bik, bulan nopember 2012, 26-30 Nopember

Senin 26 Nopember  2012

Sijahaon:

Manogot  Psalmen 134:1-3                                                                  Bodari Johannes 18:25-40

1. Marende BE No. 177:3                       NDADA  TARHATAON

Ø  Jesus do manaoni dosa ni sude

                Nunga digarari  do utangta be

                 Nunga pola mate Tuhan Jesus i

                Paluahon hita sian dosa i.

2. 1 Tessalonika 4:7-8 Ai tu habadiaon do dijou Debata hita, ndada tu hahodaron.Dibahen i, molo hu roha ni halak disi, ndada jolma nileaanna, sandok Debata do, naung mangalehon Tondina na badia i tubagasan hamu

DIJOU DEBATA HITA TU HABADIAON

Hatorangan

Dipartingkian nuaeng nungga lam jotjot tabege ruas ni hurianta na so manjamothon habadiaon ni rumah tanggana. Nungga torop angka naung marsaripe gabe sirang (cerai) ala masa pangalangkupon (perselingkuhan) di pardongansaripeon. Adong do mandok dohot istilah WIL (Wanita idaman lain) dan PIL (Pria idaman lain), ido na mambahen hasesega rumah tangga.

Molo nungga talehon ngolunta laho manghaporseai Tuhan Jesus tontu marasing ma hadirion nang panglahonta sian na so tumanda Ibana hian, lumobi di angka halak na so adong bohalna hian dipangantusion taringot tu ruhut-ruhut ni moral manang ngolu namarhabadiaon. I do na dipaningot Apostel Paulus di turpuk on lumobi halak sipelebegu (na so Jahudi) naung manjalo Tuhan Jesus. Lomobi habadiaon taringot tu parbagason, ndang apala  adong ruhut di halak Yunani na mangaturhon taringot tu habadiaon ni parbagason. Dijamothon Paulus do huria Tessalonik marhite turpuk on asa manghangoluhon ngolu na marhabadiaon. Dipartingkian nuaeng lam godang do angka tantangan namambahen sega moral ni jolma, isarana ala ni pergaulan bebas, narkoba, parjujion, prostutusi, dna, sudena I angka pangalaho na manegai hadirion ni jolma.  Disosohon do marhite turpuk on ia angka naporsea I ma angka naung dipapulik Debata, lapatanna asa marasing ngoluna sian angka na mangulahon hahodaron. Ngolu na marhabadiaon I ma mangolu dibagasan ngolu na hinalomohon ni Debata, gabe pangoloi ma hita di Debata, alai ni ma didok si Paulus “Alai nuaeng, dung malua hamu sian dosa i, dung gabe pangoloi di Debata hamu, adong do parbuemuna tu habadiaon; jala hangoluan na salelenglelengna do hapateanna (rom 6:22)

3. Tangiang Pangondianon

4. Marende No BE.691:4                       HUPASAHAT MA TU JESUS

Ø  Dang huida Tuhan Jesus, hutundalhon dosangki,

              Lohot rohangki tu Jesus, Sipalua tondingki.

              Hupasahat ma tu Jesus saluhutna diringki,

            Hupasahat ma tu Jesus saluhutna ngolungki.

5. TANGIANG ALE AMANAMI

Selasa, 27 Nopember  i 2012

Sijahaon:Manogot, Psalmen 135:1-12                                                                               Bodari Johannes 19:1-11

1. Marende BE No 363:14 Hamu Saluhut Harajaon

Ø  Ho, Debatangku, pujionku Patimbulonku  sai tongtong

Mauliate ma rohangku Di Ho dibaen basaM inon

Hamu sude pe, ale dongan Dok ma mauliate i

Ai ndang he marpansohotan Do denggan ni basaNa i.

2.5 Musa 5:29 Antong ringkoti hamu ma mangulahon, songon na tinonahon ni Jahowa, Debatamuna i tu hamu, unang hamu manimbil tu siamun manang tu hambirang

UNANG HAMU MANIMBIL TU SIAMUN MANANG TU HAMBIRANG

HATORANGAN

Hea do di sada gareja masa hasomalan songon on, andorang bongot tu bagas ni gareja I, sai jumolo do angka ruas I marsinggang martangiang di jolo ni gareja I, topet di inganan na martangiang I dibahen do diginjangna gambar ni Tuhan Jesus, alai adong do muse di jolo ni gareja I dibahen gombar ni sibolis. Dinaso panagaman marminggu ma disada tingki sahalak naso pola hea marminggu (tadok ma goarna si Ogol), alai diida ibana ma angka na masa I, huhut marhusaro dibagasan rohana, boasa holing di inganan gombaran ni Tuhan Jesus jolma I martangiang, hape diida ibana muse adong gombaran ni sibolis, hape ndang adong jolma na marsingang jala martangiang disi. Ndung dapot partingkian nit u ibana, mintor marsinggang ma ibana tu gombaran ni Tuhan Jesus, dungi lao muse ibana marsinggang tu gombaran ni sibolis I, marnida I nungga logang angka jolma I, laoas longang do tong Partor marnidasa, alai dipintu ni gareja I, lason disungkun partor I ma ibana, didok “boasa nangkin huida, laho ho marsinggang tu gombaran na adong Tuhan Jesus I, dungi lao ho muse marsinggang tu gombaran ni sibolis I”, aha do maksudmu ninna partor i. Dungi dialusi si Ogok I ma pastor I, songon on do maksudhu amang,molo ndang ditangihon Tuhanta I tangiangku, atik boha do gabe ditangihon si bolis I tangiangki” ninna tu pastor i. Mambege I gabe marpikir ma Pastor I huhut marhusari rohana. Hamu angka dongan, boi do masa angka pangalaho na marduaroha I dingolunta.

Diturpuk on di ondolhon do ia prinsip ni ngolu na porsea I ma hasatiaon (kesetiaan) I do  ojahan ni angka na mangolu dibagasan Tuhan i. Hauduhon mangulahon lomo niroha ni Tuhan I, I do bukti ni jolma na porsea di Tuhan i. Hasatiaon Tuh Debata Jahowa I do mula ni pasupasu dohot las ni roha. Molo didok “uang hamu manimbil tu siamun manang tu hambirang” namarlapatan doi asa hot bangsoNa I di padannna mangoloi Debata, holan Debata sambing do na patut si sombaon dohot sipujion, ndanda debata sileban. Holan sada do pilihan molo mangolu dibagasan Tuhan I, I ma pilihan porsea tu Ibania manang na ndang, ndang boi marduaroha, porsea tu Debata, jala huhut porsea tu sibolis. Mansai arga situtu do hangoluhononta sikap na setia, unang meoleol, alai tangkas adong komitmen jala konsisten mangulahon hasintongan.

3. Tangiang Pangondinon

4. Marende B.E. No. 11:5    AHA MA ENDEHONONKU

Ø  Sai patogu ma rohangku, pasangaphon goarMi,

            dohot haporseaonku, asa tu gandana i.

            Sai pamasuk ale Tuhan, tondingki tu hangoluan,

            mangendehon sangapMi salelenglelengna i.

5. TANGIANG ALE AMA NAMI

Rabu, 28 Nopember  i 2012

Sijahaon:

Manogot  Psalmen 135:13-21                                                                              Bodari Johannes 19:12-24

1. Marende B.E. No.  202 :1-2                               HUHAHOLONGI HO            

Ø  Huhaholongi ho gogongku Huhaholongi ho tongtong

                Marhitehite pambaenanku Nang sian nasa rohangkon

                Ai Ho do sumondangi au Ro di na mate au

Ø  Huhaholongi ho ngolungku Ai Ho do alealengki

                Sai naeng tongtong Ho pujionku Saleleng au sinondangMi

                Holong mamolin rohangki Di Ho o Jesuski.

2. Hesekiel 12:25 Ai ahu Jahowa sandiri mangkatai, manang hata dia huhatahon, ingkon pasautonku do i, ndang be togangonku, ai di angka arimuna, ho ale bangso panggunturi hatahononku, sada hata jala pasautonku, ninna Tuhan Jahowa

Jahowa Sandiri Mangkatai

HATORANGAN

Molo didok tu sasahalak jolma “holan hata do ho” ninna, berarti nungga ndang tingkos be hadirionna tu na ni dok nai, ndang haposan be ibana, ndang saurdot pe hatana dohot pangulaonna. Dipartingkiaon nungga lam godang angka  “palsu”, israna adong uang palsu, adong barang palsu, adong mutiha palsu, jala pangalaho ni jolma pe godang do penuh dengan kepalsuan (sandiwara, hata gabus, marmanggang), sipata gabe maol antusan dia do hata na sintong. Ai molo dipaingot jolma, tarsongon na risi hatana  boi do ndang tarjalo rohana, alai molo dipanggar jolma gabe ginjang rohana, ujungna ndang diboto gabe naung marsala ibana dietong do sintong saluhutna angka ulaonna. Hape “risirisi hata ni jolma, lamaotlamot hata ni begu”, alai gumodang do hita ndang lasrohanta molo ditegor, dipaingot jolma hita nang pe sasintongna asa lam denggan hita.

                Dipartingkian ni panurirang Hesekiel pe nungga masa pangalaho sisongon ni, ndang lomo roha ni bangso I pe molo dipasingot asa dipauba rohana. Angka hata panurirang pargapgap  (nabi palsu) nama na ditangihon bangso I, ala dihatahon do hatahata na mambahen las roha ni bangso I, ai dihatahon do na so adong uhum ala ni dosa, ujungna gabe tarlalap ma bangso I dibagasan dosa. Alai marhite turpuk on dipaandar si Hesekiel do na ro ma tingkina, Debata sandiri do na bertindak tu bangso I, ndang dipasombu Debata bangsoNai lalap dibagasan hadosaonna. Molo didok “Jahowa sandiri manghatai” lapatanna, parjolo ndang dihalomohon Debata angka panurirang pargapgap na “maniganigahon hataNa”, ai nungga dibahen angka nabi-nabi palsu be jamitana gabe dalan laho paburnangburnang diriNa, ai ndang tingkos be hata ni Debata di hatahon, ai nungga hatana sandiri. Paduaho, debata ingkon bertiandak mandabu uhum tu angka na mangulahon dosa (panggunturi), ai dosa I mamboan jala mambahen hagunturon do. Ndang adong na boi mangambati sangkap ni Debata, ndang adong na boi manghuphupi angka dosana, saluhutna do ingkon patar uhum ni Debata di angka na mangalaosi patikNa. Disosohon turpuk on do tu hita asa tangi hita di hata ni Debata, asa hata ni Debata do dihalomohon dohot dihalungunhon rohanta, ndanda “suara ni portibion” antong tahangoluhon ma hata ni Debata “Hatami do sulusulu ni pathu jala hatiuron di dalanku (Psalmen 119:105), Amen

4. Marende No 481:1                             GODANG DOPE

Ø  Godang dope siguruhononMi, Asa tu dos ho dohot Tuhanmi

               Sai tong na hurang hatigoranmi. So tuk do pe haporseaonmi.

               Dirim sambing dihaholongi ho. Donganmu laos dihalupahon.

5. TANGIANG ALE AMANAMI

Kamis, 29 Nopember  i 2012

Sijahaon:

Manogot  Psalmen 136:1-26                                                                                Bodari    Johannes 19:38-20:9

1. Marende B.E No. 303:6   JAHOWA, TUHANKI 

Ø  Sai pasupasu ma  Sude  pambahenanku

                O Tuhan Debata nang nasa pingkiranku

                Sai naeng marsangap Ho Dibaen hatangku pe

                Paboa di Ho Do gogongki sude.

2. 1 Korint 10:13 Holan pangunjunan na patut di jolma do naung mangonai tu hamu. Haposan do Debata, ndang loasonna hamu unjunan lobi sian gogomuna; Ibana na parohon pangunjunan i, laos Ibana do mambahen hapateanna, asa tartaon hamu

Ndang Loasonna hamu Unjunan

Adong dua horong na taida sian latarbelakng ni turpuk on, parjolo: i ma horong halak na optimis (Percaya Diri), jala ndang parduli tu angka halak na gale (ay 12), jala horong na paduahon i ma, horong ni halak na bersikap pesimis, na sai mangarajumi hinaborat ni parungkilon siadopan nasida songon halak Kristen,ala ni ma didirajumi do ndang marggo nasida mangadopi pangunjunan na ro tu ngoluna. Disituasi na duaa sikap i ma Apostel Paulus mangalehon alus tu Huria ni Tuhanta, asa anggiat margogo huria i mangadopi ragam ni angka hamaolon, lumobi ma angka jolma na sae marungkil mangadopi hamaolon di ngoluna. Marhite turpuk on tangkas do ditanda Debata hadirion ni jolma, diboto Debata do kemampuan ni jolma i, ndang mugkin dipasombu Debata jolma i manuhuk boban na so si tuhuhonna. Molo r ope pengunjunan i, sasintongna na ummaraga ndanda holan na ringkot boi malua sian pangujunan i, manang manjalo hagogoon sian Tuhan i asa margogo mangadopi parungkilo i tu ari nanaeng ro, alai na ummaraga i ma boha do hita margogo mangadopi panjunan i saonari dohot tu angka ariari na neng ro (Heber 2 :18). Mansai arga do turpuk on mangalehon apulapul dohot lasniroha tu hita molo taadopi paringkilon, naeng ma tongtogn hita marsigantung tu Tuhan na sai tongtong mangaramoti hita.

HATORANGAN

3. Tangiang Pangondianon

4. Marende B.E No. 248:4-5  SALELENG HO DI TANO ON 

Ø  Bolongkon sian rohami Luhut na so ture

                 Alai na sian Tuhan i Ramoti ma sude.

Ø  Sai tiru Tuhan Jesus i Naung ro humophop ho

                Pambaenna nang hataNa i Hangoluanmu do.

5. TANGIANG ALE AMANAMI

Jumat, 30 Nopember  2012

Sijahaon:

Manogot: Psalmen 137:1-9                                                                 Bodari: Johannes 19:38-20:9

1. Marende B.E. No. No.186:1   TONGTONG TUTU NA DENGGAN DO

Ø  Jahowa do haposanki Na mangapoi rohangku

                Na patiurhon dalanki Bulus dibaen langkangku

                Sonang tongtong Rohangkinon Binaen ni Debatangku PatikNa do lomongku

2. 2 Timotius 4:18 Roroon ni Tuhan i do ahu sian nasa ulaon hajahaton, jala paluaonna do ahu tubagasan harajaonna na di banua ginjang i. Di Ibana ma hasangapon ro di salelenglelengna! Ame

Paluaonna do ahu tubagasan harajaonna

Hatorangan

                Panindangion Apostel Paulus do turpuk ditingki mangadopi pengadilan sian pamarenta Romawi Ibana, atik be nungga talpe ibana tu hamatean ala ni haputusan panggomgomi Romawi, alai sai tong do ibana marposniroha tu Debata. Ndang dihabiari ibana hamatea i, ala tangkas do dihaporseai ibana ndang sadia sitaonon na niadopanna diportibion martimbanghon hasangapoin sipapataron Debata tu angka na porsea. Tangkas do haporseaon dohot pangkirimon ni si Paulus tu Tuhan i, diparhatopon Ibana do mangasahon asiniroha ni Debata paluaon ni Tuhan i do ibana, jala dipatau ibana bongot tu harajaon banuaginjang i. Marhite turpuk on diajari do hita asa tongtong marposniroha tu Debata, atik pe sipata maol dalan sidalananta, jala sipata talpe hita tu parmaraan. Disude angka ulaonta, ingkon saluhutna doi tau pasangaphon Debata, asa margogo hita mangula ulaonta hombar tu lomo niroha ni Tuhan i.

3. Tangiang Pangondianon

4. Marende B.E. No. 164:4  O TUHAN JESUS HO RAJANGKU                 

Ø  Sai lehon ma tu tondinami TondiM na sun badia  i

                Ibana mangajari  hami Mangaradoti  patikMi

                 Parbadiai ma hami be Marhitehite mudarMi

5. TANGIANG ALE AMANAMI

SERMON JAMITA, JAKOBUS 1:16-17

BAHAN SERMON JAMITA TU MINGGU XIII DUNG TRINITATIS, 2 SEPTEMBER 2012

JAKOBUS 1:16-27

GABE PANANGINANGI DOHOT SIULAHON HATA NI TUHAN I

1.       Konsisten: Saurdot do hadirion dohot pambahenan ni Debata, ndang hea ro sian Debata angka na roa, alai holan na denggan do. Jotjot do sala hita mangalapati angka na masa di ngolunta. Isarana molo madabu jolma tubagasan pangunjunan ndang sian Debata ro pangunjunan I (ay 18), alai sian roha ni jolma I do na mangoloi hisap ni rohana gabe madabu ibana tu pangunjunan. Sian si bolis jala ibana do na patupahon pangunjunan tu jolma, atik pe diboto jala “diloas” Debata jolma I unjunan ni si bolis. Marhite turpuk on dipaandar do tu hita, ia Debata tongtong do “konsisten” na so olo muba do hadirionNa, Debata parholong niroha do Ibana, sian Ibana do saluhut angka na denggan, nasa ulibasa na mauliutus. Godang angka na denggan, nasa ulibasa na maulitus na dipasahat Debata tu hita, jala saluhutna angka na denggan I patubuhon lasnirohanta na so boi dilehon portibion, lumobi ma nasa ulibasa na mauliutus, ima silehonlehon ni Debata na so tama, jala naso talup hita manjalo alai diloas Debata hita manjalo. Di ngoluon ndang habilangan hita nadenggan natajalo sian Debata, ndang na ala ni hagogoonta umbahen di lehon Debata tu hita nasa uli basa namauliutus alai holan ala ni asi ni rohaNa sambing do. Dilehon do tu hita ngolu, gogo, roha, tingki parasian dohot ragam ni angka pasupasu pardagingon dohot partondion. Marhite pambahenan ni Debata, gabe tarsunggulma tu rohanta jotjot do hita marhahurangan di ngolunta, isarana molo tapatupa angka ulaon na denggan, hape ndang tulus, jala bulus hita mangulahon I, ai sipata gumodang do manuntut hita sian na tapasahat i, martingki do hita mangulahon na denggan, jotjot do hita ndang konsisten di hata dohot pambahenan. Boi do muba hatanta nang pambahenanta saonari dohot  tu ari marsogot.

2.     Dipaingot do marhite turpuk on sikap na denggan di halak naporsea I ma:

v  Manangihon: Ganup jolma, girgir ma ibana mananginangi, bangkol ma ibana mangkatai, lapatanna ingkon gumodang do jolma i mangangihon sian na manghatai, ndang mandok ndang ringkot mangkatai. Molo girgir manangnangi ingotonta ma pandohan“Diam itu adalah emas” unang “masuk kiri keluar kanan, masuk kiri keluar kiri”, alai gabe manangihon secara empaty (=mendengar dengan utuh) Molo didok bangkol mangkatai, lapatanna ingkon jamot do jolma manghatahon hatana, unang “asbun”(asal bunyi) unang holan manihasi (holan mengkritik), unang holan hata bura ro sian pamanganna,Paulus mandok “Sai tong ma lambok hatamuna, songon na siniraan, asa botoonmuna alus na patut tu ganup jolma (Kol 4:6).

v  Kecerdasan emosional:Unang parmuruk, Memang marasing do hadirion (sifat-sikap) ni sasahalak jolma, adong do bangko ni jolma mura muruk (darting), adong do ala na binahen, jala ganup do jolma boi muruk. Bangkol ma tarrimas, lapatanna unang muramura muruk, ai manang aha pe ulaon molo mardongan muruk do pasti ndang denggan ujungna, ndang na mandok ndang boi muruk,alai molo muruk ingkon muruk holongma, ai Debata sandiri pe tarimas do tu bangsoNa marhite holongNa. Sasintongna sian segi medis molo muruk hita gumodang do hita rugi ndanda halak na asing, ai godang do jolma ala so boi di kontrol emosi ujungna gabe sahat tu S3 (stres,stroke-Stop)

v  Transformasi: Mambolongkon nasa na roa dohot hajahaton, I do hataridaan ni angka naung paubahon roha, I do “huria” namangolu dibagasan ngolu naimbaru, holan angka na denggan do siboanon tu parsaoran dibagasan Tuhan I ai marhite na rade mambolongkon na roa, marhite I do jolma boi pasahathon ngoluna hibul tu Debata. Ingkon dibagasan lambok ni roha do jolma manjalo hata ni Debata, asa suan jala mangolu hata ni Tuhan I dibagasan roha, ai margogo do hata ni Tuhan I laho paluahon tondinta.

v  Unang holan hata (NATO:No action talk only), alai manangihon dohot mangulahon hata ni Debata, Hakristenan ndanda holan “agama” alai dohot do “tindakan”(aksi), ndanda holan pananginangi di hata I, alai ingkon mangihut do pangulaon dohot pambahenan (Jak 2:17). Somalna molo molo holan manangihon jolma, mura do lupa, alai molo ditangihon jala di ulahon mintor maol do lupa.

v  Religius:Ngolu hadaulaton (Ibadah)[1] ingkon saurdot tu pangulaon, pangalaho, pangkataion siganup ari, ngolu na marhadaulaton lambas do na hinanghamna, alai adong do tong secara khusus. Hadaulaton na ias jala na so marlindang I ma patupahon ulaon parasi ni rohaon, I do hataridaan huria na mangolu, huria na ber-diakonia (mangurupi angka na mabalu, na so marama, so marina), laos dohot ma manjamothon diri asa unang “terjerumus” tu ulaon hajahaton dohot haholomon. Paulus mandok “Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan” (Rom 12:2).

BAHAN SERMON JAMITA PARTANGIANGAN

5       Musa 4:1-2, 6-9

HAUNDUHON TU HATA NI DEBATA

Haunduhon tu hata ni Debata tarida ma sian sikap:

1.       Mendengar dengan empaty: Lapatanna manangihon sian saluhut roha (totalitas), ndang boi mardua roha, I do sikap laho manangihon aturan dohot uhum ni Debata, marlapatan do I asa mangolu bangsoNa dibagasan haunduhon/ketaatan(komitmen dan konsistensi) tu Ibana, I do konsekuensi ngolu na dibagasan “perjanjian” maradophon Debata.  I do joujou na mansai arga situtu sian Debata tu bangsoNa Israel (Ibr:Syema Israel). Debata sitompa saluhut do Debata ni Israel (montheisme), Dibagasan prinsip theokrasi (pemerintahan Allah), Holan aturan dohot uhum na sian Debata do na berfungsi mamboan ngolu na denggan,jala saluhut angka nilai-nilai moral, etika, ingkon marsorminan tu aturan dohot uhum ni Debata.  Ala ni ma ringkot sikap manangihon aturan ni Debata jala mangulahonsa, I do respon tu haluoan na sian Debata, I do mual ni lasniroha. Nian sian ngolunta pe tarida do gombaran ni I, ai dua do dilehon Debata sipareon laho manangihon, jala sada do simanghudap, lapatanna asa gumodang do hita managihon sian na manghatai. Molo girgir hita mananginangi gabe botoonta ma  mandok sidohonon na patut maradophon dongan, asa unang holan mangkatai hita jala ndang adong be kesempatan laho manangihon hata ni dongan. Didok Tuhan Jesus do “Angka hadengganon do dirungkari halak na denggan roha sian pangkal na denggan na di bagasan rohana, jala na jahat do dirungkari halak na jahat roha sian na jat na pineopna hian. Ai ia i na manggohi roha, matua i do dihatahon pamangan (Luk 6:45). Sian pangkataion dohot aha na ni dok ni jolma boi do botooan hadirionna. Boi sega parsaoran marhite “hata”, sega hadirionta (Yak 3:6), boi do tersinggung dongan molo sai tadok hata na mambahen sogo ni roha ni dongan, I do umbahen didok umpama Batak “Ni arit lili bahen bambaba, jolo nidilat bibir asa nidok hata” lapatanna jolo denggan do pingkiran hataniba, ipe asa nidok. Didok di Poda  “Manang ise na mamompomi pamanganna, i do na mangaramoti hosana, alai manang ise na pangangang bibirna, hamagoan do ujungna (Poda 13:3), ala ni ringkot ma hatanta “hata na pangoluhon” unang “hata na pamatehon”. Hata ni Debata do hata na pangoluhon asa mangolu hita; marlapatan do aturan dohot uhum I gabe siparorot, laho manjamothon asa unang marmara bangsoNa i, asa mangolu bangsoNa I dibagasan ruhutruhut na denggan

2.      Konsisten: Ndang ambaan jala ndang jadi oruon: ndang pola dipangido Debata persetujuan sian bangsoNa i taringot tu aturan dohot uhumNa, molo adong naeng manambai dohot mangorui nungnga hira naeng mangganti posisi ni Debata hita disi.

3.      Komitmen: Ingkon radotan do tona ni Jahowa. Ingkon adong do aturan dohot uhum asa boi jolma i mangolu dohot denggan (harmoni). Dilehon Debata do kebebasan di jolmai, alai ndada kebebasan na so adong aturanna. Ido hataridaan ni jolma na mar-Agama, dohot mar-Tuhan ingkon bersifat mangaradoti jala mamboan hadamean tu portibion, I do parbue ni hapistaran dohot hapantason. Ramoti dirim jala parhamaol tondim: Sahit ni jolma sai jotjot do lupa,isarana lupa marningot na denggan, lupa mandok mauliate, lupa mangulahon tona dohot uhum. Sasintongna godang do angka parsiajaran naingkon siputihan ni jolma sian pengalaman di ngoluna, laos songon I do pengalaman ni bangso Israel disejarah ni haluaon nasida sian tano misir, pengalaman di parhorsihan (=hira songon Sekolah padang Gurun). Didok angka na pistar do “pengalaman adalah guru yang terbaik” hombar tusi ma ampit umpasa Batak na mandok “mata guru roha sisean”, ndang diida mata alai diida roha. Sian pengalaman I do tubu panindangion, laos patubuhon “haporseaon”.

4.      Tanggungjawab edukatif: Mangajarhon hata ni Debata tu sundut naumposo (Didaskein[3],katekisasi[4] dna) I do sada tugas pokok ni angka natuatua. Dimulana pangajarion  taringot tu pambahenan ni Debata i ma  tanggungjawab ni natoras (bnd 5 Musa 6:20-25), disi ma tarida fungsi ni natoras gabe songon ”malim” di tongatonga ni keluarga. Ingkon tangkas do natoras  pabotohon (mengajarkan)  tu angka ianakkonna taringot tu pambahenan ni Debata  (Psalmen 78:3-7). Boha do nuaeng peran ni natoras di tongatonga ni keluarga laho mangajarhon hata ni Debata? Adong dope tingki di hita rap dohot keluarga rap martangiang? Rap manjaha hata ni Debata?

---

[1] Kata ibadah (threskos) berarti "terbiasa melakukan kegiatan keagamaan." Di dalam konteks ini yang dimaksudkan ialah kehadiran pada kebaktian dan acara rohani lainnya, seperti doa, kegiatan beramal dan berpuasa. Orang yang sangat teliti melakukan semua ini tetapi di dalam kehidupan sehari-harinya tidak dapat mengendalikan ucapannya menipu dirinya sendiri dan agama semu.

[2]

[3] Didasken: Menyampaikan pengetahuan dengan maksud su-paya orang yang diajar itu  bertindak terampil (Mat. 4:23; 26:25; 1Tim. 4:11, dst)

[4] Katekein: Memberitakan, memberitahukan, mengajar dan memberi pengajaran (Luk.1:24; Kis. 21:21, 24; Rm.2:17-18)

JAMITA TU MINGGU, 26 AGUSTUS 2012,Psalmen 34:15-22

JAMITA TU MINGGU, 26 AGUSTUS 2012

DIPALUA DEBATA DO HITA SIAN HAGOGOTAN MOLO TAJOU GOARNA

 Psalmen 34:15-22

1.        Sumurut sian hajahaton marlapatan do I asa mulak jolma I tu hadirionna, padaohon dirina sian na maralo tu lomoniroha ni Tuhan I, dohot na maralo tu ruhutruhut ni ngolu hajolmaon (nilai-nilai kemanusiaan). Disosohon do marhite turpuk asa mangolu jolma I marhite na mangulahon ulaon na denggan[1] maradophon dongan jolma. Mangulahon na denggan I do hataridaan ni angka na porsea Tu Debata, I do respons (sikap) naung manjalo asiniroha ni Debata, I do parbue ni jolma naung paubahon rohana, jala maninggalhon angka  dosa. Aha do ulaoan na denggan? Tontu angka ulaon na dihalomohon ni Debata (Mar 10:18), mangulahon patikNa, manghaholongi dongan jolma (Gal 6:9), solider (Ul Ap 2:44-45), ai angka I do na patubuhon hasonangan (perdamaian), jala I do sipareahan. Holan I tutu laho mangulahon saluhutna I ndanda ulaon na mura, ai pasti do godang tantangan lumobi sian angka jolma na jat.

2.      Dihatindanghon par Psalmen  do ia Debata tongtong marpanatap,lapatanna jonok do Debata, diboto Ibana do saluhutna angka na masa, sai hot do pangaramotion ni Debata di angka na porsea i. Jala molo ditatap Debata angka partigor, I ma patuduhon keberpihakan ni Debata, jala sebalikna mardalan do uhum ni Debata tu angka parjahat ala ni hajahatonna. Sada pos ni roha laho mangulahon saluhut na I, I ma sai manatap do mata ni Jahowa tu angka partigor, lapatanna saluhut jolma na burju, na benget manaon ala ni hatigoran sai tontong do digoluna di ramoti Debata, on ma pos niroha ni angka na porsea, ndang pola ganggurohana jala mabiar laho mangulahon na denggan i. Disosohon par Psalmen do diturpuk asa tangkas dihangoluhon angka naporsea I pandonganion dohot pangaramotion ni Debata, jala ingkon pos rohana sai na dilinggomi Debata do angka na porsea I marhite huasoNa. Dibagasan posniroha tu Debata I ma angka naporsea I naeng tongtong pasahathon tangiangana tu Debata, ai tongtong do Ibana manangihon angukangguk ni jolma partigor.

3.      Diramoti jala ditangihon Debata do tangiang ni partigor. Ditangihon Ibana do anggukangguk ni angka partigor, lapatanna dipalua Debata do nasida sian hagogotan (Psalmen 50:15). Didok di Jakobus”margogo situtu do tangiang ni angka partigor molo dihaburjuhon (Jak 5:16b), ala memang donok do Debata di angka na porsea, ndang hea Debata mandao sian jolma, ai nungga tangkas dipajonok Debata dirina marhite Tuhan Jesus ala ni ma ringkot hita pajonokhon diri tu Ibana marhite ngoluna na denggan jala tigor (Jak 4:8).  Sai manatap do mata ni Jahowa tu angka partigor, pandohan ni mangondolhon taringot tu pangaramotion ni Debata. Dihatindanghon par Psalmen do diturpuk on jumpang do ngolu hasonangan di halak na mangulahon na denggan, atik pe jumpang angka hamaolon, sitaonon di angka na mangulahon na denggan I, alai marhite I ma gabe diuji, jala naeng ma marsihohot manghaposi Tuhan I, jala holan tu Ibana do hita mangalualu, ala ditangihon Debata do angukangguk ni partigor, donok do jahowa di angka na bojok roha, Ibana do paluahon, jala Ibana do mangaramoti.  Haporseaon dohot pangkirimon si songon I ma naeng tangkas ta hangoluhon.

4.      Ndang hea dihalomohon Debata hajahaton dohot hageduhon, jala marbiasbias do roha ni Debata tu angka siula hageduhon (5 Musa 25:16; Poda 3:23; 15:8,9,26,dna), jala hona uhum ni Debata do angka siula hajahaton dohot hageduhon (=ido pengalaman ni bangso Israel). Sasintongna ndang adong laba ni na mangulahon hageduhon dohot hajahaton, ai tu hamteaan do jambar ni I (Rom  6:23). Ndang jumpang hasonangan ni roha di angka siula hajahaton, jala laos boi do ta hilala pangontakna di ngolunta, molo taulahon na so denggan sai humasusa do ngolunta, sai busisaon do hita. Ala ni disungguli turpuk on do ngolunta asa taulahon ma ulaon na denggan, molo marungkil pe hita ala ni ulaon na denggan I, tapasahat ma saluhutna I tu Debata, asa margogo hita, asa benget rohanta mangadopi parungkilon i. Ai si Paulus sandiri dihatindanghon do ndang tarsirang ngoluna sian ragam ni parungkilon (Ef 6:20), ala ni tapangke ma lombulombu ni haporseaon I, molo Debata donganta ise ma alonta? (Rom 8:31).

5.      Antong Lului hamu ma na denggan asa mangolu hamu (Amos 5:14), jala pos ma rohanta diramoti Debata do hita jala ditangihon do tangiangta. 

BAHAN SERMON JAMITA PARTANGIANGAN

EPESUS 6:10-20

PANGKE MA LOMBULOMBU HAPORSEAON I

1.       Dipaandar do marhite turpuk on ia ngolu on I ma PERJUANGAN, ngolu na gok angka tantangan, parungkilon, alai disaluhutna ditogihon do ngolunta tu sada posniroha tu Tuhan I na sai tongtong mangaramoti angka na porsea i. Laho mangadopi angka hamaolon I dilumbahon do asa tapangke ma lombulombu haporseaon i:

-         Marsipatu mangharinggashon barita na uli, lapatanna tarjou do saluhut halak na porsea di Tuhan Jesus ditangungjawab laho pararathon barita nauli (Marturia)

-         Manjalo lombulombu haporseaon, ndang mungkin margogo jolma marbarita nauli molo so adong haporseaonna tu Debata, ai haporseaon I do dasorta laho manghatahon hata ni Debata, haporseaon ni do mambahen hita marhiras ni roha, mambahen hita mangolu jala margogo. Boha ma hita porsea tu Debata molo so rade hita manangihon hata ni Debata, I do umbahe didok si Paulus “Asa sian na tumangihon do ro haporseaon; ia panangihon i, sian hata ni Kristus do” (Rom 10:17)

-         Tahuluk haluaon, Molo maporang na jolo tentara Romawi ingkon dipangke do tahuluk na ditopa sian bosi manang tobi baja (helm) pertahanan, laos songon ni ma gombaran ni ngolunta, nungga dilehon Debata tu hita tahuluk haluaon I,  i ma Jesus Tuhantai, I do dasor lasnirohanta, I do dasor ni barita nauli, halak naung manjalo haluaon na sian Tuhan I tarjou laho paboahon ni tu saluhut na tinompa ni Debata.

-         Podang ni tondi, na marporang do hita di portibion mangalaho hagogon ni si bolis, ala ni ma ringkot pangkeonta podang ni tondi; I ma hata ni Debata, ai Hata ni Debata do SULUSULU, dohot TUNGKOT (Psalmen 119:105), hata ni Debata do gabe sinjata laho manjamothon ngolunta asa unang manimbil sian lomo ni roha ni Debata, I do umbahen didok di BE 25:1 “ Hatami ale Tuhanku, arta na umarga I, sai paian di rohangku unang so hutiop i. Molo so be sitiopan Hata na badia I, Aha nama haojahan ni haporseaon i.

-         Martangiang; mangido tu Tuhan I berarti membangun komunikasi tu Ibana, (Mat 7:7), jaminanna pasti di tangihon Tuhan i. Tarida do lapatan ni tangiang i patuduhon Ngolunta marsigantung tu Debata. Sikap laho martangiang tu Debata ingkon mardongan elekelek di bagasan tondi, lapatanna mangido dibagasan toruk ni roha, ndang mangasahon hadirion dohot hatauonta alai mangasahon asi ni roha ni Tuhan I do, prinsip na martangiang I ndang martingk(ala ni ringkotna), alai manontong (dungo jala jugul), I do umbahen  didok “Doa adalah napas kehidupan” (Hosa hangoluan), saurdot tusi do lapatan ni “ora et labora (Martangiang huhut mangula). Molo martangiang hita ndang hola na ringkot di dirinta sipangidoon, alai dohot do manangiangkon angka dongan sahaporseaon, dison idaonta ma fungsi  manang lapatan ni tangiang I laho pangoluhon hubungan secara Vertikal (relasi spiritual) dohot horizontal (relasi social), lao I do parbue ni holong i

---

[1] Ibr, tov:menyenangkan, menggembirakan, memberi kebahagiaan atau kepuasan yg mendampakkan kepuasan estetika atau moral. moral. Dalam kata Yunani disebut agathos, biasa untuk menerangkan gagasan yg ‘baik’ sebagai kualitas jasmani atau moral.