BIK , 26-31 OKTOBER 2012

Jumat 26 Oktober 2012

Sijahaon:

Manogot  2 Samuel 18:1-30                                                                 Johannes 10:1-10

1. Marende BE. 467: 1                           Asi ni rohaM hupuji.

Ø  Asi ni rohaM hupu ji ala Ho manobus au. Di paIas Ho rohangku, ga-be soranganMu Au. IngananMu rohanami. TondiMi manggohi i. Pangke dohot ngolunami gabe ulaulaMi.

2.Titus  2:11 Ai nunga tarida asi ni roha ni Debata, sibahen haluaon ni saluhut jolma

NUNGGA TARIDA ASI NIROHA NI DEBATA

Disada tingki di sungkun sahalak pandita ma ruas na, didokma “ diboto ho do lapatani asi ni roha ni Debata ?dung i di alusi ruas I ma, ndang huboto lapatanna amang?Dung i ro ma pandita I mandok, asi ni roha ni Debata, I ma Debata marasiniroha tu angka pardosa na mangalehon hasesaan ni dosa dohot ngolu na imbaru tu angka na porsea dibagasan Jesus Kristus.  Silehonlehon ni Debata sambing do I sopola mangasahon hadirion ni jolma, silehonlehon na so patut tu jolma I alai marhite asi ni roha ni Debata gabe dipatau jolma i manjalo basabasa ni Tuhan i. Sasintongna ndang talup jolma I manjalo ala ni dosana, alai gabe ala asi niroha ni Tuhan I gabe di patau jolma i. Pandohan asi ni roha ni Debata I do dasor ni ngolunta di adopan ni Tuhan i. Mangasahon asi ni roha ni Tuhan ni do marhite haporseaon gabe di patau hita manjalaho tohap haluaon i. Nungga patar jala tarida asi ni roha ni Tuhan i marhitehite panghophopon ni Tuhan Jesus Kristus naung mamboan haluaon tu saluhut na tinompa (Keselamatan universal). Dilehon Debata do asi ni rohana tu saluhut jolma, silehonlehon sambing doi, ndanda mangasahon hadirionta, alai marhite haporseaon di Tuhan ni do naung patupahon haluaon tu hita. Ala ni nungga tarida asi ni roha ni Tuhan I di ngolunta, marhite I dohononta ma ndang adong jolma na boi mangasahon hadirion, ala ni pangulaonna umbahen na malua ibana, jala dibagasan hagaleonta na gok dosa i gabe dipatau do hita manjalo haluaon na sian Tuhan i. Antong tangkas ma ingotonta “ Ai dohot do Kristus mate sahali ala ni angka dosa, na tigor i humongkop angka pargeduk, asa ditogihon hita tu Debata; na tarbunu do ia dagingna, alai dipangolu do anggo tondina (1 Pet 3:18). AMen

3. Tangiang Pangondianon

4. Marende B.E. No.140:4   GIRGIR MA HAMU 

Ø  Asi ma rohaM Ale Debata Pasaut ma hataM Tumpahi  nama

     Sude na niula Ni naposoM Sai baen ma martua Sude jolma pe.

5. TANGIANG ALE AMANAMI

Sabtu, 27 Oktober i 2012

Sijahaon:

Ulaon 8:14-25                                                                                                        Andung 5:19-22

1. Marende BE No 363:14 Hamu Saluhut Harajaon

Ø  Ho, Debatangku, pujionku Patimbulonku  sai tongtong

Mauliate ma rohangku Di Ho dibaen basaM inon

Hamu sude pe, ale dongan Dok ma mauliate i

Ai ndang he marpansohotan Do denggan ni basaNa i.

2. Jeremia 17:13 Ale Jahowa, ho do pangkirimon ni Israel! Saluhut angka na tumadingkon ho gabe tarurak; angka na marbalik sian ahu, ingkon tarsurat goarna tu tano, ala * tinadingkonnasida mual ni aek hangoluan, i ma Jahowa

JAHOWA DO AEK HANGOLUAN

HATORANGAN

Adong dua hal naeng taida sian turpuk on, parjolo pangkirimon ni angka na porsea tu Debata. Sasintongna ndang tarsirang haporseaon dohot pangkirimon. Halak na marpangkirimon I ma halak togu, jala hot hadirion na tu Tuhan I,ndang meoleol haporseaonna. Ndang songon “layanglayang” ndang boi hot, sae meoleol molo diullus alogo. Pangkirimon ni mamboan hita ndang holan manggulut arta di portibion hita (Heb 13:14), pangkirimon ni do na mangonjar rohanta asa manjamothon ngolu namarhabadiaon (1 Yoh 3:2,3), jala pangkirimon ni na margogoihoon hita mampu marlasniroha mangadopi angka sitaonon di portibion. Ndang tarsirang pangkirimon sian habengeton, I do umbahen didok si Paulus “Marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang ( Rom 12:12). Pangkirimon ni do ojahan ni na porsea mangkirim haluaon sian Debata, haporseaon ni do dasor asa margogo hita manghaholongi donganta. Ala ni do didok si Paulus “Asa tolu do na hot: I ma haporseaon, pangkirimon dohot haholongon; alai haholongon do na umbalga I” (1 Kor 13:13).

Paduahon na taida sian turpuk on I ma, uhum ni Debata tu angka siula dosa. Molo mardosa jolma berarti  marsahit ma roha parbagasonna (sakit batin: perasaan, keinginan dan tindakan, akal, pikiran), molo mardosa jolma sega ma roha parbagasonna. Dohonontama halak na mangulahon dosa, I ma halak na manadingkon Debata, manimbil sian lomo ni roha ni Debata. Mangihuthon haporseaon ni Israel, diuhum Debata do nasa jolma na mangulahon dosa. Digombarhon do diturpuk on halak na manadinghon Debata, I ma halak na na manadinghon aek hangoluan, manadingkon pasupasu ni Debata. Songon hinaringkot ni aek tu sude mahklu, songon ni nang di halak Israel, aek do sumber kehidupan na mansai ringkot situtu, na menopang kehidupan ekonomi nasida. Ala ni marhite turpuk on disosohon do tu hita asa marpangkirimon tu Debata, ai Ibana do aek hangoluan na boi margogoihon hita, na pasonang rohanta uju marungkil hita, dohot na mangapuli rohanta uju marsak hita. Amen

3. Tangiang Pangondinon

4. Marende B.E No.188:2    JAHOWA SIPARMAHAN AU  BL. 131

Ø  Ditogu au tu na tio Aek mata hangoluan

                Dibaen do tondingki sio Di dalan hasonangan

                Sabam rohangku do tongtong Saleleng au di tano on

                Baen sangap di goarNa.

5. TANGIANG ALE AMA NAMI

Minggu, 28 Oktober 2012

Sijahaon:

Ev: Jeremia 31:7-9                                                                                                                Ep:Psalmen 126:1-6

XII Dung Trinitatis

1. Marende No: BE. No. 14:2+3     PUJI HAMU JAHOWA TUTU        

Ø  Ingot tongtong, ale tondingkon, Sude na denggan na dipasonggop Debata tu ho.

Denggan basaNa do na pangoluhon ho.

Ø  Nda tung adong, pargogo tongon, Na martudosan, tu Tuhan Debata di surgo i.

Sun hinagogo, sun hinagogo i.

DEBATA PAPUNGUHON DOHOT PAULAKHON BANGSONA TU IBANA

HATORANGAN

1. Bagabaga haluaon do turpuk on tu bangso Israel na tarbuang uju i, alai nang pe sai mardosa I bangso I, dipangkuli Debata do bangso i marhite naposo na tongon mangadopi parungkilon ala tarbuang nasida. Molo didok marhinsa ni roha, marsuraksurak, marolopolop, I do patuduhon hadirion ni angka na porsea tu Debata, I do patuduhon ciri khas huria na hinonghop Tuhan I, ala ni ngolu namarolopolp ndanda holan las niroha ateate, manang pingkirin (emosional) sambing alai las niroha dibagasan Tuhan ni do (Psalmen 16:11, Pil 4:4; Rom 15:13), ndang las niroha pardagingon sambing na ni dokna. Isara ni songon lasniroha molo monang ujian, molo dapotan karejo, molo juara di perlombaan, dll.  Marhinsa niroha, marsuraksurak dohot marolopolop I do hatandian ni angka na porsea di Tuhan ni. Ngolu na marolopolop I do ngolu naung manghilalahon pasupasu ni Debata. Martudutudu  do ngolu namaroloolp tu haluaon dohot pangkirimon (Yes 49:13; 61:10).

2. Ojahan olopolop I, I ma ala ni pambahenan ni Debata, na papunguhon dohot paulakhon bangsoNa tu Ibana, namarlapatan do I Debata sandiri do napatupa haluaon tu bangsoNa, ndang adong manang ise pe na boi mangarajuni dirina boi paluahon ngoluna. Molo Debata “pangunguhon” berarti ndang lomo roha ni Debata manimbil jolma I, ndang lomorohaNa mago jolma I, dipapatar do I marhite Tuhan Jesus parmahan na denggan i. Debata do na paulakhon bangsoNa mulak sian habuangan tu Jerusalem (tanah perjanjian). Namarlapatan do I Debata sandiri mangalehon asi ni rohana tu bangso I marhite na olo marhamubaon niroha mulak tu Debata. Haluan sian habuangan, ndang holan haluaon secara pardangingon (social, politik, ekonomi, agama) sambing I, alai gombaran haluaon sian gomgoman ni dosa do i. Boi do ala ni dosa I mambahen hita ndang boi marolopolop, ala ni unang taloas dosa I mangarajai ngolunta, alai tongtong hita mian dibagasan Tuhan I (Rom 6:8), dipaingot do hita marhite turpuk, molo marungkil hita, molo marsitaonon hita, molo taadopi arsakniroha, dijouhon do tu hita asa unang mandele, jala unang mandate, alai tongtong marpangkirimon na mangolu tu Debata. Ndang tarsirang haporsuhon sian habengeton, lasniroha dohot pangkirimon. Ala ni ma didok si Paulus “Marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang! (Rom 12:12). Antong tahangoluhon ma di ngolunta siganup ari ngolu “namarolopolop”(bersoraksorai dan bersukacita) mananda Tuhan ni dohot haluaon napisahatNa tu hita, ai  didok do “Tongtong ma hamu marlas ni roha” (1 Tes 5:16), Angkup ni i, ale angka donganku, las ma rohamuna di bagasan Tuhan i! (Pil 3:1). Atik pe so dung diida hamu Ibana, dihaholongi hamu do Ibana, na hinaporseaanmuna, nang so diida hamu Ibana nuaeng, gabe mariaia do hamu, di bagasan halalas ni roha na so tarhatahon jala na tongam (1 Pet 1:8). AMen

3. Tangiang Pangondianon

4. Marende No 363:3+8 HAMU SALUHUT HARAJAON

Ø  Ai uju au di hagogotan Joujou do au tu Debata

                Tang iangki do ditangihon  Dibaen do hosangki  arga

                Jahowa do tongtong donganku Beasa ma mabiar au ?

                Tung aha baenon ni alongku Nang manang ise dompak au ?

Ø  Timbul do tangan ni  Jahowa Sibahen hamonangan i

                Na tunduk do na jungkat roha Hot jongjong do partigor i

                Ndang mate au, sai na mangolu Do au marhite Tuhanki

                Pajojoronku, o Pangolu Ma saluhut pambaenanMi.

5. TANGIANG ALE AMANAMI

Senin, 29 Oktober i 2012

Sijahaon:

Manogot  Psalmen 119:97-104                                                                            Johannes 10:22-33

1. Marende No: B.E No. 117  JAHOWA DEBATANTA DO  

Ø  Gogonta ndang haposan i, Tibu do mago hita;

Pinillit ni Jahowa i, Na tuk pamonang hita

Ai ise goar ni ? I ma AnakNa i Tuhanta Jesus i 

Sigomgom sasude Na so tarbahen so monang

2. II Timoteus 4:17 Alai Tuhan i do mandongani jala margogoihon ahu, asa tulus parjamitaon i marhite sian ahu, gabe saluhut sipelebegu umbegesa; laos malua do ahu sian baba ni babiat i

MALUA SIAN “BABIAT” ALA TUHAN I DO MANDONGANI JALA MARGOGOIHON

HATORANGAN

Molok didok Tuhan ni mandongani (Yunani: paristano), berarti jonok do Tuhan i, mansai jonok hian jongjong dilambungta, jala molo didok Tuhan ni margogoihon (Yunani:endunamoo), berarti Tuhan i sandiri na mangalehon hagogoon asa margogo jolma i, ndang ala ni hadirionna. Tahilala do pandonganion dohot pangurupion ni Debata di angka pardalanan ni ngolunta sian ari na salpu sahat di tingkion. I do umbahen sai jotjot do tabege di hurianta angka ruas ni huria napasahathon hamauliateon ni rohana laho mandok mauliate tu Debata ala malua sian parmaraan, ala malum sian parsahiton, ala dapot parkarejoan, ala lulus sian parsingkolaan, ala monang masuk tu perguruan tinggi, dohot lan na asing. Sude na I patuduhon las ni roha di pandonganion ni Debata dibagasan ngoluna. Laos I do na dihatindanghon si Paulus di turpuk on di na tangkas dipangkilalahon ibana pandonganion dohot pangurupion ni Debata ala boi ibana malua sian “baba ni babiat”, I ma angka parhuaso na martahi na jat tu si Paulus, laho mangambati langka ni Ibana songon naposo ni Debata laho mamaritahon barita nauli. Alai ala ni pangurupion ni Tuhan I, ndang tarambat angka parjahati barita nauli I, gariada lam rarat do halak na porsea na sian sipelebegu hian manjanghon hata ni Tuhan I, dohonontama hajongjongan ni halak na porsea i “dibabat semakin merambat”. Nian mansai borat do tantangan gabe halak na porsea laho manghatindanghon na hinaporseaonna, molo didok di turpuk on “babiat”, gombaran do i na martudutudu tu hagogon ni sibolis, hagogoon ni portibion, hagogoon ni angka parjahat (Yes 5:29; Yer 49:19; 51:38), laho mangambat hata ni Debata. Ala ni tapangasahon ma Tuhan ni di ngolunta asa malua hita sian “baba ni babiat ni portibion”,  I ma angka hagogoon naeng ma mangaliluhon hita.  Antong “Torang ma rohamuna, dungo ma hamu; na maotaot do alomuna, sibolis i, songon babiat na marauang, mangalului sibondutonna” (1 Pet 5:8), Amen

4. Marende B.E No. 28:4   HATA NI JAHOWA 

Ø  Hata hangoluan do nuaeng diboan  Parjamita i.

                Na lambok begeon i nuaeng dilehon  tu rohanta i.

                Hita on dijamita i,  ai didokkon be do hita paubahon roha.

5. TANGIANG ALE AMANAMI

Selasa, 30 Oktober i 2012

Sijahaon:

Manogot  Psalmen 119:105-112                                                                                          Johannes 10:34-42

1. Marende No: 476:1                           NDADA AU GURU DI AU

Ø  Ndada au guru di au be, Jesus do nampuna au.

Las rohangku dung hubege, Jesus sipangol au.

Ndang  be au guru di au. Jesus na humophop au,

Nampuna au. Tung saleleng au mangolu, Jesus do nampuan au.

2. I Petrus 1:20 Naung ditodo do Ibana hian, tagan so ojak dope portibi on; alai dipapatar do di ujung ni angka tingki, ala ni hamu

NAUNG DITODO DEBATA

HATORANGAN

Sada rahasia kesuksesan di ngoluon I ma molo adong “perencanaan” dohot “tujuan”. Sian perencanaan dohot tujuan do sasintongna tarida aha do na tinodo. Sian perencanaan ni gabe botoonma gombaran siulaonni. Molo naeng marhasil halak disadasada ulaon ingkon adong ma perencanaan dohot tujuanna, baik di parsingkolaan, diparkarejoan, laho pajongjohon parbagason, dna. I do umbahen di ganup organisasi, instansi, perusahaan, pemerintahan, sai diparungkilhon do aha do “rencana” jala aha do “tujuanna” na ingkon sieahan (aha do visi dan misi, aha do targel na ingkon dicapai). Alai jotjot laho mambahen perencanaa I ndang diperhitunghon angka hal-hal na “metmet” hape di ujungna angka naso diperhitungkon I do na gabe penentu. Memang terbatas do kemampuan ni jolma, sangkap ni jolma, ala ndang siboto roha jolma ,ndang siboto saluhut jolma. Boi do na ditodo ni jolma pilit sian na sinangkapan ni rohana, isarana jojot do natoras manodo sasahalak gabe hela manang gabe parumaenna, hape anggo dibagasan rohana nungga denggan na tidodo na I, alai diujungna tarhirim ibana. Diturpuk on idaonta ma hasimoon, habalgaon ni pambahenan ni Debata, nungga di todo Debata hian Tuhan Jesus tagan so ojak dope portibion, asa marhite Ibana dipapatar Debata holong ni rohana tu portibion laho paulihon joma I dohot Debata. Ibana do “batu” parsuhi na ni ambolonghon, na so dijanghon portibion, alai Ibana do ojahan ni huria, Ibana do dalan haluaon I di hita marhite haporseaon, Ibana do na padamehon hita tu Ama i. Ala ni tama ma hita mandok mauliate tu Debata, ai nungga di papatar holongNa tu hita marhite Tuhan Jesus Kristus, na mangalehon hosanna humonghop hita. Antong taingot ma “Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna I (1 Kor 6:20), Amen.

3. Tangiang Pangondianon

4. Marende   BE.657:2                                           Uli na I HuriaMi

Ø  Huria ni Tuhanta I, hinophop ni mudarNa I,

        Pahot tongtong pingkiranmi,

        Maniop Tuhanmi parholong i.

        Sai unang olo talu ho, bahenon ni Sibolis I,

        Sai pangidohon ma gogo tu Raja ni Huria i.

        Tumpahi ma HuriaMi, Tumpahi ma HuriaMi.

5. TANGIANG ALE AMANAMI

 

Rabu, 31  Oktober i 2012

Sijahaon:

Manogot  Psalmen 119:113-120                                                                                          Johannes 11:1-6

1. Marende B. E No. 247:3-4                  SAI HEHE MA HAMUNA, HAMU, 

Ø  Ndang jadi haposanmu Gogom sandiri, da

                Ai tung na so hasea Do i di Debata

                Sai naeng basahononNa Di ho sinjatami

                Ai ndang tarbaen so talu Musuna baenon ni.

Ø  Manaon ma ho satongkin Di paraloan i

                Tibu do i marujung Dibaen Tuhanta i

                Dung i partumpalanna Ma ho di surgo

                Donganna ho manggomgom HarajaonNa i.

1.        I Petrus 1:5 Ai diramoti do hamu hinorhon ni gogo ni Debata marhitehite haporseaon, asa sahat tu haluaon, naung rade sipapataron di tingki na parpudi i

HINORHON NI GOGO NI DEBATA

HATORANGAN                                               

Molo laho hita tu penjara manang rumah tahanan polisi, manang lembaga pemasarakatan, mansai godangdo angka aparat na manjaga angka  tahanan (narapidana) di dihurungan I, jala ketat do pengawalan dipatupa tu nasida, jala sai diawasi do i 24 jom sadari, asa unang adong na melarikan diri, atik pe pengawalan I laho manjamothon asa unang adong terjadi angka hal-hal na bersifat negatif. Molo didok di turpuk on “diramoti” (Yunani: Phroureo, lapatanna:menjaga, melindungi, memelihara, mengawal), namarlapatan do I Debata do marhite gogona namanjaga hita, namangaramoti hita, ganup ari dohot diganup tingki. Boi ma tabayangkon isara ni pengawalan keamanan presiden na sai tongtong manjaga keselamatan ni sahalak presiden asa unang marmara ibana. Lobi sian I ma anggo pangantusion taringot tu pangaramotiaon ni Debata tu angka naporsea. Marhite turpuk on, dipapir jala dipapos ma rohanta hinorhon ni gogo ni Debata ndang tarhahua manang ise pe ngolu ni angka naporsea I ala ni pangkirimonna disiteanon na manontong marhite asi ni roha ni Tuhan i. Nungga patar haluaon I di ngolunta jala sipapataron ni Tuhan I di ari parpudi na marsihohot di Ibana. Ala ni pos ma rohanta di Tuhan ni molo pe taadopi angka parungkilon di ngolunta, tabahen ma I saluhutna laho papitahon asa lam polin haposeonta di Tuhan ni. Antong  taingot jala tahangoluhon hata ni Debata namandok “I do dihalashon hamu, nang pe marsak hamu satongkin nuaeng, di bagasan ragam ni pangunjunan, molo tung ingkon i. Ai naeng jumpang do hatauon ni haporseaonmuna, na andul ummarga sian sere na so manahan, nang pe diuji api i, bahen pujipujian dohot hamuliaon dohot hasangapon, di hapapatar ni Jesus Kristus I” (1 Pet 1:6-7). Debata do na mangaramoti huriaNa sian mulana sahat ro di ujungna, Ibana do margogoihon angak napsona tokoh-tokoh reformasi asa mulak huria I tu hasintongan,  selamat hari reformasi, Tuhan memberkatin, Amen.

3. Tangiang Pangondianon

4. Marende No BE.485:1                       Dongani ma au Tuhan.

Ø  Dongani au Tuhan sondangi rohangki,

              Pangiring ni mataM patongon langkangki.

             Sandok sude gogongku padohot pingkiranku,

             Huboan peleanku mangalu ulaonMu.

          Ai hinalomohonMi, urupi rohangki.

5. TANGIANG ALE AMANAMI

BALON PRAESES HKBP PERIODE 2012-216

DAFtar Calon Praeses:
1. Tapsel:
Pdt Efendi Silitonga
Pdt Leritio Panjaitan
Pdt Nursani Hutasoit
Pdt Sampur Manullang
Pdt Marjabat Panjaitan.
2. Silindung
Pdt Manogari Silitonga
Pdt Kardi Simanjuntak
Pdt Rajin Ramli Siahaan
Pdt Daminna Lumbansiantar
Pdt Mora Nahampun.
3. Humbang
Pdt Manarias Sinaga
Pdt Hotman Nababan
Pdt Rommel Sitorus
Pdt Berlin Tamba
Pdt Games Purba.
4. Toba
Pdt Robert silaban
Pdt Hotman Nababan
Pdt Herry simanungKalit
Pdt Ebsan Hutabarat
Pdt Parulian Sibarani.
5. Sumatra Timur
Pdt Rohden Sitorus
Pdt Junifer Damanik
Pdt Dobes Manullang
Pdt Eben Ezer Sihombing
Pdt Parlindungan Tampubolon.
6. Dairi
Pdt Helbin Bancin
Pdt MJM siMarmata
Pdt Elieser Siregar
Pdt Elieser Bancin
Pdt Kancon Nababan.
7. Samosir
Pdt Viktor Sihotang
Pdt Desirita Hutasoit
Pdt Sunggul Sirait
Pdt Togar Hasugian
Pdt Robert Silaban.
8. Jawa kalimantan
Pdt Colan Pakpahan
Pdt Sawari Togatorop
Pdt Maruli Tua siLalahi
Pdt Nasser Abednego SiLalahi
Pdt Patar Soaduon Napitupulu.
9. Sibolga
Pdt SUMEHAT PURBA
Pdt Juares Pardede
Pdt RJ simamora
Pdt Juniaster Hutauruk
Pdt Hotman simangunsong.
10. Medan Aceh
Pdt Sabar Hutabarat,
Pdt Saut simanJuntak
Pdt Julasber Silaban
Pdt Togar Hasugian
Pdt Marisihot simanJuntak.
11. Toba Hasundutan
Pdt Tumpak Siahaan,
Pdt Saut simanJuntak
Pdt Pahala simanJuntak,
Pdt Hotman siMangunsong,
Pdt Robert Silaban.
12. Tanah Alas
Pdt Elieser Siregar,
Pdt Junarsah Siahaan,
Pdt Mori Sihombing
Pdt Parulian Sibarani
Pdt Games Purba.
13. Aslab
Pdt Immanuel Panjaitan,
Pdt Patar Pakpahan,
Pdt Tunggul Limbong,
Pdt Luhut Simbolon,
Pdt Victor simaTupang.
14. Tebingtinggi
Pdt Manuarang Hutabarat
Pdt Antonius simanJuntak,
Pdt Sahat MD siMamora,
Pdt Jusen boangmanalu,
Pdt Dobes Manullang.
15. Sumbagsel
Pdt Marudut Manalu,
Pdt Wilson Na70,
Pdt Daulat Lbn. Gaol,
Pdt Timbul Simorangkir,
Pdt Liston Butarbutar.
16. Humbang Habinsaran
Pdt Barita Pa1000,
Pdt Parulian Sihotang,
Pdt Debora sinaga,
Pdt Hiras Pangaribuan
Pdt Bernad Hutajulu.
17. IBT
Pdt Maulinus Siregar,
Pdt Japiaman Lumban Gaol,
Pdt Danner Siregar,
Pdt Martunas Manullang.
18. Jabartengdy
Pdt Oloan Nainggolan,
Pdt Belman Hutahaean,
Pdt Winner siTorus,
Pdt Josmar Sinaga,
Pdt MONANG Silaban.
19. Jakarta 2
Pdt Tumpak Siahaan,
Pdt Janter Tambunan,
Pdt Pilian Panjaitan,
Pdt Asman Sitompul,
Pdt Rusman Harianja.
20. Kepri
Pdt Sintong Manalu,
Pdt rommel sitorus,
Pdt Hardi lumbanTobing,
Pdt Busmin Siagian,
Pdt ROBErT PANDIANGAN
21. Jakarta 3
Pdt Banggas SimanungKalit,
Pdt Pahala simanJuntak,
Pdt Rostetty lumbanTobing,
Pdt Tulus purba,
Pdt Japati Na70.
22. Riau
Pdt ROBErT PANDIANGAN,
Pdt Bernad Manik,
Pdt Sarlen Tobing,
Pdt Aldiner Sinaga,
Pdt Banner Siburian.
23. LAngkat
Pdt Saur simanJuntak,
Pdt Dorlen Silaen,
Pdt Poltak htsoit,
Pdt Nimrod Siahaan,
Pdt Sabar SimanungKalit.
24. Tanah Jawa
Pdt RAMLI HUTAGAOL,
Pdt Sunggul Sirait,
Pdt Tendens Simanjuntak
Pdt JAENDAR Ompusunggu,
Pdt COLAN PAKPAHAN.
25. Jambi
Pdt David Silaban,
Pdt Bernard Siagian,
Pdt Halomoan Siahaan,
Pdt Pesta Lumbangaol.
26. Labuhan Batu
Pdt REINHARD ARITONANG,
Pdt Tampak HutaGaol,
Pdt Ginisa siHombing,
Pdt Pantuan Silitonga,
Pdt Tunggul Limbong.
27. Kaltimsel
Pdt midian kh sirait,
Pdt edi lamsar manullang,
Pdt bernadi tobing,
pdt maulinus siregar,
pdt luhut hutajulu.

BIK BULAN SEPTEMBER, 26-31-09-2012

Rabu 26 September  2012

Sijahaon:

Manogot  1Samuel 16:14-17:3                                                                            Bodari Johannes 3:16-26

1. Marende BE No. 177:3                       NDADA  TARHATAON

Ø  Jesus do manaoni dosa ni sude

                Nunga digarari  do utangta be

                 Nunga pola mate Tuhan Jesus i

                Paluahon hita sian dosa i.

2.Jesaya 53:12 Dibahen i torop halak * lehononku bahen jambarna, jala marbagi tabantaban ibana rap dohot halak na marhuaso, ala naung ** sineahonna i hosana tu hamatean, jala * tarrajum ibana tu halak parjahat; ala naung ibana mangusung dosa ni torop halak, jala ** diondihon halak parjahat.

DISEAHON TUHAN NI DO HOSANA MANGUSUNG DOSANTA

Molo masa kampanye isara ni PILKADA (pemilihan kepala daerah), sai godang do angka janji, manang bagabaga di pasahat calon naeng jongjong I tu masyarakat, hape dung tarpillit ndang saut bagabaganai. Sude do girgir mandok naeng mangurupi rakyat, mamboan haimbaruon, sude angka pandohan di tingki kampanye I tabo begeon sipareon. Alai piga ma na botubotul naeng berkorban, na olo membela rakyatna..? Dipartingkian nuaeng on nungga lam moru be jolma na olo manghophop donggan (berkorban), manang mangurupi angka na hurangan. Gariada lam sange nama roha mangahut tu diri gabe bangko ni hajolmaon nuaeng. Lam tamba jala lam rarat do nuaeng angka si ula hajahaton, isara ni korupsi, sintindangi gabus, manghalkiangi dongan, manangko, mamusa, dohot mamunu dongan jolma, dohot lan angka na asing. Dosa I do mambahen lam manarita jolma I, dosa I mambahen lam moru holong I, jala ala ni dosa I mambahen dao jolma i sian Debata. Alai di turpuk on idaonta ma holong ni Debata na luar biasa, diparbagabaga Ibana do marhite naposoNa si Jesaya haluaon tu bangsoNa na tongon tarbuang nasida ala ni dosana. Dipapatar jala dipasaut Debata do bagabagana i marhite Tuhan Jesus Kristus na manaon naporsuk Ibana di hau pinarsilang.Marhite hamamate ni Jesus gabe saut ma bagabaga ni Debata marhite turpuk on paboa na tutu situtu do holong panghohopon ni Debata tu saluhut jolma, diroro do hita sian gongoman ni hamatean I, jala dilehon “parjambaran” tu hita I ma jambar haluaon, dilehon huaso di hita asa marhuaso nang hita pe mangalo sumbia ni sibolis i. Mansai arga do haluaon na pinasahat ni Tuhan I tu hita, alai basabasa do I so pola martuhor  dipasahat Tuhantai. Diseahon do diriNa marhite Kristus mangusung dosanta,  gabe dosa Ibana na so tumanda dosa asa gabe hatigoran ni Debata hita di bagasan Ibana (2 Kor 5:21). Antong aha do na patut dohononta, jala aha do na patut ulahononta? Marposniroha ma hita, Unang mandale jala mandate hita, ai gari sian hamatean nungga dipalua hita lam ma sian sitaonon na diportibion? Taingot ma panghophopon ni Tuhan ta I, jala tapadao ma ngolunta sian ragam ni hajahaton. Amen

3. Tangiang Pangondianon

4. Marende No BE.691:4                       HUPASAHAT MA TU JESUS

Ø  Dang huida Tuhan Jesus, hutundalhon dosangki,

              Lohot rohangki tu Jesus, Sipalua tondingki.

              Hupasahat ma tu Jesus saluhutna diringki,

            Hupasahat ma tu Jesus saluhutna ngolungki.

5. TANGIANG ALE AMANAMI

Kamis, 27 September  i 2012

Sijahaon:Panguhum Psalmen 80:18                                                                                  Bodari Johannes 3:27-36

1. Marende BE No 363:14 Hamu Saluhut Harajaon

Ø  Ho, Debatangku, pujionku Patimbulonku  sai tongtong

Mauliate ma rohangku Di Ho dibaen basaM inon

Hamu sude pe, ale dongan Dok ma mauliate i

Ai ndang he marpansohotan Do denggan ni basaNa i.

2. Psalmen 80:18 Sai diondingi tanganmu ma * baoa ni siamunmu, anak ni jolma i na niainmu

DIONDINGI TUHAN I DO HITA

HATORANGAN

Hea do adong sahalak ama, ruas ni huria na so pola dianturehon ibana taringot tu huria,  na losok do ibana marminggu, jala molo dihatai taringot tu huria mintor gumodang do kritikan sian ibana mandok hata na so tingkos taringot tu huria, jala dihatindanghon do nang di ngoluna bangkol do ibana martangiang, ai dirajumi ibana do ngoluna sian hadirionna sambing do umbahen mangolu ibana. Hera dietong ibana do ndang adong Tuhan i. Alai disada tingki ro ma lalo na bolon tongon di tonga borngin, renges hian do ibana modom dipodomanna, ala nungga godang hian ibana minum tuak. Pangontak ni lalo bolon I dihutur ma bagasna, gabe tarsonggot jala tarsunggul ma ibana sian podomanna, sehera na marnipi ma ibana, mangangkat ibana sian podommanna huhut marsurak “ai aha do namasa ninna rohaha” marlojong ma ibana haruar sian bagasna huhut mangangughi mandok “Tuhan, Tuhan, Oh..Tuhan, tolong, tolong” ninna ibana dohot soara na gogo. Ujungna gabe heran do jolma na torop mamereng pangalahona i, ai dirimpu jolma I do ndang dihabiari ibana manang aha. Boi do gombaran pangalaho ni amanta I nang di hita,  olo do jojot masa di ngolunta sandiri molo ro parsahiton, manang sitaonon, parungkilon gabe marhite namasa I gabe lam ringas hita mangalompit tangan martangiang tu Debata. Alai sebalikna molo hipas pamatangta, sonang rohanta,hera bangkol do hita martangiang mandok mauliate tu Tuhan i. Dihatindanghon par Psalmen do di turpuk on sian pengalaman ni ngolu banso Israel, holan Debata do hasahatan ni alualu nasida. Ala ni ibana do na tuk mangondingi hita sian ragam ni angka parungkilon, manang parmaraan di ngolunta.  Diondolhon turpuk on do mansai ringkot situtu hita pasahathon dirinta tu adopan ni Debata, ai di ondingi do hita marhite tangan ni siamumNa, lapatanna margogo, jala marhuaso do Debata mangaramoti jala mangondingi hita, ai tung tangkas do asi ni roha dohot holong ni Tuhan ni di hita ai nungga diain hita gabe anakNa marhite hamamate ni Tuhan Jesus Kristus. Antong unang pola ganggu rohanta, tapasahat ma ngolunta tu Ibana, ai Ibana do mangondingi hita, Amen

3. Tangiang Pangondinon

4. Marende B.E. No. 11:5    AHA MA ENDEHONONKU

Ø  Sai patogu ma rohangku, pasangaphon goarMi,

            dohot haporseaonku, asa tu gandana i.

            Sai pamasuk ale Tuhan, tondingki tu hangoluan,

            mangendehon sangapMi salelenglelengna i.

5. TANGIANG ALE AMA NAMI

Jumat, 28 September  i 2012

Sijahaon:

Manogot  1 Samuel 18:1-19:7                                                                             Bodari Johannes 4:1-26

1. Marende B.E. No.  202 :1-2                               HUHAHOLONGI HO            

Ø  Huhaholongi ho gogongku Huhaholongi ho tongtong

                Marhitehite pambaenanku Nang sian nasa rohangkon

                Ai Ho do sumondangi au Ro di na mate au

Ø  Huhaholongi ho ngolungku Ai Ho do alealengki

                Sai naeng tongtong Ho pujionku Saleleng au sinondangMi

                Holong mamolin rohangki Di Ho o Jesuski.

2. 1 Johannes 4:10 Di bagasan on do holong ni roha i: Ndada hita mangkaholongi Debata; Ibana do mangkaholongi hita, jala disuru do Anakna, bahen pardengganan pasaehon dosanta

IBANA JUMOLO MANGHAHOLONGI HITA

HATORANGAN

Patar do holong ni Debata dibagasan Kristus naung humonghop hita (Rom 5:8).Molo dihaholongi Debata hita berarti hita pe ingkon haholonganta do donganta, boha ma carana hita manghaholongi donganta? Napasti ndang holan hata anggo holong, anggo prinsipna “pengorbanan” do holong i. Ndang adong holong dibagaan hosom, teal, elat, late (HOTEL). Holong I do na umbalga jala na ummarga sian saluhutna (1 Kor 13:13).Holong I do rimpunan ni Patik ni Debata, I ma manghaholongi Debata sian nasa roha, gogo, ateate, dohot manghaholongi dongan jolma doshon diri niba. Ido umbahen didok Tuhan Jesus “Radoti hamu ma angka patikku; i ma dalanna, asa mian hamu di bagasan holong ni rohangku: Songon Ahu pe na mangaradoti angka patik ni Damang, gabe mian di bagasan holong ni rohana. (Yoh 15:10). Mangurupi dongan na patut siurupan I do tanda ni holong (Gal 6:2), marlambasniroha ma hita tu dongan jolma, unang mangiburu, unang tenga, unang mangahut tu diri, unang tapasombu hageduhon, alai tongtong mian dibagasan hasintongan. Jesus do ojahan di hita laho maniru ngolu na marsihaholongan. Molo didok diturpuk on Debata jumolo manghaholongi hita, berarti ndang adong sipangasahononta di adopan ni Debata, holong panghophopon do holong ni Tuhan I, ndang talup hita mangulahon na pinatupa ni Tuhan i. Antong ingkon mangasahon Tuhan ni do hita margogo manghaholongi donganta jolma. Taingot ma adong do “kewajiban moral” di hita laho manghaholongi donganta.  Amen

4. Marende No 481:1                             GODANG DOPE

Ø  Godang dope siguruhononMi, Asa tu dos ho dohot Tuhanmi

               Sai tong na hurang hatigoranmi. So tuk do pe haporseaonmi.

               Dirim sambing dihaholongi ho. Donganmu laos dihalupahon.

5. TANGIANG ALE AMANAMI

 

Sabtu, 29 September  i 2012

Sijahaon:

Manogot  Samuel 19:8-20:17                                                                              Bodari    Johannes 4:27-39

1. Marende B.E No. 303:6   JAHOWA, TUHANKI 

Ø  Sai pasupasu ma  Sude  pambahenanku

                O Tuhan Debata nang nasa pingkiranku

                Sai naeng marsangap Ho Dibaen hatangku pe

                Paboa di Ho Do gogongki sude.

2. Lukas 6:46 Boasa antong goaronmuna Ahu: Tuhan, Tuhan!, hape ndang diula hamu na hudok

MARTUHAN NDANG HOLAN HATA

HATORANGAN

Ndang sarupa halak na mar-agama dohot namar-Tuhan. Molo maragama boi do mura, alai manghangoluhon nanihaporseaonna I do halak namartuhan. Godang do halak na mandok ibana Kristen, alai anggo praktekna holan namaragama sambing do ibana, ndang namartuhan, I do umbahen didok “kristen KTP”, adong muse didok “Kristen kapal selam”, martingki do ibana marminggu, isarana molo ulaon tardidi, natal, dna, adong muse “Kristen bangke” lapatanna, ndung pe gabe bangke ibana asa tarboto namaragama Kristen ibana. Molo songon ni hadirion ni jolma, boi do dohonon halak na munafik I, songon halak Farise dohot siboto surat, na malo mandok  hasintongan jala siula hasintongan ibana, alai dibagasan rohana gok hajahaton.  Maol do mangadopi halak namunafik, ai asing do hatana di tingki dompak, jala asing do muse hata tingki tundal, lain dibibir lain di hati. Tingki dompak hita dohot ibana, sai dipujipuji do hita, alai ndung tundal nungga gabe diparoaroa hita. Halak namunafik, malo do I mar ilmu selamat, menjilat, mura do I mandok olo, alai anggo pangulaonna ndang saurdot di hata dohot pambahenan. Pangalaho sisongon ni do na di kritik Tuhan Jesus “ndang sude na manjou Tuhan, Tuhan, sogot bongot tu harajaon ni Debata, alai holan angka na mangulahon lomo niroha ni Damang. Sadalan tusi di surat Yakobus didok “Na martangiang do hamu nian; alai ndang manjalo, ala sala tangiangmuna, ai naeng pansuasaehononmuna do i di bagasan hahisaponmuna (Yak 4:3). Disungguli turpuk on do hita, halak na porsea na mangihuthon ibana, ndang holan hata sambing, alai ingkon marpangulaon (adong action/tndakan) na denggan. Antong taingot jala tahangoluhon ma na ni dok di Jakobus, Haporseaon i pe songon i do: Anggo so adong pangulaonna, naung mate do hadirionna (Yak 2:17). Amen

3. Tangiang Pangondianon

4. Marende B.E No. 248:4-5  SALELENG HO DI TANO ON 

Ø  Bolongkon sian rohami Luhut na so ture

                 Alai na sian Tuhan i Ramoti ma sude.

Ø  Sai tiru Tuhan Jesus i Naung ro humophop ho

                Pambaenna nang hataNa i Hangoluanmu do.

5. TANGIANG ALE AMANAMI

Minggu, 30 September  2012

Sijahaon:

Ev: Psalmen 19:7-14                                                                                             Ep:Markus 9:38-50

XVII Dung Trinitatis

1. Marende B.E. No. No.186:1   TONGTONG TUTU NA DENGGAN DO

Ø  Jahowa do haposanki Na mangapoi rohangku

                Na patiurhon dalanki Bulus dibaen langkangku

                Sonang tongtong Rohangkinon Binaen ni Debatangku PatikNa do lomongku

SUN DENGGAN DO PATIK NI TUHAN I JALA TAU PASABAM ROHA

HATORANGAN

1. Dihamham do di patik ni Debata (tora) taringot tu pangajarion ni Debata, dibagasan patik I do dipapatar Debata hadirion ni Debata,ala ni ndanda holan mangondolhon “aturan” manang kewajiban moral anggo patik I, alai anggo “tondi” ni patik I ma panjouon laho manghangoluhon rimpunan ni saluhut pangajarion ni Debata. Dihatindanghon par Psalmen do hinaarga ni  patik I Ummarga do angka i sian mas dohot sian sere palangki na godang situtu, tumonggi do angka i sian situak ni loba dohot tanggule (ay 11). Marhite panindangion ni par Psalmen I mansai denggan situtu do patik ni Debata, halak na manghangoluhon patik ni Debata ganup ari sian I do boi tarida “kualitas spiritual” ngolu bargasan ni jolma. Ido prioritas na parjolo di halak na porsea. Ala ni do dibindu na parjolo di buku par Psalmen mintor dipaandar do hinaringot ni manghangoluhon patik ni Debata, didok: “Sai * patik ni Jahowa do lomo ni rohana, jala sai i do * dipingkiri rohana arian dohot borngin (Psalmen 1:2). Halak na mangoluhon patik ni Debata, sai jumpang na do sabam ni roha (diboto jolma mananda dirina), mangalehon bisuk (diboto jolma manimbang na roa dohot na denggan),  jumpang ma las ni roha (adong ketenangan batin), dipatiur parnidaanna, lapatanna mangolu ibana dibagasan hatigoran dohot hasintongan, jala malua ma ibana sian uhum ni Debata.

2. Mansai ringkot do hita manghangoluhon “patik”  (aturan, hukum, undangundang), molo songon warga Negara hita adong do Hak dohot kewajibanta. Molo adong jolma na melanggar hukum, pasti do adong sangsina, baik sangsi moral dohot sangsi sosial. Di umpana ni halak batak didok do “pantun hangoluan tois hamagoan” lapatanna pangalaho na hormat do mamboan hadedenggan di parsaoran, alai hasusaan do hinorhon ginjang ni roha. Lobi sian do anggo lapatan ni Patik ni Debata, songon didok di Poda “Ai sulusulu do tona i, jala patik i do panondang, jala dalan tu hangoluan do angka pinsangpinsang ni pangajaron(Poda 3:23). Dipaingot ma hita marhite turpuk on boha do hita manghangoluhon patik ni Debata, ndang naeng “mamusa’ patik I, alai mamboan “pasupasu” do. Patik I ma gabe siparorot di ngolunta, gabe sorminan laho mananda hadirionta unang ginjang rohanta.  Antong holong I do unok ni patik ni Debata, tapatuduhon ma holong nirohanta tu Debata marhite roha na manghaholongi donganta jolma, ndang holan prinsip kewajiban mangulahon holong I, alai panjoun dohot pangoloion tu Debata do i. Amen

3. Tangiang Pangondianon

4. Marende B.E. No. 164:4  O TUHAN JESUS HO RAJANGKU                 

Ø  Sai lehon ma tu tondinami TondiM na sun badia  i

                Ibana mangajari  hami Mangaradoti  patikMi

                 Parbadiai ma hami be Marhitehite mudarMi

5. TANGIANG ALE AMANAMI