Rom 8:26-30

Rom 8:26-30

Saluhutna Manumpak tu na denggan di na porsea

Patujolo

Di ajarhon Apostel Paulus do di turpuk on manang songon dia do  tarigot tu ngolu ni halak na porsea, ima na mangolu di bagasan tondi. Mangolu di bagsan tondi ima ngolu naung tinogihon ni Tondi marhitehite haheheon ni Kristus, gabe parsidohot di pahehe jala di padomu dohot Debata. Ngolu na di bagasan tondi huhut na di bagasan Kristus, ima na rade maninggalhon/ manundalhon huhut pamatehon ngolu pardagingon, golu na di bagasan tondi ima ngolu naso mangadop di daging, naso marparange marguru tu daging, alai marguru tu ulaon ni tondi i do na boi gabe padamehon huhut pasaorhon Jolma dohot Debata. Di patuduho Apostel Paulus do muse di bagasan turpuk  on  ima sada gombaran taringot tu parsaoran / hubungan na imbaru antara ni halak Kristen/ na porsea dohot Debata. Marhite na mangolu di bagasan tondi, di togihon tondi i do hita gabe anggota keluarga ni Debata manang gabe anak ni Debata. Jala laos dipatuduhon do di  bagasan   turpuk  on  manang   songon  dia jonok ni parsaoran ni na porsea i dohot Debata marhite panjouon “ Abba “ ima sada hata / pandohan joujou ni ianakhon tu natorasna. Gombaran/ ajaran na pinasahat ni Apostel Paulus di turpuk on, manang konsekwensi pengangkatan ni jolma  na gabe anak ni debata, gabe i do sada las ni roha, dohot haluaon di angka na porsea i.

Ayat 26- 27: Tondi ni Tuhan i MANGURUPI, MANGAJARI, MARGOGOIHON

Halak na porsea ndang mangolu be mangasahon hadirionna, ndang holan mangsahon ngolu pardangingon sambing. Halak na porsea naeng tongtong manongtong martangiang. Doa adalah Napas kehidupan orang percaya, sian pandohan i mangoldolhon “tangiang” do dalan laho margogoihon halak na porsea laho mangadopi angka hamaolon di ngoluon. Halak sipartangiang i ma halak na sai tongtong marpangunsandeon tu Debata, ndang marpangunsandeon tu pingkiranna sandiri.  Ai marhite ngolu partangiangan i do gabe mangkorhon pos ni roha, habengton, pangkirimon laho mangadopi ragam ni parungkilon.  Diturpuk on parungkilon na ni adopan halak kristen hatihai i ma tantangan dohot ancaman sian angka na so siihuthon Kristus na  so mangkalomon halak siihuthon Kristus. Sunag songon ni “tekanan” sian panggomgomi ni Rom, na “ memaksa halak Kristen ingkon “marsomba” tu Kesar dohot debata ganaganaan na sinomba nasida.  Marhte situasi na songon ni ma Apostel Paulus paingothon huria Rom asa tongtong nasida marsihohot di haporseon dohot pangkirimonna tu Tuhan ni.  Tondi do anggo Debata; asa angka na martangiang tu Ibana, patut martangiang di bagasan Tondi dohot hasintongan (Yoh 4:24).

Ayat 29-30: Pangkirimon angka na porsea i ma  hamuliaon

Ai angka na tinandana hian, i do ditodo, lapatanna nungga jumolo Tuhan  mangain hita gabe anakonna , andorang so adong dope manang aha na tabahen, nungga jumolo Tuhan i mamillit hita, patuduhon asi ni rohana tu hita. asa gabe tudos nasida tu pangalaho ni Anakna, lapatan pengalaman angka na porsea ingkon mampu mengalami songon na tinaon ni Jesus, halak siiihothon Jesus ingkon rade mansoadahon diri, ndang holan sekedar penggemar ni Jesus. Halak na botulbotul setia mangihuthon Jesus, ingkon mampu Ibana patuduhon parbue ni haporseaon nai dibagasan ngolu siganup ari.  Hidup ini adalah perjuangan, proses do ngolu on: Dijou..dipintori, dungi dipasangap...

Ala ni gabe adong ma sikap na imbaru di halak na porsea laho mangadopi angka na masa di ngolu na lumobi molo manaon na porsuk ibana ala ni haporseaon di Tuhan i. Molo ingkon manaon na porsuk halak na porsea i, ndang talu be ibana dibahen parungkilon i, ai dihaporseai do saluhutna do manumpak tu denggan di angka na holong roha di Tuhan ni. Orang percaya akan selalu melihat “berkat dibalik masalah”. Ala ni, Tahaporsea ma tongtong diurupi Tuhan ni ngolu ni na porsea i marhite tondiNa, jala manumpak tu na denggan do saluhutna di angka ana marholong roha tu Debata.