2 Korint/Korintus 10:12-18

BAHAN SERMON 2 Korintus 10:12-18

MAMUJI DIRI MARHITE TUHAN I

Patujolo

Digurithon, jala ditongos Paulus do Surat Korint na paduahon on, ala adong tubu angka parpoda na lipe na mambahen masalah di huria i, i ma angka kelompok na mendukung budaya dohot Adat ni Romawi, kelompok na mendukung budaya dohot adat Jahudi, dohot kelompok na mendukung pangajarion sian ajaran helenisme (retorika Yunani tradisionil), angka kelompok on ima marharoron sian halak korintus (pribumi) dohot halak Jahudi na sian Palestina=Judaisme ( 2 Kor 10-13). jala angka kelompok on ma na meraguhon ha Apostelon ni si Paulus, na meraguhon barita nauli na pinasahatna (12 :1). Tujuan ni Surat na paduahon on i ma :PARJOLO, mandok mauliate tu huria i ala adong dope pos ni roha nasida manjanghon barita naulia na pinasahat ni si Paulus (2 Kor 7 :11-16),PADUHAON, patoguhon haporseaon ni huria i asa unang lilu binahen ni angka ajaran ni guru-guru palsu na sai tontong mangajarhon angka poda na lipe, na so manjanghon/mengakui si PAULUS. Ala ni ma Paulus marhite suratna mangalehon ‘pembelaan dirina ‘

HATORANGAN :

10:12 Tutu, ndang barani hami, pasaorhon manang patudoshon dirinami tu angka na manjuljulhon dirina. Lapatanna ndang olo sipaulus pasaorhon ngoluna tudos tu parpoda na lipe, manang patudohon dirina sarombang doshon nasida na sai mamuji dirina, na so pinillit ni Debata, na so ginohan ni Tondi Porbadia, na mangasahon pingkiran na sandiri. Halak na sai mamuji dirina sandiri, tontu rajumanna ma holan dirina na sintong (egosentris, gabe tubu ma ginjang roha, merasa super, ujungna ndang be introfeksi diri, ndang olo be mengakui hasurungan ni dongan, alai dirina nama dirajumi na dumenggan sian angka na asing. Sasintongna holan dibagasan jala marhite hadirion ni Jesus do na gabe ojahan /standart moral, etika, spiritual na denggan, ala ni ndang adong ojahan na asing dunghon ni Jesus Kristus.

10:13 Alai ndang olo hami mamujimuji dirinami, ……sandok intap aturan, na pinatikkon ni Debata tu hami. Laos i do, umbahen na sahat hami ro di hamu. Molo karejo hita gabe sada pegawai/staff adong do aturan, manang “batas-batas” siulaonta, jala mangula ma hita hombar tu wewang na pisahatat tu hita. Laos songon ni do na pinaandar ni si Paulus di turpuk on, lapatannna ndang dipuji ibana ulaonna hombar tu aturan manang patik ni hajolmaon, alai holan mangasahaon aturan na pinatikkon Debata do, alai molo pe marbarita nauli si Paulus dipigapiga inganan ndanda na mansalahi I tu lomo ni roha ni Debata I, ala dipillit Debata do Ibana jala disuru tu saluhut bangso (Ulaon 26:17-18). Ndang mangasahon hadirionna si Paulus laho marbarita nauli, jala ndang dihaginjanghon pangulaonnai laho mangalului sangap, asa dipuji halak ibana, alai saluhutna do pangulaonna mangasahon gogo napinasahat ni Debata.

10:14 Ai ndada na pabalgabalgahon diri hami,….Tujuan/motivasi Paulus marbarita nauli ndanda laho mangulului hasangapon(popularitas) alai asa saluhut jolma manjanghon Kristus naung mamboan barita nauli dohot haluaon. Ayat 10:15 Ndada lompo sian uhum pamujinami di hami….Dipaandar Paulus do marhite turpuk on ndang songon angka parpoda na lipe (guru-guru Palsu) hadirionna na mangarajumi dohot mangalului sangap sian jolma, jala na mangarajumi parbue ni pangulaon ni si Paulus gabe ala ni pangulaonnna. Dihirim si Paulus do marhite turpuk on gabe marparbue barita nauli di angka na pinasahatna jala lam ganda. Hataridaan huria na mangolu do molo lam marparbue jalam lam ganda haporseaon ni huria (proaktif) Ayat 10:16 ………unang pola huhasangaphon hami ulaon, naung tinurpukkon tu na asing siradotanna.Dipatuduhon si Paulus do sikap na positif marhite turpuk on, na so olo ibana mangarajumi  na niula ni halak gabe pangulaonna, ugasan na asing gabe ugasanna, songon na pinatupa ni guru-guru palsu di Korintus.  Alai atik pe diadopi ibana hamaolon I ndang gabe putus asa ibana, alai lam tubu do roha na marsigorgor  laho marbarita nauli tu angka na so manjanghon barita nauli (Rom 15:24).

10:17 Alai na mamuji dirina, marhitehite Tuhan i ma ibana mamuji!. Mangulahon ulaon ni Tuhan i ndang laho mangalului asa dipuji halak, alai saluhut nai gabe pujipujian tu Debata do. Alai ndang na mandok ndanng ringkot  manang na sala mamuji diri, alai boha do pamujion i saluhutna holan mangasahon asi ni roha  i Debata.  Godang jolma dung gok artana, mamora Ibana gabe lupa tu Debata,ndang dirajumi  sian Debata doi, jala dirimpu artanai manontong ro disalelenglengna, hape na olo suda jala salpu doi,  godang jolma na malo, alai disalahgunakan hamaloonna, gabe mangotootoi halak, godang jolma timbo jabatanna alai dipangke gabe dalan laho paburnangburnang dirina, ndang dihasabamhon upa na patut tu ibana, ujungna gabe diula ma Korupsi (manangko), mangkaliangi arta ni halak. Sasintongna ndanda hasangapon, hamoraon, gabe ojahann lasnirohanta, laho mandok mauliate tu Debata, alai INGKON TARAJUMI do hamoraon, bakat, hahipason, gogo, haluoan na sian Tuhan i, i do ojahan lasnirohanta, jala tama hita mamuji IBANA. Marlas ni roha ma hita ala DeBATA na tahaporseai nungga di ain hita gabe ianakkonna, gabe panean hita di hamuliaon sogot. Marlas niroha ma hita ala asiniroha na so tarasam i dilehon tu hita marhite holong ni rohaNa na so halompoan i. Marlas ni roha ma hita ala ndang adong na boi tapangasahon di adopan ni Tuhan i umbahen na di hahaolongi hita. Sorang pe hita tu portibion ndang adong manang aha na taboan, ala ni molo adong na mamuji dirina mangasahon Tuhan ni ma ibana mamuji ( 1 Kor 1 :31 ; Psalmen 115 :1). Unang ma dipatengahon dirina (Yeremia 9:22/23)

10:18 Ai ndada na tau na pajolohon dirina; na niuji ni Tuhan i, i do. Turpuk on I ma sada kritikan tu guru-guru palsu na sai mamuji dirina ala ni pangulaonna, na mambahen aturan ni hajolmaon gabe penilaian taringot hasintongan ni jolma. Marhite turpuk on diondolhon do tujuan ni ngolunta ndang holan naeng manggulut hasangapon portibion (kehormatan duniawi semata). Godang do jolma mamangke kesempatan, jabatan (0toritas) holan laho mangalului . Tutu mangolu dibagasan daging dope hita alai ndanda marguru marhite hagogoon pardangingon hita mangolu, alai mangasahon gogo na sian Debata do. Sude do hita ingkon marporang mangalo hagogoon ni sumbia ni si bolis, ai tandap do parulaon ni daging(Gal 5 :19-21). Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap, alai marparange ma Ibana marguru tu Tondi, jala ndang mangeahi hasangapon na rumar be ibana.

Sipahusorhusoron :

1.    Dipartingkian nuaeng on taadopi do sada fenomena na masa di tongatonga ni ngolunta na manggoari dirina parbarita nauli jalaujungna sude pangkobasionna ndang Kristus pe gabe dipuji jolma i, gabe parjamita nama dipuji, hadirionna nama natarida. Jala godang do ruas ni huria (kristen) na manghalomohon angka parjamita na marjamita asal ma tabo begeon sipareon, asal ma boi mambahen mengkel, sonang roha ni ruas i (emosional), ujungna nungga tarela be parjamita mamangke metode retorika,  gabe orator nama parjamita, ndang be pasahatahon hata ni Debata (yang bermanfaat utk MENGAJAR, MENYATAKAN KESALAHAN, MEMPERBAIKI KELAKUKAN, MENDIDIK ORANG dalam KEBENARAN : 2 Tim 3 :16)

2.      Taadopi do nueang sada sahit ni hajolmaon i ma sikap egosentris, manguhumi (manghata dongan, paroaroahon dongan, gossip, fitnah, propaganda=mempengaruhi halak na gumodang mengundang reaksi emosional sian rasional, ujungna terjadi ma konflik. Jala pangalaho i do na masa nueng di tongatonga ni bangsonta, humaliangta, nang di tongatonga ni huriape. Ala ni boha do hita mamboan barita nauli tau pauliulihon moral, etika nang spiritual ni ngolunta.

3.      Jotjot do berhasil jolma gabe lupa diri, lupa mandok mauliate, lupa tu angka na mangurupi ibana umbahen na berhasil, gabe dirajumi ma saluhutna ala ni hamaloon, dohot hagoonna sandiri (ditengahon), ndang dirajumi saluhutna ala basa ni Tuhan. Marhite turpuk on dijamothon do hita asa unang madabu tu sikap NARSISME na mangarajumi dirina lebih hebat sian na asing, puji diri, ujungna ndang boi be ibana menghargai halak na asing, ndang dibereng ibana na denggan na binahen ni halak. Lumobi ma molo madabu tu sikap narsisme spiritual, na mangarajumi dirina na na sumintong, pabadiabadiahon, eksklusif, dll. Ala ni halak na porsea i ma halak na sai tongtong mananda diri, sereo marroha, jolma pardosa do hita naung dipintori Debata ndanda ala ni hadirionta, alai holan ala ni asi niroha marhite haporseaonta tu Tuhan i. Antong tapuji ma Debata dibagasan holong, uhum dohot hasintongan ni Debata.