Sabtu, 06 September 2013
Sijahaon:
Manogot 1 Kronika 27:1-15 Bodari, Efesus
5:15-16
1. Marende B.E .
467:1 Asi ni rohaM hupuji.
Ø Asi
ni rohaM hupu ji ala Ho manobus au. Di paIas Ho rohangku, ga-be soranganMu
Au. IngananMu rohanami. TondiMi manggohi
i. Pangke dohot ngolunami gabe ulaulaMi.
2. Daniel 3 :18 Alai nang so lomo rohana, ingkon botoonmu
do, ale rajanami, na so olo hami mamele tu angka debatamu manang marsomba tu
ganaganaan sere, naung pinajongjongmi
HOLAN
DEBATA DO SISOMBAON
HATORANGAN
Hidup ini adalah PILIHAN, diganup
partingkian sai godang do angka na boi mangelaela ngolunta, lumobi
parsihohotonna manghaporseai Tuhan i. Manontuhon pilihan dibagasan situasi na
mangadopi parungkilon (tekanan) ndang ulaon na mura I, apalagi molo marhite
pilihan I adong pangkorhonna tu hadirion niba. Diturpuk on dilehon do
kesempatan tu si Sadrak, Mesakh dohot Abednego laho manontuhon pilihanna,
manang unduk tu parenta ni Raja, manang unduk tu Debata na hinapaorseaan
nasida. Molo unduk nasida marsomba tu ‘debata’ ganaganaan sere berarti dapotan
pengampunana ma nasida, alai molo masihohot dihaporseaonna berarti ingkon rade ma nasida marsitaonon ala
ni haporseaon nasida i. Sada barita jala tiruan na mansai arga situtu do na
pinatuduhon ni si Sadrak, Mesakh, Abednego di turpuk on, ala ndang gabe ganggu
parsihohoton (komitmen) nasida manghaporseai Debata na hinaporseaon nasida,
ndang muba roha nasida atik pe ingkon mangadopi ancaman nasida. Hamu angka
dongan, jotjot do ngolunta gabe “muba” molo ro sitaonon di ngolunta, isarana;
burju hian do hita marminggu, alai ala ro sitaonon gabe losok rohanta
marminggu, godang do angka na burju,na jujur, alai boi do gabe muba pingkiranan
dung tarela ibana dibahen sinamot, tergoda ibana manajalo sisip, ambisi ibana
naeng hatop mamora, tergoda ibana dibahen jabatan dohot angka lan na asing.
Jotjot do angka namasa na di portibion manggugai roha dohot pingkirannta nang
songon ni haporseaonta maradophon Tuhan i. Boi do ala ni arta, hamoraon,
hasangapon, dohot hamongkuson mambahen hita gabe lam dao hita sian Tuhan i.
Ndang na mandok sala jolma mamora diaarta, alai na mambahen sala I ma molo gabe
muba do fungsi ni arta I tabahen, ndang gabe “alat” be alai nungga gabe tujuan
ni nglunta. Sikap si songon ni do gabe mambahen hita ‘mar-debata-hon arta, gabe
ndang tarajumi saluhutna sian Debata, alai gabe ala ni gogo dohot habisuhonta.
Marhite turpuk on ditogu dohita, asa tongtong marsihot manghaporseai Tuhan I,
holan Ibana do sisombaon dohot sioloan disaluhut panggolmiton ni ngolunta uju
ro arsak, sitaonon. Ndang adong na boi tapangasahon ia so holan hagogoon ni
Tuhan I, holan Ibana do pangalualuonta, holan Ibana do na tuk paluahon hita
sian ragam ni parungkilon na taadopi, jala holan Ibana do boi paluahon hita
sian ragam ni angka sitaonon dohot ihotihot ni sibolis i. Antong marsihohot ma
hita manghaporseai Tuhan I saleleng mangolu hita di hasiangan on, Amen.
3. Tangiang Pangondianon
4. Marende BE
No 272 :1-2 SAI
TOLE ,TOLE RO SUDE
1. Sai tole,tole ro sude Ihuthon Jesus i
Marhohos hasintongan be Di paraloan i
Mandera silang i Partogi Tuhan i
Sarune pe mangkuling do Sai tole,tole ro.
2. Pangansi do musunta i Sai songon na burju
Hape gok sipaoto i Sitolon na tutu
Diela hita be Mambaen na so ture
Mangago daging tondi pe Dungo tajaga be.
5. TANGIANG ALE AMANAMI
Kamis; 12 September 2013
Sijahaon:
Manogot : 1
Kronika 29:20-30 Bodari
Efesus 5:29-33
1. Marende No. BE.
No. 15:4 Aut Na Saribu Hali Ganda
Ø Mauliate
ma rohangku di Ho o Debata tongtong
dibaen
sude denggan basamu naung nilehonmu di au on
ai dipatongon ho tongtong sude na ringkot di
au on
2.Mateus 5 :10 Martua ma na pinaburuburu ni halak ala ni hatigoran, ai di nasida do
harajaon banua ginjang i
MARTUA MA HALAK NA MANGOLU DIBAGASAN HATIGORAN
HATORANGAN
Ndang mura
mangulahon HATIGORAN, ala godang do angka na rundut, angka na maol siadopanta
di portibion, godang do halak na mamusuhi. Alai ndanda holan musuh na ro sian
luar dirinta, alai bahkan sian dirinta sandiri pe. Mangihuthon Jesus ndanda
ulaon na mura, alai mangihuthon Jesus berarti rade manuhuk ‘Silang’. Memang
orang-orang yang percaya kepada Kristus, betul-betul mengikut Kristus dan
berusaha hidup sesuai kehendak Tuhan, pasti akan menghadapi dan mengalami
penderitaan (Mat 10:16,25,34-36 Yoh 15:18-25 Kis 14:22 Fil
1:29 2Tim 3:12). 1:29 2Tim 3:12). Sasintongna ndang ala
na pinaburuburu halak na porseai gabe martua, alai upa ni namanaon ala ni
mangulahon hatigoran i do na mambahen na porseai gabe martua. Molo didok martua
ndang martudutudu i tu arta manang mammonna di portibion alai martudutudu doi
tu upa na jinalo sian Debata i ma harajaon banua ginjang i, i ma ngolu na
marhasonangan, ngolu na manongtong raphon Tuhan i. Ala ni sorminan ngolu
harajaon banua ginjang i naeng ma patar jala tarida di parngoluonta siganub
ari, i ma ngolu na dibagasan hatigoran. Nasintong jala na tigor do Debata,
tigor do Debata mangalehon Uhumna tu angka parjahat dohot angka siula
hasintongan. Ala ni tarjou do hita halak kristen laho manghajongjonghon
hatigoran di portibion, manang aha pe angka ulaonta (profesi) ta naeng ma
tangkas hita mangulahon i dibagasan hatigoran, lumobi angka penegak HUKUM asa
tangkas diulahon keadilan i, angka para medis naeng denggan dihobasi angka na
marsahit unang holan marnida bohi, alai lumobi ma perhatian tu angka na pogos
na mamangke JAMKESMAS, angka Guru denggan dihobasi laho mangajari angka
parsingkola, lumobi pamarenta naeng tangkas mangulahon panghobasion tu
masyarakat asa jumpang ngolu na berkeadilan. Antong tabahen ma HATIGORAN I
ojahan di ngolunta, Molo jongjong hatigoran i gabe dapotan tua ma hita
saluhutna, nang di portibion lumobi did ngolu sogot i, AMEN.
3. Tangiang Pangondianon
4. Marende B.243 :1-2 SAI
BERENGI PARTONGOLAN
1. Sai berengi partonggolan na di ginjang i
Idaonmu hamonangan Ni Tuhanta i
“Debata do dongannami “ I ma tajou be
Tumpal hangoluan i do Jaloonta be.
“Debata do dongannami “ I ma tajou be
Tumpal hangoluan i do Jaloonta be.
2 Ida angka ulubalang Ni sibolis ro
Naung torop tinaluhonna I pe dungo ho
“Debata do dongannami “ I ma tajou be
Tumpal hangoluan i do Jaloonta be.
“Debata do dongannami “ I ma tajou be
Tumpal hangoluan i do Jaloonta be.
5.
TANGIANG ALE AMANAMI
Rabu
, 18 September 2013
Sijahaon:
Manogot 2
Kronika 4:1-22 Efesus 6:13-15
1. Marende
B.E.
No. No. 9 HUPUJI HOLONG NI
1. Hupuji
holong ni rohaMu, o Tuhan Jesus, Rajangki.
tu Ho hulehon ma tondingku, ai i do pinangidoMi.
Huhalupahon ma diringku, mamingkir holong ni rohaMu.
2. Rom 2:7:Hangoluan
na salelenglelengna do di angka na marbenget ni roha mangula na denggan, laho
mangalului hasangapon, hamuliaon dohot hatongtongon
SINTONG DO
UHUM NI DEBATA
HATORANGAN
Benget ni roha
I do sada hataridaan ngolu ni naporsea, didok si Paulus do “Marlas ni roha ma
hamu mangkirim! Marbenget ni roha ma di haporsuhon! Jugulhon hamu ma
tangiang (Rom 12:12) Jala di surat
Yakobus didok “Alai ingkon dihorhon habengeton i do ulaon na sun denggan,
asa gabe rimpas hamu, angka na so marlindang, na so marnahurang (Yak 1:4). Mansai
ringkot do ngolu na marhabengeton, ai molo so benget hita mura do hita mandele,
putus asa. Isarana molo mangula siulaon hita mansai ringkot do benget niroha,
olo do molo partani disuan cabe, jagung, eme, kancang, dohot angka na asing alai
ndang apala berhasil songon na taparsinta i. Alai manang boha pen dang soi
sumurut hita laho mangulahon na denggan I, lumobi mangulahon hombar tu lomo ni
roha ni Tuhan i. Tutu godang do siparungkilhononhon molo taulahon ulaon ni
Tuhan i. Halak na marbenget ni roha I ma halak na mampu mangadopi hamaolon di
hinorhon ni haporseaonna di Tuhan i. Napasti ndang pasombuon ni Tuhan I angka
na porsea di Ibana. Halak na so olo pauabahon rohana pasti do hona uhum sian
Tuhan (Rom 2:5,8), alai halak na rade paubahon roha jala manolsoli dosana, laos
rade mangulahon na denggan laho mangalului hasangapon, hamuliaon dohot
hatongtongon
ingkon parjamabar do di hangoluan saleleng ni lelengna. Benget mangulahon na
denggan, I do parbue ni jolma na mian dibagasan Tuhan i. Halak na mangalului
hasangapon ni Tuhan, namarlapatan doi manjamothon ngolu na marhabadiaon hombar
tu asiniroha ni Debata na pinasahatNa. Mangalului hamuliaon ni Debata
namarlapatan doi mangolu hombar tu lomo ni roha ni Debata, mangalului
hatongtongon namarlapatan doi halak na sai tongtong manghasiholi ngolu na
mamboan jolma tu hangoluan na manontong i. Molo didok pandoha “mangalului” diturpuk on, ndada namandok
ala ni usaha ni jolma asa dapotan haluaon ibana, alai lapatan ni hata
mangalului I ma tanda, manang parbue ni jolma naung mian dibagasan hatigoran
jala naung dipalua Debata marhite asi ni rohaNa. Antong taulahon ma na denggan
I dibagasan habengeton, AMEN.
3. Tangiang Pangondianon
4.
Marende B.E. No. 261:1+3 BINTANG
SIPARTOGI
1. Bintang sipartogi Batu mamak i
Tungkot sitiopan Di na
landit i
Roti hangoluan Mual na
uli
Pandang situjuon I ma
Jesus i, Pandang situjuon I ma Jesus i
3. So marhitehite Ho, o Jesuski
Ba tung sian ise Gogo
lao tusi ?
Ho tarbaen paneang
Siporsanonki
Holong na hinirim Ho
do Jesuski, Holong na hinirim Ho do Jesuski
5. TANGIANG ALE AMANAMI
Selasa, 24
September 2013
Sijahaon:
Manogot:2 Kronika 6 :28-42 Bodari, Pilipi 1 :12-26
1. Marende B.E. No. No. 9
HUPUJI HOLONG NI
1. Hupuji
holong ni rohaMu, o Tuhan Jesus, Rajangki.
tu Ho hulehon ma tondingku, ai i do pinangidoMi.
Huhalupahon ma diringku, mamingkir holong ni rohaMu.
2. 1 Tessalonik 2:16 Diorai
do hami manjamitai halak parbegu laho paluahon nasida; asa tongtong do nasida
pagukgukkon pardosaonnasida, lalu ma antong tu nasida sungkot ni haririmas i
MARSITANON ALA
NI KRISTUS
HATORANGAN
Menerima
Kristus, menjadi Kristen yang sungguh, meresponi panggilan Tuhan atas hidup,
seringkali harus membuat hidup seseorang menanggung penderitaan. Parungkilon I boi
do I ro sian tongatonga ni Keluaraga, dongan saulaon, dongan sa huria, lumobi
naso sahaporseaon dohot hita. Godang do angka barita molo tabege angka donganta marungkil ala ndang diloas nasida pajongjohon
gareja inganan nasida marpungu dohot dongan sahaporseaon. Godang do halak Kristen
na marungkil ala ni haporseaonna di Tuhan Jesus, nian ndang apala hal na baru
bei, ai sian mulana sai songon ni do hajongjongan ni halak si ihuthon Jesus. Di
Huria Tessalonik hatihai marungkil do huria I, ala ni do marhiet suratna si
Paulus ro mangalehon apulapul laho patoguhon hapaorseaon nasida. Disosohon si
Paulus do asa benget mangadopi parungkilon I jala anggiat marhite I lam togu
haporseaon nasida laho marnidas asi niroah ni Debata dibagasan Tuhan Jesus.
Mansai las do roha
ni si Paualus marnidas huria Tessalonik, las rohana ndanda ala na marsitaonon
nasida, alai ala marhite sitaonon tongtong do huria mian jala marsihohot
manghaposi Tuhan Jesus. Ala ni molo adong parungkilon ditongatonganta, di rumah
tangga, di kantor, di parsaoranta, di huria, naeng ma nian hita tongtong masiurupan, masitungkolan,
masitangiangan, masihaholongan, jala tongtong marpangkirimon na mangolu. Boi do
marhite parungkilon i dipangke Debata gabe dalan laho papitahon haporseaonta,
jala taingot ma ndang sadia sitaonon na do hasiangan on martimbanghon hasangapon,
hamuliaoan sipapataron ni Tuhan i di ari sogot i, lapatann ingkon tongtng do
hita memiliki semangat, optimis, visi, etios kerja, jala sai Tuhan i ma
tapangsahon, AMEN
4. Marende No B.E. No. 131 :1+3 BATANG AEK
USEHONONKU
1. Batang aek usehononku Ninna Debatanta i
Ingkon
bornok bahenonku Tano na mahiang i
Parhorsihan
sasude Ingkon gabe porlak be.
3. Ingkon jumpang do hataNa Ai burju do Tuhan i
Ingkon
saut pinarbagaNa Naeng sangap goarNa i.
Ingkon
do tandaon ni Nasa bangso Tuhan i.
5. TANGIANG ALE AMANAMI
Senin,
30 September 2013
Sijahaon:
Manogot: 2 Kronika 9:21-31 Bodari
Pilipi 3:1b-9
1.
Marende No. B.E .
467:1 Asi ni rohaM hupuji.
Asi ni rohaM hupu ji ala Ho manobus au. Di
paIas Ho rohangku, ga-be soranganMu
Au. IngananMu rohanami. TondiMi manggohi
i. Pangke dohot ngolunami gabe ulaulaMi.
2.Psalmen 113 :7 Ibana
pahehehon na metmet sian orbuk, dipatimbul do na pogos i sian gambo
IBANA
PATIMBULHON
HATORANGAN
Sasintongna
mamuji Debata ndang boi sirang i sian dua hal : parjolo :parsombaon
tu Debata, jala na paduahon : holong ni roha tu dongan jolma. Diajolo ni
Debata ndang adong mardia imbar jolmai, ndang marnida bohi Debata, alai jolma I
do siida bohi. Jala hinorhon ni do, gabe masa ma kesenjanngan social, adong
horong ni na sangap, na mora, na gogo, jala adong muse horong ni halak na
pogos, na metmet, jala somalna halak on ma na gabe korban ni angka na
mangasahon hagogoonna, naso peduli tu donganna. Marhite turpuk on, diondolhon
do boha do Debata marasiniroha marnida angkas na pogos (naso marama, naso
mararata, na tadik maetek, angka ina nabalu), keberpihakan ni Debata tu angka
na pogos, na metmet namarlapatan doi dijanghon Debata do saluhut jolma so pola
mamereng latarbelakang social ekonomi.Dipatuduhon Debata do sikapna marhite
turpuk on, ndang lomo roha ni Debata tu angka jolma na mangarupi halak na
pogos. Molo tajahan di Lukas 16:19-31, dipatimbul Debata do si Lazarus, jolma
na lea I tu ampuan ni si Abraham, alai dung mate na mora gabe tu hamatean banua
toru do jambarna.Na marlapatan doi ndang boi pangasahononhon hamoraon laho
patimbulhon hita di harajaon ni Debata, molo adong di hita hamoraon, arta,
naeng pangkeonta doi saluhutna laho patuduhon hamuliaon dohot hasangapon ni
Debata. Molo didok Debata “pahehehon na metmet sian orbuk, namarlapatan doi
nungga dipahehen Debata hita marhite Tuhan Jesus kristus sian hamatean ala ni dosa I, nungga dipatimbul hita sian
gambo ni dosai, antong tatiru ma Debata, taulahon ma ulaon nau tau “pahehehon”
dohot pangurupion tu angka napatut siurupanta, uang ma hita “situnjang na
gadab” lapatanna nungga susa dongan alai lam tamba tasusai. Tapuji ma Tuhanta I
marhite ulaon na dennggan, ai nungga di pahehe hita jala dipatimbulhon hita
gabe ianakonNa. Taida ma si Josep na dipangkit gabe perdana menteri di Mesir,
halak na so diperhitungkan alai marhite asi ni roha ni Debata gabe dipatimbul
ibana sian hametmetonnai. Songon ni ma
hita naeng mangasahon pangurupion ni Debata, jala marpos niroha ma hita tu
Debata, AMEN.
3. Tangiang
Pangondianon
4. Marende B.E No. 753 :1 Dipardalanan
Jesus di jolongku
1.
Dipardalanan Jesus dijolongku
Holong ni tanganMi manogu au
Nang di ngoluku Ho do sombaongku
Tung sonang mardalan raphon au.
Huboto do tangkas pangouonMu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi,
5. TANGIANG ALE AMANAMI
