GALATIA 3:6-14
MANONTONG
DO TUHAN I DI PADANNA
Patujolo
Didok si Paulus do tu
huria i“Oe hamu, halak Galatia, na so marroha i (3:1), hata na so marroha/bodoh
(Yun: ebaskanen;
lapatanna i ma halak naung hona hipnotis, hona sihir, halak naung terpengaruh
jala manimbil sian hatigoran. Mansai arga situtu
Surat Galatia on di padan naimbaru ala manaringoti: Ojahan ni haporseaon
dibagasan Jesus, huhut gabe ojahan ni huria laho mangalo poda na lipe na binoan
ni halak Kristen (sian Judaisme), jadi masa do hamaolon di huria i, i ma
taringot boha do sasintongna pangantusion taringot tu haluan na pintor. Alani
do mansai tangkas di bohali Ap Paulus huria asa manghangoluhon haluaon holan
marhite asi ni roha ni Debata dibagasan Tuhan Jesus, laos dipatuduhon halak
naporseai do ngoluna na tangkas marhite parange na dengga jala na sintong,
halak na partigor mangolu dibagasan haporseaon (3:11; Hab 2:4), ndanda ala ni
patik, ritual, seremonial, dna.
Hatorangan
ni turpuk:
Ay 6-9:
Holan marhite haporseaon do hapintoran ni angka naporsea, ndada marhite na
mangulahon patik i, ala ni haporseaon ni si Abrahama do umbahen na tau ibana di
jolo ni Debata. Alai ndanda rajumon haporseaon i ala ni hadirion ni jolma alai
holan ala asi ni roha ni Debata do i (Rom 4:4,5)
Ay 10-12:
Marhite ayat on di paandar do ndang patik be ojahan hapintoron ni jolma, manang
dalan tu hangoluan (prestise), ai ndang boi jolma mangasahon hadirionn di
adopan ni Debata. Holan sian haporseaon
di Jesus sambing do dapotan hapintoran jolma marhite asi ni rohaNa. Halak na
porsea tontu sai dipatuduhon do ngolu na marhaunduhon tu Debata jala mangkirim
di hangoluan sian Debata. Boha do hataridaan ni halak naporsea, i ma na sai
tongtong satia, togu, di bagabaga ni Debata ( 2:16)
Ay 13-14:
Dipatolhas Debata do pasupasuNa marhite Tuhan Jesus; Ibana do manobus hita,
digombarhon songon na paluahon halak na hona taban (4:4,5), ala ni panobusioNa gabe
bura Ibana ala ni hita (Gal 2:15-16). Nungga dipasingkop Tuhan Jesus na
pinarsinta ni patik i, holan marhite Ibana do sahat pasupasu i tu portibion,
ala ni holan Jesus ojahan ni haporseaon dohot pangkirimon.
Sipahusorhusoron
1.
Nungga di Tobus Debata hita marhite asi
ni roha dibagasan Kristus, asa marhite Ibana sahat pasupasu ni Debata marhite
bagabagaNa tu si Abraham. Manontong do
Tuhan i di padannNa, i do pos ni rohanta mandalani ariari ni ngolunta, ai hot
asi ni roha ni Tuhan i.
2.
Ragam do angka na boi manggugai
haporseaonta tu Tuhan i, gabe ndang satia jala togu haporseon, pangkirimonta tu
Debata. Isara ni molo masa parungkilon, jotjot tapangasahon hamaloonta,
hagooonta, hamoraonta, perasaanta (ego) mamintori diri, dna. Antong boha do hita patuduhon hataridaan ni
halak naporsea, naung pinalua Debata hita di ngolunta..?
3.
Percaya, tentunya kita harus membangun
sikap yang setia, memiliki komitmen pada tugas dan tanggungjawab, sebagai orang
Kristen kita harus selalu setia pada janji kita.
