KHOTBAH, EPISTEL: JAKOBUS 5:7-11

MARBENGET NI ROHA MANGADOPI SITAONON

(Yakobus 5:7-11)

           

Molo tajaha turpuk bindu 7:7-11, secara khusus do Jakobus patoguhon angka halak na pogos na hona tindas binahen ni angka na mora na so kristen (1-6), na papunguhon arta na laho salpu (1-3a) jala ngolu nasida ngolu na laho salpu (3b) jala madabu ma nasida tu uhum (ay 5). Hombar tu situasi na maol na tianon angka na pogos i ma ditogihon nasida marhite turpuk on:

a.      Asa marbenget ni roha mangkirim sahat ro di ujungna (7-8)

b.      Unang marungutungtu (9)

c.       Asa tong tiruan dibagasan sitaonon (10-11)

a.      : Asa marbenget ni roha mangkirim sahat ro di ujungna (7-8)

Sikap ni halak na porsea molo mangadopi haporsuhan i ma asa marbenget ni roha(makroqumew). Pola do mansai di ondolhon di ayat 7-8 asa marhabengeton molo molo jumpang angka hamaolon (Heb 6:15), ala maol do angka na pogos mangalo hagooon ni angka na mora (ay 6), ala ni ringkot do maniru habengeton ni parhauma (Petani) na paimaimahon haroro ni udan, ala ni ma halak na porsea ingkon marhabengeton sahat di haroro (parousia) ni Tuhan i. Di PB dipangke do hata parousia martudutudu tu haroro ni sahalak na maniop huaso,isara ni raja/kaisar (1Kor 16:17; 2Kor 7:6-7) Orang percaya harus bersabar sampai kedatangan Tuhan, karena kedatangan-Nya untuk menghukum orang fasik (Mat 24:37, 39; 2Tes 2:2, 8) dan memuliakan orang benar (1Kor 15:23-25; 1Tes 2:19; 3:13; 4:15; 5:23). Tudosan asa maniru parhauma didok do di ayat 7 dohot dua sikap na mansai arga i ma: dipaimaima“menanti” (ekdecomai).  dohot dihabengethon/ “bersabar” (makroqumwn), pandohani tong do martudutudu asa benget paimaimahon sahat ro di hasil ni parbue ni tano i“terus-menerus menanti hasil yang berharga dari tanahnya dengan cara terus-menerus bersabar”. Habengton ni parhauma sahat di parro ni udan tu tanoi, martudutudu doi tu dua musim (musim gugur dan hujan musim semi). Molo konteks Palestina, parro ni udan na parjolo i ma di bulan Okt-Nop (dung mananom boni) dungi udan na parpudi bulan April-Mei (tingki manggotil). Istilah Udan di PL martudutudu doi tu ASi ni roha ni Debata ((5 Musa 11:14; Yer 5:24; Hos 6:3; Yoel 2:23; Zak 10:1), jadi sian pandohan i habengton na dimaksud i ma habengton na polin marsigantung tu Debata, ai udan do na boi mambahen marhasil hasil hauma, jala Debata do na mangalehon i/mambahen i. Ala ni halak na porsea ingkon do mangasahaon Debata, ai ndang mampu jolmai mangatur dohot mambahen udan, ala ni ma ngolu jolma ingkon marsigantung tu Debata do, ndanda boi jolma i mangasahon hadirionna. Asing ni ngolu na marhabenegton didok do muse asa ‘togu roha’/kuat secara rohani, ndanda holan sekedar emosi/perasaan sambing(Luk 22:32; Rom 1:11; 16:25; 1Tes 3:2; 2Tes 2:17; 3:3; 1Pet 5:10; 2Pet 1:12; Why 3:2), ala nungga lam jonok ari ni Tuhan i.

b.     Unang sai marhoihoi/mengeluh-menggerutu dohot manguhumi(9)

Sikap na mangihut didok asa unang sai marhoi jala manguhumi dongan, manat mamangke dila unang gabe manguhumi (3:1-12), masipahatahataan (4:11-12). Haroro ni Tuhan i ma gabe sada sipaingot di halak na porsea, na ro do Ibana manguhumi.

c.       Asa tong tiruan dibagasan sitaonon (10-11). Didok do asa margogo hita maniru tiruan songon angka panurirang na margogo manaon sitaonon. Didok Taparhatua do angka naung marhabengeton, lapatanna martua do halak na manaon di pangunjunan, sitaonon ala ni hasintongan, di patudos soi songon ngolu ni si Job, memang diturpuk boi doi martudutudu pasupasu na marlipat ganda (Songon si Job 42:12). alai lumobi mai martudutu tu hatuaon berkat tu angka naporsea di haroro ni Tuhan i.

Sipahusohusoron

Proses do ngolu on, jala dinamis, marhite i ma ingkon tongtong hita proaktif, unang reaktif molo jumpAng angka hamaolon, molo masa angka na maol dibagasan ngolunta. Ditingki na parpudion adong sahit ni jolma “maol do hita marhabengeton” sude ingkon serba “instant’, naeng hatop mamora, naeng hatop berhasil usaha, ndang sabar hita melewati tahap demi tahap dibagasan ngolunta, sikap si songon ni do jotjot mambahen hita mura putus asa, mura mandele, dna.

Boi do godang angka hamaolon, haporsuhon, penindasan, ta adopi dibagasan ngolunta alai diarahon turpuk on do hita 3 hal sihangoluhononhon:

1.       Unang sumurut di ulaon ni Tuhan i sahat ro di ujungna, ngolu na marpangulaon i do hataridaan ni angka na porsea, mangulahon na denggan maradophon angka dongan, ndanda mangrasahi angka dongan.

2.      Marbenget ni roha ma hita mangkirim, lapatannna porlu adong sikap untuk belajar “bersabar” baik secara emosional lumobi ma secara spiritual, lapatanna tongtong adong pos ni roha tu Tuhan i, na sae tongtong mangalehon “udan” tu tano, namarlapatan sai tongtong do Ibana mangalehon pasupasuna di angka na porsea

3.      Sai tongtong ma tapauliuli pasaoran na uli na denggan: Unang mura hita marungutungut, Unang adong na manguhumi donganna, alai gabe tiruan ma hita di pangkataion dohot disitaonon.