BIK BULAN JULI 2013

Sabtu, 06 Juli 2013

Sijahaon:

Manogot  1 Kronika 2:18:24                                Bodari 2 Korint 5:1-10

1. Marende BE. No. 15:4  Aut Na Saribu Hali Ganda 

Ø  Mauliate ma rohangku di Ho o Debata tongtong

dibaen sude denggan basamu naung nilehonmu di au on

ai dipatongon ho tongtong sude na ringkot di au on    

2.Markus 8:34 4 Laos dijou ma natorop i rap dohot siseanna, didok ma tu nasida: Nasa na giot mangihuthon Ahu, disoadahon ma dirina, dituhuk ma silang na tu ibana i, diihuthon ma Ahu

SOADAHON DIRIM LAHO MANGIHUTHON JESUS

HATORANGAN

                                     

Adong opat prinsip na naeng sihangoluhononhon halak Kristen marhute turpuk on:

Parjolo: SUKARELA, lapatanna mangihut Jesus ndanda bersifat paksaan, alai panjouon na sian nasa roha do, ndang hea dipaksa Debata hita laho manghaporsea IBANA, dilehon Debata do di hita pilihan laho mangoloi Ibana manang na ndang. Sasintongna di hajolmaon pe manang na aha pe sipatupaonta, ingkon mardonganhon sikap kerelaan do hita mangoloi dohot mangulahonasa boi denggan. Paduahon: Disoadahon ma dirina, lapatanna ingkon rade maninggalhon angka hasomalan na marungmahon hagiothagiot ni pardangingon, angka ihotihot, dohot ruhutruhut na marumanghon hajahudion na so marojahan dibagasan holong. Halak na mansaodahon diri, I ma halak na rade manadinghon hagiot parulaon ni daging, atik pe mangolu dope hita dibagasan daging, alai naeng ma mangolu hita marguru tu pangulaon ni Tondi. Mansai ringkon do mansoadahon diri asa unang sai roha diri sai tapatujolo dingolunta, molo sai roha diri sai tapangasahon tontu holan kepentingan pribadi nama sai na menonjol. Nungga godang hita sai holan mangasahon hagogoonta sandiri, mangasahon hamaloonta sandiri, jala bangkol hita paserephon dirinta maradophon donganta, nang lumobi tu adopan ni Tuhan i.Patoluhon, rade manuhuk silang, sitaonon, dohot parrungkilon ala ni haporseaonta tu Tuhan ni, lapatanna, halak naporsea di Tuhan Jesus margogo ma ibana laho mangadopi parungkilon dibagasan ngoluna, jala sai jumping do pangalaho i. Sasitongna ango arsak dohot las ni roha nungga bagian pardalanan ni halak na porsea di portibion. Paopathon: SATIA, ido sada hataridaan ni ngolu na porsea tu Jesus, molo porsea tu Ibana tontu na porsea do hita tu hasintongan, jala mangolu hita dibagasan hasintongan i, mangolu dibagasan hatigoran(Rut 1:16-17). Halak Kristen ingkon tongtong do satia di ngoluna, satia di rumah tangga, sati di ulaonna, satia tu dongan, lumobi satia hita tu Debata, manang aha pe na masa, arsak dohot las ni roha, tongtong Tuhantai tioponta.

3. Tangiang Pangondianon

4. Marende  BE No. 781:1,2Sai halashon na tinompa

1.                    Sai halashon na tinompa ni Tuhanta Debata

Sunge, laut, dohot tombak ro di parlangitan I

Ro diparlangitan i.

2.                    Marsinondang bulan bintang,

Nang mata ni ari pe,

Ombun nambur dohot udan,

Dipatupa Ho sude, dipatupa ho sude.

5. TANGIANG ALE AMANAMI

                                                                       

                                                                        JUmat; 12  Juli 2013

Sijahaon:

1 Kronika 4:1-12                                                                    Bodari 2 Korint 8:16-24

1. Marende  No. B.E . 467:1    Asi ni rohaM hupuji.

                                                                              

Ø  Asi ni rohaM hupu ji ala Ho manobus au. Di paIas Ho rohangku, ga-be soranganMu

Au. IngananMu rohanami. TondiMi manggohi i. Pangke dohot ngolunami gabe ulaulaMi.

2.1 Petrus 1:14-15 Songon dakdanak sipangoloi ma hamu; unang ma paihutihut hamu be sangkapsangkap ni roha, uju di haotoonmuna najolo. Alai mangihuthon Nabadia i, na manjou hamu, dohot ma hamu gabe badia di nasa parangemuna            

SONGON DAKDANAK SIPANGOLOI MA HITA

HATORANGAN

Dijouhon jala ditogihon turpuk on do hita asa marparange ‘songon dakdanak’, na bulus, na marpangoloion tu amana. Sai las do rohana ni sada ama molo sai burju ianakkonna, molo pantun ibana mangoloi poda ni natorasna. Laos songon ni do hajongjongonta di jolo ni Debata, nungga diain hita gabe anak ni Debata, asa gabe pangoloi hita di hata ni Debata. Marhite turpuk on adong dua sikap na mansai arga sihangoluhononta i ma : parjolo ; Hauduhon, ketaatan, mangulahon lomo ni roha ni Tuhan i. Dihajolmaon pe mansai ringkot do roha si songon ni, ndang mungkin boi jolma berhasil molo sai martangkang ni roha, molo so marhaunduhon. Isarana molo marsingkola pe jolma ingkon tong do unduk ibana tu guruna, molo karejo pe jolma ingkon tong do unduk ibana tu pimpinanna. Songon halak kristen hita  pangoloionta mangulahon na denggan i ndannda holan pangoloion sipalepsem, sipaulaula (kemunafikan), alai pangoloion na marojahan tu hasintongan do. Na paduhon, i ma  asa gabe anak na bisuk, na maroha, umoboto na denggan dohot na roa, unang mura tarela jala terpengaruh tu ragam ni ulaula haotoon. Ngolunta ingkon gabe sira dohot panondang, hidup kita bukan untuk ditaklukkan oleh pengaruh duniawi, alai mampu mangalehon pengaruh na positif. Dipartingkian nuaeng on, nungga sai muramura jolma terpengaruh tu angka na hurang denggan. Godang do jolma, ruas ni hurianta na madabu tu bagasan dosa hinorhon ni tondi ni zaman on, isara ni : Narkoba, pergaulan bebas, Korupsi, materialisme, dll. Dijouhon turpuk on do hita asa unang talu hita dibahen hisaphisap ni pardangingonta, alai margogo ma hita marguru tu pangulaon ni Tondi, ai Badia do Debata naung manjou hita, jala hita angka naung dipintori Debata naeng manjamothon ngolu na marhabadiaon marhite parangenta. Mangolu dibagasan habasaron, hasintongan dohot hatigoran, i do parbue ni jolma na dibagasan hatiuron. Antong marroha pangoloion ma hita di hata ni Debata, songon dakdanak ma hita na uasan di susu na tama, asa margogo hita mangalo sumbia ni portibion.

               

3. Tangiang Pangondianon

4. Marende B.E. No. 116:1,3  DITOMPA HO DO AU                 BL. 243

1.  Di tompa Ho do au, sondangi rohangkon;

     Tung basa-basaMi sude na di au on.

     Gomgomi pamatangku, naeng Ho do oloanku,

     Sai lehon ma gogongku, lomoM naeng ulaonku.

     Urupi tatap au tutu, Panompa na burju.

3.  Tu TondiMi Tuhan  hulehon diringkon

      Sai tong ma dirajai sandok pamatangkon

     Ibana hutangihon, sai saut au ditogihon.

      Tu ngolu partondion,Manahan di ujian.

      O Tondi Parbadia i, sai Ho ma Rajangki.

5. TANGIANG ALE AMANAMI

                                                                   

                                                                    Kamis, 18 Juli 2013

1 Kronika 5:11-22                                  Bodari  2 Korint 12:1-10

1. Marende  B.E. No. No. 9  HUPUJI HOLONG NI                               

1.   Hupuji holong ni rohaMu, o Tuhan Jesus, Rajangki.

      tu Ho hulehon ma tondingku, ai i do  pinangidoMi.

     Huhalupahon ma diringku, mamingkir holong ni rohaMu.

1 Korint 2:4 Hatangku nang parjamitaonku pe, ndada marhata habisuhon na malo mangaithon; tondi dohot hagogoon di dipapatar disi

JAMITAHON HATA I MARHITE TONDI NI TUHAN I

HATORANGAN

Didok do diperibahasa Indonesia “mulut mu adalah harimaumu”, lapatanna asa manatmanat hita manghatahon sidohononta. Saurdot do pandohan ni tu umpama batak namandok “jolo ni dilat bibir asa ni dok hata”. Dilehon Debata do hita pamangan dohot dila asa boi hita manghatai, tujuanna asa gumodang hita manghatahon hata na denggan, na gabe barita nauli(kesaksian). Alai godang do jolma na mamangke hamaloonna gabe mangotootoi halak, godang do jolma girgir manghatai angka  na so marimpola na mambahen jolma boi humasusa (terprovokasi), boi marbada, jala boi patubu angka parsoalan. Sian haparhaldoon pe nungga godang taida molo marjamita gumodang nama sian pingkiranna dibahen, sian pendapat angka angka na bisuk,  ndang sian pandohan na ruar sian roha, ndang sian jamita na dihangoluhon, ujungna gabe orasi sambing na ma jamita i, na tabo bengen sipareon alai ndang manorusi tu ate,roha dohot pingkiran na boi mamboan jolma asa mananda diri dohot paubahon rohana. Marhite turpuk on dipaingot do hita, lumobi angka parhalado, naeng tangkas hita manghangoluhon ulaonta songon parhitean ni Debata laho manghatahon hataNa, jala lomobi ma  asa mangolu hita dibagasan hataNa. Unang ma hita holan malo manjamitai halak, hape hita sandiri ndang tahangoluhon na tajamitahon i, i do umbahenna ringkot angka parjamita marningot poda ni Pdt. Justin Sihombing nahinan mandok ‘Jamitahon na hinangoluhonmu jala hangoluhon na jinamitahonmu’, bagas do lapatan ni pandohan i asa jumolo do hita manghangoluhon hata ni Debata, dungi margogo ma hita patolhashon i tu angka dongan, marhite angka hata dohot parange na denggan.

3. Tangiang Pangondianon

4. Marende B.E. No. 232   JESUS URUPI    BL. 116

1.  Sian sude parulian na arga Sada huboto hutiop tongtong

Jesus Tuhanku Ho arta na arga Na mangatasi sudena antong

Tangkup Tuhanmu tung tiop hataNa Sai pangasahon ma bagabagaNa.

2.  Naeng ho pistar ? Sai dapothon Tuhanmu Nasa na hurang   sai boan tusi

Tu pamodaiNa paunduk rohaMu Asa tiur sasude bogasMi

Tangkup Tuhanmu tung tiop hataNa Sai pangasahon ma bagabagaNa.

5. TANGIANG ALE AMANAMI

Rabu, 24 Juli 2013

Sijahaon:

Manogot: 1 Kronika 6:54-65                                Bodari, 2 Korint 10:1-18

1. Marende  B.E. No. No. 9  HUPUJI HOLONG NI                               

1.   Hupuji holong ni rohaMu, o Tuhan Jesus, Rajangki.

      tu Ho hulehon ma tondingku, ai i do  pinangidoMi.

     Huhalupahon ma diringku, mamingkir holong ni rohaMu.

Poda 3 :3-4 Sai unang ma tallushon sian roham habasaon dohot hasintongan, * horunghorungkon tagonan angka i tu rungkungmu, jala surathon angka i bahen parningotan ni roham. Jadi dapotan asi ni roha dohot pangantusion na denggan ho maradophon Debata dohot jolma

Unang ma tallushon sian roham habasaon dohot hasintongan,

HATORANGAN

Mansai ringkot do prinsip di ngolunta, isara ni Kapal Laut ingkon adong do Kompas, sebagai petunjuk  arah manang dalan na boi mangarahkan Kapal i asa sahat tu tujuan na tinujuna. Songon hinaarga ni Kompas di Kapal Laut songon ni ma hinaarga ni habasaon dohot hasintongan sian ngolu ni jolma, molo so adong be i dingolunta nungga gabe songon Kapal Laut na so adong be Kompasna ngolunta. Habasaon dohot hasintongan i do manonogu hita asa margogo hita mangulahon lomo ni roha ni Tuhan i. Molo mian habasaon dohot hasintongan i di ngolunta tontu jumpang ma dame dohot las ni roha, dapot hita ma pangantusion na denggan maradophon Debata dohot di jolma. Mansai ringkot do ngolu na masiurupan, masihaholongan ai parbue ni habasaon dohot hasintongan doi. Didok do marhite turpuk on dapotan asi ni roha dohot pangantusion do jolma na mian dibagasan habasaon dohot hasintongan. Di halak kristen habasaon dohot hasintongan i do na gabe mutiha na arga, pola didok asa di horunghorungkon, jala ingkon mian I dibagasan roha parbagason. Dipartingkian nueng on, nungga godang jolma mempercantik dirina holan sian penampilan luar (fisik) sambing, alai roha parbagasonna gok angka kemunafikan. Antong tatallushon ma sian ngolunta angka tois, ginjang ni roha, HOTEL, alai tapangkema habasaon dohot hasintongan i, ai nungga basa Tuhan i tu hita dibagasan holongNa jala nungga dipasintong hita gabe anakna, asa gabe anak sioloi Amai hita.

4. Marende No B.E. No. 464:1-2

5. TANGIANG ALE AMANAMI

                                                                     

                                                                        Selasa, 30  Juli 2013

Sijahaon:

Manogot: 1 Kronika 8:29-40                                                                Bodari Galatia 3:16-24

1. Marende  No. B.E . 467:1    Asi ni rohaM hupuji.

Asi ni rohaM hupu ji ala Ho manobus au. Di paIas Ho rohangku, ga-be soranganMu

Au. IngananMu rohanami. TondiMi manggohi i. Pangke dohot ngolunami gabe ulaulaMi.

2.Joel 2:18 Jadi mangiburu ma Jahowa humongkop tanona, jala marpangulahi rohana mida bangsona              

HATORANGAN

Ndanga tarsirang huaso, holong ni roha, dohot hatigoran ni Debata. Molo di uhum Debata bangsoNa, ndang na mandok maralo i tu hadirionNa, ai marhite uhumNa i do gabe tarida hasintongan ni Debata dohot holong ni rohaNa. Atik pe sai mangulahoj dosa bangsoNa i alai sai marpangulahi do roha ni Debata. Dipatuduhon marhite turpuk on asi ni rohaNa namangalusi tangiang ni bangsoNa dung rade nasida marhamubaon ni roha. Di Padan Na robi, ‘tano’ i ma gombaran bagabaga ni pasupasu ni Debata, jaminan kehidupan ni Debata. Debata do manompa saluhuna na adong dihasiangan on, marhite i gabe dohononnta ma marsigantung tu Debata do ngolunta, Dilehon Debata do tu hita tingki dohot inganan pangulaon sihobasanta anggiat marhite gabe dopotan pasupasu pardangingon/materi (2 :18-27) lumobi partondion hita (2 :28-32). Di turpuk on dipaandar do boha do Debata memulihkan bansoNa, Ibana do na paubahon tano na tungil gabe tano na nambur, Ibana do na mandompang bangsoi mangalo bangso sileban na naeng mangango bangsoNa, Ibana do na paubahon arsak ni roha gabe las ni roha. Lam singhop do asi ni roha ni Tuhan i dibagaan Kristus naung mangaroro hita sian hamatean ala ni dosa i, ala ni boha do hita asa tongtong manghirim dohot manghaporseai hagogon dohot holong ni roha ni Debata. Lumobi di partingkian nueang lam godang do angka namasa na mangela roga, pingkiranta asa lam dao sian Debata. Krisis ekonomi, rencana hananangkok ni BBM (bahan bakar Minyak) na boi mangonjar kenaikan ragam ni angka situhoron. Situasi i boi do gabe lam tamba sipingkiranta. Godang do jolma na mambahen hagogoonna na holan paburnangburnang dirina. Marhite turpuk on dipapaso ma rohanta, ndang saguru di hagoon ni jolma umbahen na boi jolma I marlasniroha, ndang dipasombu Debata angka naporsea I, sai adong do tingkina dipatuduhon Debata dalan laho patundukhon huaso ni jolma na menindas angka jolma. Ala ni marhite turpuk on dijouhon do tu hita asa mulak tu Debata, martangiang tu Debata, mangasahon huaso, hasintongan dohot hatigoran ni Debata.

               

               

3. Tangiang Pangondianon

4. Marende B.E No. 128:1,4                                 DITANDA DEBATANTA  BL. 162

1.     Ditanda Debatanta Na di Ibana i

    Na metmet nang na balga Di nasa bangso i

    Ndang mago loasonNa Nang sada sian i

    Ditogu  do sudena Tu hasonangan i.  Ditogu do sudena Tu hasonangan i

4.     Ditanda do nasida Dibaen holong sude

    Rohana di Ibana Nang di donganna pe

    Ai i do na mandasdas Nasida sai tongtong

        Asa tung dipatolhas Patikna i  sintong. Asa tung dipatolhas Patikna i sintong

5. TANGIANG ALE AMANAMI

                                                                   

                                                                    Rabu 31 Juli 2013

Manogot 1 Kronika 9:1-16   Bodari  Galatia 4:1-11

1. Marende No: B.E. No.17:1     RAJA NA TUMIMBUL 

1.   Raja na tumimbul Sigomgomi hami Jalo ma pujiannami

      Denggan ni basaM do Pangoluhon hami Atik pe mardosa hami

      Sai apoi pargogoi hami mangendehon SangapMi o Tuhan

2.Mateus 12:7 Alai ndang tagamon uhumonmuna nasida na so marsala i, aut na diboto hamu na nidok ni hata on: "Asi ni roha do huhalomohon, ndada anggo pelean.

ASI NI ROHA  DOHOT UHUM

HATORANGAN

Jotjot do hita madabu tu sikap ni halak Parise, I ma sai manguhumi halak, mamereng na humurang, menyalahkan dongan molo tung humurang ibana. Halak na sai manguhumi, sai dirajumi do dirina sintong, dumenggan ibana sian dongganna ujungna ndang dibereng ibana be hahurangganna, holan mamintori dirina nama dapot rohana.

Jotjot do dipangke jolma alasan UHUM (Yuridis) alai pelaksanaan gabe madabu tu politis, jala ujung ndang jumpang keadilan. Boi do halak na marsala gabe ndang hona uhum, jala halak na sintong gabe hona uhum, manang mardalan do nian uhum I alai ndang dibagasan keadilan. Molo tataringoti tu tarihum tu uhum, maragam do mansamna, adong uhum Negara, adong, uhum adat, jala adong uhum diparugamoon. Di halak Parise hatihai godang do patik na gabe uhum dibahen gabe aturan di parugamoon nasida, hape ujungna manimbil do pelaksanaan ni patik I, gabe manguhumi nama ujungna.  Siboto surat dohot Parise jojtjot do mamangke angka ruhut-ruhut manang patik ni parugamoon Jahudi laho menilai dohot manguhumi jolma. Dituduh do sisean ni Tuhan Jesus na so unduk tu Patik ala mangula nasida tongon di ari Sabat (Mat 12 :1-8), hape na holan  manggotil eme do sisean i laho panganonna ala nungga male nasida, hape marnida I angka Parise gabe disalahon ma sisean ni Tuhan Jesus. Sasintongana Tuhan Jesus pe mangula(=melayani) do ditingki ari Sabat, marhite na pamalumhon namarsahit, ala ni ma laho mangalusi sungkunsungkun I dibahen Jesus do sada sungkunsunsungkun tu halak parise, boha do molo madabu birubiru tu lombang ditingki ari Sabat? Na boi do toguon birubiru I? Alusna boi, hape anggo mangihuthon ruhut ni patik Jahudi nungga mansalahi molo mangula di tingki Sabat. Marhite turpuk on, naeng dohononna I ma Ummarga do holong sian, aturan na manguhumi. Ndang mandok ndang ringkot patik, dohot ruhutruhut di hita, alai boha do ruhuruhut I tahangoluhon gabe dalan laho patuduhon holong ni roha, songon Tuhanta I naung manghaholongi hita.

3. Tangiang Pangondianon

4. Marende BE No 691:1-2   Hupasahat ma tu Jesus

1.                    Hupasahat ma tu Jesus saluhutna ngolungki,

Roha nang pambaenanku saluhutna tingkingki

Hupasahat ma tu Jesus saluhutna diringki,

Hupasahat ma tu Jesus saluhutna ngolungki.

2.                    Pangkeonku ma tanganku, mangula lomoNa I,

Langka nang simanjojakku mangihuthon Tuhanki.

Hupasahat ma ………

5. TANGIANG ALE AMANAMI