ido nanaeng patubuon ni turpuktaon di tongtonga ni angka naporseai naporsea nang di zaman saonarion.
Holong tu Debata (8-9): Holong dohot haporseaon i do patoguhon pangkirimonta. Balga ni pangkirimonta sadalan doi balga ni holongta tu Debata.
III. Sipahusorhosoron.
Turpuktaon ima nasinuraton ni Apostel Petrus martujuan laho pahothon haporseaon, jala apo-apo tu angka naporsea na di Asia kecil na mangadopi ragam ni parungkilon/cobaan, na marharoroan sian panggomgomi dohot sian angka nahumaliang nasida marhite pembunuhan, pangaleleon,asupan, penindaan,parsaoran dohot hasomalan ni angka naso tumanda Debata. Asa dizaman saonarionpe boi do masa sisongoni dibagasan bentuk,bohi/wajah na berbeda, alai panginonana dos do, ima nanaeng mengkaburkan bahkan mangagohon haporseaon ni ni naporseai.
Goar ni Mingguta ima Quasimodogeniti ( songon posoposo na imbaru tubu., na usan ma hamu di susu na tama.I Pet.2:2)asa di namauas naporsea i di angka siteanona di harajaon banua ginjangi, gabe manahan ma nasida di haporsuhonni ai Debata do na tuk pasombu uas nasida marhite angka pasupasu nasumurung.
Angka naung tardidi sipardohot do nasida di hamamate dohot di haheheon/hamonangan ni Jesus Krisus, ido napatubuhon naporseai di haimbaruon jala na patauhon nasida di harajaon banua ginjangi, asa marhitei naeng ma jamot angka naporseai diangka dalanna, asa unang alani ngolu parsatongkinanon gabe mago ngolu si saleleng ni lelengna na pinarade ni Jesus Kristus di angka naporseai, holan alani manjalahi ngolu na di hasiangan on.
Molo jumpang haporsuhoni naeng hita manahan sahat ro di ujungna, laos taidama i songon ujian di haporseaonta, alani tahalashon mai asa manghorhon habengeton,hatauon dohot panghirimon namangolu di hita disi ma patar hasetiaonta.
Haheheon ni Kristus I do Ojahanta
( I Petrus 1:3-9 )
I . Patujolo
Turpuk Jamitata on ima surat ni si Petrus tu Huria ni Debata di Asia Kecil, na di hatiha i mangadopi godang angka parungkilon, na marharoroan sian panggomgomi ( Taon 84 – 89 AD )dohot sian masyarakat na adong di luati, ima marhitehite nanilele,disiksa, dikucilkan, bahkan adong do nadibunu, asa tung mansai boratdo angka sitaonon nasida, alai nang pe songoni tongtong do godang na marsihohot marhaporseaon tu Jesus Kristus, nangpe sai adong na muba/sumurut haporseaonna.
Domu tu angka sitaonon i ma disuraton surat on laho patoguhon dohot pangoluhon panghirimon nasida, nangpe sipata ro parungkiloni, alai naeng marsihihot manghaporseai, marparsaoran dohot masihaholongan jala masitungkoltungkolan, ai ganup naung hinonghop ni Kristus di hau pinorsilang ndang tahutan diangka sitaonon, baliksa naeng ma siatononi patubuhon gogo nang haporseaon.
II . Hatorangan ni Turpuk..
Tubu padua halihon marhitehite hadirion ni Jesus Kristus naung hehei ( Ay.3 ).
Tubu naparjolo nanidokna ima hatubuan sian daging naung dibagasan dosa/marlaok dosa, ai songon nanidokni si JohannesDaging do na tubu sian daging alai tondi do na tubu sian tondi ( Joh,3:3-6), asa hatutubu padua halihoni diida do hatubuan di ngolu na imbaru, asa jolma na dibagasan dosa i dipaias gabe jolma naimbaru, mahitehite panobusion ni Jesus Kristus, di surat ni si Titus tubu paduahalihoni diarahon do tu pangantusion di Pandidion na Badia (Titus.3:5) laos molo taida di Konfessi HKBP Bin.8.Bag..A. didok marhite Pandidion nabadia dipatau do nasida dibagasan haporseaon manjalo hasesaan ni dosa, hatutubu paduahalihon ....., asa Pandidion nabadia, ima napamasukhon jolma i tubagasan hadirion ni Jesus di hamamatena dohot di haheheonna, ido umbahen na didok tubu padua halihon ai nungga hehebe angka naporseai dibagasan haheheon ni Jesus Kristus, asa nungga gabe jolma naimbaru be angka naporseai marhite haheheoni.
Pangikrimon di seteonon na manongtong marhitehite pangaramotion ni Debata ( Ay.4-5 ).
Marhitehite natubu paduahalihoni gabe sipartohapma nasida di ngolu sisalelengnilelengna,asa on do naeng patangkason nang patubuon ni surat on asa dipahot haporseaon nasida nangpe masa angka siatononi, ai molo marsihohot nasida di ngolu parsatongkinanon dapotan ngoluma nasida di ngolu sisalelengni lelengna i, jala ramotan ni Debata do angka naung tubu padua halihoni marhite gogo ni Debata saleleng diportibion nasida, ido napinataridahon ni pandidion na badia i, asa tolhas nasida tu sihirimon ni angka naporsea i marhite pandidion nabadia/ tau nasida diharajaon na di banua ginjangi patar do i muse di ari Parusia/diharoroni Kristus paduahoni, ima ari naparpudi i.(ay.13, 4:13, ) ai nungga dipasada nasida rap dohot Jesus naung mate jala hehe sian namate, mangulahon jala manghamonanghon paruhuman na tama mangonai hita hian.
Haporseaon na manoktong nangpe dibagasan parungkilon (Ay.6-7).
Na boi marsak do angka siihuthon Jesus Kristus, ditingki pajumpang dohot ragam ni parungkilon nang angka cobaan, alai molo tung jumpang pangalaho sisongoni naengma tangkas botoonta na tongtong do hita dibagasan pangaramotion ni Debata do hita alani haporseaonta ido sihalashononta (ay.6) ai haporsuhoni manghorhon habengeton,hatauon dohot pangkirimon (Rom.5:3-5) disima tubu jala tarida haporseaon na polin songon napinangido ni Debata sian naporsea.
Haporseaon di hata gorik “Pistos”, namarlapatan kepercayaan,kesetiaan, asa haporseaoni ingkon tarida doi sian hatongtongon na mangolu/marpambahenan, alani do didok di Jak.2 : 20,22,“Iman tanpa perbuatan adalah kosong, Iman harus diikuti oleh perbuatan, asa haporseaoni ndang holandi tingki halehetaanna asa tarida/marpanindangi, alai setiap saat do, ido hataridaaan namangolu, satia do haporseaoni jala manahan sahat rodi ujungna. Godang do sian bangsoi naso manahan haporseaonna di hamamasa ni parungkiloni, gabe muba rohana, marbalik nasida alani hatahutoni, alanido di pudi nu turpukhon diihoti marhite na patangkashon taroingot tu haporseaoni, ima sosososo ni Apostel Petrus asa anggiat jumpang nian hatauon marhaporseaon, na manahan sahat rodi ujungna, na andul sian sere na so manahan uju ro na mohopi/api namanguji ibana (ay.7),laos ido nanaeng patubuon ni turpuktaon di tongtonga ni angka naporseai naporsea nang di zaman saonarion.
Holong tu Debata (8-9): Holong dohot haporseaon i do patoguhon pangkirimonta. Balga ni pangkirimonta sadalan doi balga ni holongta tu Debata.
III. Sipahusorhosoron.
Turpuktaon ima nasinuraton ni Apostel Petrus martujuan laho pahothon haporseaon, jala apo-apo tu angka naporsea na di Asia kecil na mangadopi ragam ni parungkilon/cobaan, na marharoroan sian panggomgomi dohot sian angka nahumaliang nasida marhite pembunuhan, pangaleleon,asupan, penindaan,parsaoran dohot hasomalan ni angka naso tumanda Debata. Asa dizaman saonarionpe boi do masa sisongoni dibagasan bentuk,bohi/wajah na berbeda, alai panginonana dos do, ima nanaeng mengkaburkan bahkan mangagohon haporseaon ni ni naporseai.
Goar ni Mingguta ima Quasimodogeniti ( songon posoposo na imbaru tubu., na usan ma hamu di susu na tama.I Pet.2:2)asa di namauas naporsea i di angka siteanona di harajaon banua ginjangi, gabe manahan ma nasida di haporsuhonni ai Debata do na tuk pasombu uas nasida marhite angka pasupasu nasumurung.
Angka naung tardidi sipardohot do nasida di hamamate dohot di haheheon/hamonangan ni Jesus Krisus, ido napatubuhon naporseai di haimbaruon jala na patauhon nasida di harajaon banua ginjangi, asa marhitei naeng ma jamot angka naporseai diangka dalanna, asa unang alani ngolu parsatongkinanon gabe mago ngolu si saleleng ni lelengna na pinarade ni Jesus Kristus di angka naporseai, holan alani manjalahi ngolu na di hasiangan on.
Molo jumpang haporsuhoni naeng hita manahan sahat ro di ujungna, laos taidama i songon ujian di haporseaonta, alani tahalashon mai asa manghorhon habengeton,hatauon dohot panghirimon namangolu di hita disi ma patar hasetiaonta.
Tidak ada komentar:
Posting Komentar