ACARA IBADAH SERMON DISTRIK PANGULA NA GOK TINGKI
DISTRIK X MEDAN ACEH
SENIN: 06 MEI 2013
===================================================
1. Joujou Mamuji Debata (L :Liturgis ; S :Sude)
L : Tama
hita mandok mauliate tu Debata pardenggan basa i, ai diramoti do daging nang
tondinta sahat tu tingkion, di lehon dope tingki parasian tu hita ganub asa
pangkeonta laho mangulahon hombar tu lomo ni roha ni Tuhan i. Ala ni taendehon
ma Jahowa, taolophon ma Debata ni hatuaonta! Ro be ma hita tu adopanNa
marhitehite pujipujian, taolophon ma Ibana marhitehite ende!
S : Debata na timbul do Jahowa, jala Raja Bolon na
mangatasi saluhutna. Di bagasan tanganNa do ojahan ni tano on, jala guru di
Ibana do sandok pangisi ni portibi on.
L : Bongoti hamu ma angka bahalNa marhitehite
hamauliateon, angka alamanNa marhitehite pujipujian. Mauliate ma rohamuna tu
Ibana, puji hamu ma goarNa.
S : Beta ma hita manungkap huhut marsomba,
marsinggang ma hita tu jolo ni Jahowa, Sitompa hita. Ai ibana do Debata jala
bangso hita bangso pinarmahanNa.
L : Endehon hamu ma
Jahowa, puji hamu ma goarNa, baritahon hamu ma hatuaonna ganup ari. Pajojor
hamu ma di tongatonga ni angka parbegu hamuliaonNa i, di tongatonga ni saluhut
bangso, angka halongangan na binahenNa i!
02. Marende BE
No. 565 : 1 – 2 “Las Rohangku Lao
Mamuji” BL. 565
ÿ Las rohangku lao mamuji, Debata Parholong i
Songon bunga na mangerbang,
di na binsar ari i.
Arsak, dosa,
haporsuhon, mago dibaen asiMi.
Las ni roha na
manongtong lehon di au Tuhanki.
ÿ
Sude jadijadianMu, laut, tano, langit i.
Angka bintang dohot
bulan, nang mata ni ari i.
Hauma, ladang, nang
harangan, rura dohot dolok i.
Saluhut na
mangendehon sangap ni Tuhanta i
(jongjong….).
03. Votum
- Introitus
L : Marhitehite Goar ni Debata Ama, dohot Goar ni
AnakNa Tuhan Jesus Kristus, dohot Goar ni Tondi Porbadia na tumompa langit
dohot tano on.
S : Amen!
L : Joujou do soarangku tu Jahowa, jadi
dialusi Ibana ahu jalojalo sian dolok habadiaonna.
S : Sai Ho do hupajoujou, ai dialusi Ho do ahu, ale Debata! Sai tarehon ma pinggolmu tu ahu, tangihon
ma hatangkon!
L : Tu Debata do hujoujouhon soarangkon, jala mangangguhi
ahu, tu Debata do tongon soarangkon! Jadi ditangihon do ahu
S : Asi ma roham di ahu, ale
Tuhan, ai sai tu Ho do ahu joujou manipat ari. Ale
Jahowa, Debata ni hatuaonku, sai joujou do ahu arian, sai di jolom do ahu
bornginna i.
L : Sai joujou do ahu sian nasa roha, sai alusi
ma ahu, ale Jahowa; sai radotanku do angka aturanmi.
S : Sai tangihon ma soarangku, ale Jahowa, molo
joujou ahu. Didok rohangku, Ho mandok: Lului hamu ma bohingKu ! Antong bohiM ma
na hulului, ale Jahowa.
L : Sai unang
ma tabunihon bohiM maradophon ahu. Jahowa do panondangi di ahu dohot hatuaonhu,
tung mida ise ma mabiar ahu ? Jahowa do partanobatoan ni ngolungku, tung mida
ise ma ahu biahaton ? .Haleluya!
MARTANGIANG
ma hita: Ale Tuhan Debata, Pargogo na so hatudosan, Amanami na di banua ginjang
i ! Usehon ma TondiM na badia i dohot hapistaran na sian Ho i tu saluhut
HuriaM, asa lam rarat jala lam hot HataM na badia i di tongatonga ni hami on.
Lehon ma hiras ni roha di naposoM manjamitahon HataM, asa lam pita jala lam ganda
HuriaM na badia i. Patongtong ma huhut rohanami mangoloi Ho sahat ro di ujung
di bagasan haporseaon na ture marhitehite AnakMu, Tuhan Jesus Kristus,
Tuhannami. Amen.
04. KOOR Pangula Naung Pensiun
05. Marende BE.No. 681 : 1-2 “Ale Amang asi rohaM”
- Ale Amang asi rohaM di au pardosa on, unduk do
rohangkon nuaeng marsomba di joloM. Unang jujur, unang jujur angka dosangki,
sai salpuhon, sai salpuhon sian rohaMi.
- Amang sai pargogoi ma au di hasiangan on, TondiM
pasaor tu tondingkon pamalum rohangkon. Sai usehon, sai usehon, TondiMi tu au,
asa monang maralohon parungkilon au (jongjong..)
06. Tangiang Manopoti Dosa
U : Ale
Debatanami, na marasi roha jala na badia, Amanami, marhitehite Tuhan Jesus
Kristus! Manang piga hali hami ro tu joloM, huhilala hami ringkot do asi ni
rohaM di saluhut hami halak pardosa. Alani i do umbahen na hupaserep hami
dirinami sadarion di joloM, jala huparhatopot hami, tung na jotjot do hami
manimbil sian angka dalanMu na badia songon birubiru na lilu, asi ma rohaM di
hami halak pardosa on.
S : Mangendehon Reff. BE.681:1 : “Unang
jujur, unang jujur angka dosangki, sai salpuhon, sai salpuhon sian rohangki.
U : Ale Tuhan Debatanami, sai unang
pabali hami sian joloM ala ni dosanami i, ai ndang dihalomohon rohaM hamatean
ni angka pardosa, alai hamubaon ni rohana do lomo ni rohaM asa mangolu. Sesa ma
saluhut hageduhonnami dohot pangalaosionnami marhitehite pangulunami na sasada
i, AnakMu tuhan Jesus Kristus Tuhannami.
S : Mangendehon
Reff.BE.No.681:2 : “Sai usehon, sai usehon TondiMi tu au,asa monang
maralohon, parungkilon au.
U : Ale Tuhannami parasiroha na
sumurung, sai pahot ma asi ni rohaM di hami marhitehite panindangion dohot
hagogoon ni tondi parbadia asa tarapul situtu rohanami manjou Ho, asa pantun,
tigor jala daulat hami marpangalaho, bahen hasangapon di GoarMu na badia i.
Amen.
S : Mangendehon BE.No.681 :3. Mauliate ma di Ho, O Tuhan Debata, sai jalo ma
au on muse tu surgo banuaM. Asa sonang, asa sonang, raphon Ho disi, pujionku ma
GoarMu salelengna i.
U : Songon on
do hata ni Tuhan Jahowa: Nunga pola hupasisi angka pangalaosim songon ombun,
jala songon ombun manorop angka dosam. Sai mulak ma ho tu Ahu, ai Ahu do
sipalua ho. Hasangapon ma di Debata na di ginjang!
S : Amen.
07. KOOR
Kel. Pangula Na Gok
08. Marende No. 466
: 1 , 4 “Nunga Ro
Au” BL. 314
ÿ
Nunga ro au o Tuhanku, tu hau pinorsilangMi.
Hupelehon ma
diringku, upa halojaonMi.
Hatuaon i, las ni
rohangki, ai hibul do hupelehon
nasa diringki.
ÿ
Sai gok Tondi ma rohangku, mate roha diri i,
Holan Ho huhaholongi, Ho nampuna diringki.
Hatuaon i, las ni rohangki, ai hibul do hupelehon nasa
diringki.
09. Manjaha Turpuk (Pangungkapon 22:12-17)
L: Ida ma, gira ma Ahu ro! Boanonku ma upa silehonon tu ganup,
hombar tu na niulana!
S : Ahu do
Mulana jala Punsuna, Parjolo jala Parpudi, Bonana jala Ujungna!
L : Martua ma
angka na mamburi abitnasida, asa marhuaso nasida marjambar di hau hangoluan i
jala masuk sian angka harbangan tubagasan huta i.
S : Dibalian
ma angka biang dohot angka siulahon rasun dohot angka parmainan dohot pamunu
dohot sioloi na so Debata, ro di nasa na mangkaholongi jala na mangulahon gabus.
L : Ahu, Jesus,
marsuru surusuruanku, mangkatindangkon tu hamu angka on, mandapothon angka
huria i. Ahu do urat dohot marga ni Daud, bintang sipaias na marsinondang i!
S: Jadi didok Tondi dohot oroan i: Ro ma Ho! Laos dohonon ni na
umbegesa: Ro ma Ho! Sai ro ma na mauas; dijalo na giot roha i ma aek hangoluan
i, dalan basabasa!
L : Olat ni i ma sahatna. Martua do angka na tumangihon hata ni
Debata, jala na umpeopsa.
S :Amen!
10 KOOR
11. Marende
No. 743 : 1 – 2 “O Tuhan
Togutogu” BL. 743
ÿ
O Tuhan togutogu ma au, tu dalan lomo ni rohaMi,
Raphon Ho sonang
mardalan au, nang rahis maol sidalananki,
TondiMi baen manggohi
au on, margogoihon au naposoMon,
Pasangap Ho di
ngolungkon, paima sahat tu surgo au on.
ÿ Pangkulingi ma au o Tuhan, na rade tumangihon hataM,
Sai tumpahi ruasMu Tuhan, na uasan nuaeng di hataM,
Sai patau ma au on naposoM, manjou halak na dao sian
Ho,
Ro di na so tumanda Ho, muba gabe pangoloi di Ho.
12. Koor
Bibelvrow/Diakones
13. Tingting
14. Jamita : Johannes 17:20-26
15. Marende BE.650:1….(P.Pelean) Dipasada holongNa I
1.
Dipasada
holongNa I, saluhutna porsea I,
Na
tarjou tu sada panghirimon I, songon daging ni Kristus i.
2.
Sada
do panghirimon I, dibagasan panjouon I,
Taradoti
hasadaon ni Tondi I, pinadomu ni dame i.
………..MUSIK……….
3.
Ala
sada do daging I, jala sada do Tondi I,
Taradoti
hasadaon ni Tondi I, pinadomu ni dame i.
4.
Martoruk ni roha ma, dibagasan holongNa I,
Taradoti
hasadaon ni Tondi I, pinadomu ni dame i.
……………MUSIK…………
5.
Marlambok ni roha ma, dibagasan holongNa
I,
Taradoti
hasadaon ni Tondi I, pinadomu ni dame i.
6.
Marsitangiangan
ma, dibagasan holongNa i.
Taradoti
hasadaon ni Tondi I, pinadomu ni dame i.
16. Tangiang
Panutup
17. Amen… Amen…
Amen!
Tidak ada komentar:
Posting Komentar